صباح النور يانور الصباح

صباح النور يانور الصباح ولهفة المشتاق
عسى الله لا يخيّب في بعضنا كـل امانينـا

يهل الغيث ويدن الرعـد ويلـوّح البـرّاق
وحنا مابرح مركب هوانـا فـي موانينـا

محبتنا على صدق النوايا والقلـوب ارزاق
نهني بعضنـا ودموعنـا تسبـق تهانينـا

نعيش بظل حاضرنا وماضينا بـدون اوراق
وحاضرنا يعلمنا نعيـش بـدون ماضينـا

تقزّم في نظرنا الياس كله والأمل عمـلاق
وحنا لو نعيش بدون أمل كثـرت مآسينـا

تربعنا على عرش الوفا والحب والأخـلاق
واذا طحنا من الايام مـا طاحـت مبادينـا

نتيجة حبنا توليـف خفّاقيـن فـي خفـاق
بمعنى مانعيـش الا علـى اوّلنـا وثانينـا

واذا ربي كتب لاقـدر الله للقلـوب فـراق
نموت وننتهي واجسادنـا تقبـل تعازينـا

يادنيا لو نشدتي وش يصير بعالم العشـاق
لهيب حروفنا يعجز يعبـر عـن معانينـا

يقولون العرب سر السلامه في يد السـوّاق
وانا اقول السلامه فالهوى ماهـي بيادينـا

لك الله لاشربنا من بعضنا كاسة الأشـواق
ماعاد نشوف اماكنّـا ولا نسمـع اسامينـا

نغيب ولا نفيق الا وحبر الشوق فـالاوراق
واثرنا قد نثرنا اللي ورى حاجز محانينـا

يفوح الورد ويمور السحاب وتذبل الاحداق
نغنـي والطيـور تطيـر وتغنـي اغانينـا

غرامك غير ياسيدالجهات الست والآفـاق
ولا يمكن نقول لبعضنـا وينـك ياناسينـا

هنا يبقى مكانك ياغلاي بداخـل الأعمـاق
مثل وشم الحنان اللـي وشمنـاه بليالينـا

صح الله السان شاعرهاوناقلها
سكون القمر
سلمتي ياغاليه على اختيارك الراقي
ننتظرجديدك بكل شوق فلاتبخلي
دمتي بسعاده لاتفارقك