( لحظةٍ حلوة )

وانتي أنتي .. مثل ماأنتي ..ولكنّك حزينه !
..................... تربكين الدمع ويل الدمع من ضيق المحاني !

صح أنا مااخترت اكون إنسان يمكن تعشقينه !
..................... بس انا ماخترت أكون إلا معاك انسان ثاني !

كنت اقول البحر ماينشد عن هموم السفينه !
..................... صرت أقول اللحين دلوني على وجه المواني !

آه .. واللي خالقٍ بي صوت يصعب تسمعينه !
..................... ماقطفتك ( لحظةٍ حلوة ) من أغصان الثواني !

أشبه احساسي ولاأشبه هذاك اللي ... تبينه !
..................... شاعرٍ من ضعت عندك ضاع يوم إنه لقاني !

أشبه اللي مرّ في صدري وانا مدري حنينه
..................... مثل هذا الفرح ..... هذا الجرح لامنّه بكاني !

أنسكب لك شي مثل المي ! يمكن تشربينه !
..................... وارتوي بك شعر.. مثل الشعر لامنّه .. دعاني !

مثل هذا الحزن هذا الحزن لامرّ بـ سكينه !
..................... مثل هذا النور مثل شعور من يدّي .. خذاني !

مثل هذا اللي يدوّر في يدينك .. عن يدينه !
..................... مثل هذا اللي يمرّ اللحين كل اللي .. قراني !!

مثل هذا اللي يحث خطاه ماتلحق .. سنينه !
..................... مثل هذا اللي تشوفي كيف لو شفتيه جاني !؟

شاعرك لو ماتنفّس ضاق به صدر المدينه
..................... شاعرك لو ماتبسّم .... كان مارفّت أغاني !

أفتحي قلبك وشوفي وش ورى دمعات عينه
..................... يمكن تحسيّن باللي ماقوى ... ينطق لساني !

لايمر الحزن مثل اللي يمر .. وفي يمينه !
..................... قلب ماتنبض سنينه مثل .. نبضات الأماني !

من يقول الصبح هذا صبح ! واشياءه حزينه !
..................... من يقول الناس مثل الناس ماحس بحناني !

الحزن ماهو مثل ماشعر واحسّك .. تشعرينه !
..................... الحزن لاجيت ادور لك وانا اجهل مكاني !

صح أنا مااخترت اكون إنسان يمكن تعشقينه !
..................... بس انا ماخترت أكون إلا معاك انسان ثاني !

الله الله عليــــــــــــــك ياسفوره
ابدعتي بنسجك للحروف
واصلي تميزك الامع..

كلآم آلعينَ ..
مروركَ وكلمآتكَ آسسعدتنيَ
أشكركَ ..
ودي ~

تَسَلَّمَ ـألأيــادي ع الطَرَحَ الطَيِّب
جُلّ شَكَرَي وأَمْتَّنَآنــي
بآنَتظــأر آبَــداعٍك
وُدِّيّ وتَقْدِيرِيّ

استاذتي الفاضله // سفيرة
طرح في غايه الروعه والجمال
وكلمات في منتهى العذوبه
راقت لي كثيرا
تقبل تحياتي

اقفُ احترمأأ وتقديرآآ عليُ كلً ابداعاتكُ ,. حضورُ جميلُ وموضوعً اجملُ كونُي دومآآ بـ هذا التميزُ ,. جنآآنن الوردُ ينحنيُ لكُ,. تحيتيُ ,.