دمووع ساره >>

قصيدة المعلمه سارة في احدى المدارس
يوم شافت حبيبها جاي يسجل بنته :

تقول سارة :

بأول دوام المدرسه يوم 'الأثنين
معلـمه في وجـه بـااب - الأداره

وقفت باللجنه على سادس اثنين
مـثل المجـند ينـتظر لـ: الأشـاره

هذي تنادي وهاذي ابله انا وين!
زحمه وتو اليوم بـأول نهاره

اصوَّت لـثنـتين ،وبـيدي ثنـتين
نـوره مـضاوي عايـشه مـي يـاره

وسمعت صوتن رجع القلب لسنين
صوت الذي اسمه بنقش السواره

اختي بعد اذنك ناقل البنت هالحين
تـفضلـي الأورااق والأسـتماره

عجزت لا اجـاوب ولاارمـش العيـن
طول سكـوتي وهو طـال انـتظاره

حســيت ان الـدم مـثل البـرااكين
شريـان قلـبي وصـل حـد انفـجاره

ورفعت راسي وصارت العين بالعين
ولمحت في عينـه سواة الشراره !

هو هو والا واهـمَّه .. يامسلـمين
زوله ورفـعة حاجـبه مـع سـمااره

لا ما تغـير فـيه ياكـود شـئيـن
خف الشنب والشيب زاد بوقاره

اتلـى علاقتــنا 'ثـلاثـه وتسـعيـن"
باول حـلاة العـمر قـبل انكـساره

الشاهد الله ماحـصل بيننا شـين
ولا يخدش احساس بنت وعذاره

نعم الحبيـب الليّـن الطيّـب الـزيّن
ونعم الرفيق اللي حفظ حق جاره

ياوجه ابوي هالوجه مرحب وسهلين
لا يا بـعـد رووح ومـعالـيق سـاره

ودي اللـمه وودي اصـيح بس ويـن
مثل الكسير اللي نشب وسط غاره

مايستطيع المـشي من دون رجـلين
وحـولـه جنـودن تشـتـهر بالشـطاره

يا للأسـف هالـحيـن صـرنا غـريبـين
حكـم القــدر واصـدر علـينـا قرااره

الهـمم والغـربـاال والفـقـد والـبـين
وانا ' اسيــره ' تنـتظــرر للزيـااره

ويلي على لاماك ويلاه يا 'حـسـين'
يامن يجمعــنا واسـووق البــشــاره

ساره !! وسكت له لحظه كنها سنيـن
واقفا واشوفه يوم شب الزقــاره

رد عليها حسين:

فز الخفوق وقلت ياربي تعين
هي هي ولاهي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي .. بالزياره

واليا دخلَت الصف لازم تخشين
(اسمي) لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره

إِبداعٌ لَا يُمكنُ أَن يُظَاهيهِ إِلًا أَنت في الجمْالْ, وَ شجنٌ لَا يُمتعنَا الْا إذا كانَ منْ عزفٍ أَناملكْ, راقَ لِـي الطرحُ وَالحضُورْ , عناَقيدُ لُؤْلؤْ لِـ فَخامَتِكْ وَ وَردَةة ,.

عاشت ايدك رؤؤؤؤؤعة
يعطيك الف عافيه
بانتظارالمزيد من هذآ الفيض
لقلبك كل السعاده والفرح

منورين
لا خلا ولا عدم
اسعدني تواجدكم

والله روعـــــــــــــــــــــــــــــه مانثره قلمك
عجبتني حيل رغم حزنها والفراق الي بين سطورها
دمتي بسعاده..

ياااااااااااه يا الأصيله
قلبتي علينا المواجع الله يهديك
قصيده رائعه رغم الحزن والألم
التي تلتها السطور
شكراً لك

منورين يالغلا
الله يبعد الحزن عن قلوب الجميع

هههههههههههههههههههههه
كنت بعلق بطولت لسان
لكن بقول الله يعطيك العافيه
روووووووووووعه

الله الله الله
قصيده تعبرعن حب دفين شريف
لم يكلل بنهايه سعيده
فكان طابعها الحزن
الاصيله
صح السان شاعرهاوسلم بنان ناقلها
ننتظرجديدك بكل شوف
دمتي بسعاده