وأظل هنااك , أقراني مواجع وأرتبك وانساك !!

وطفلك نام ,,

تعب يلقاك في الدنيا ..
وقال ألقاك فـ الأحلام ..!!

تعب يزرعك فـ عيونه ..
علشان الأمل قدام ..

تعب يلمحك في صوته ..
وفي موته !!..

تعب يقراك للأوهام !!..


نساك انتي ..
نسى نفسه ..
نسى الدنيا ..

ونسى لاينام ..!!

الحنين موجع ..

البارحة مررت بـ ذكرياتهم ..
ولم أجد إلا , بعضاً من صورهم المشرقة ..
وإبتساماتهم الدافئة ..

استوقفت قطار أيامي في محطاتهم ..
علّ أحدهم يمرّ .. علّني أجدهم ..!!

لكن لا أحد هنا كما يبدو !..

ومضيت ..!!

لا أحد سوى أنا وذكرياتهم ..
وحنيني ..!!

يا كم من الأيام ..
جرح ٍ لقـيـتـه ..!!

ويا .. كم فضحني دمع الأحزان ..
لا سال !!..


البارحة مريت من عند بيته ..
وفي خاطري حكي ٍ ..
له سنين ما انقال ..



ياجدااار بيته ..

ماات .. بس مانسيته ..


لا زال باقي في حناياي لا زال ..

ياني ..
كثيييير اشتقت ..

لو يرجع هذاك الوقت ..

لا يازمن ماغاب ..
نبضه وصوته بي ..
وكأنه .. ينااادي لي ..

ويشرق بـ صوته ضي ..
يقتل حزن دنياي ..

وأفرح وأشوفه نبض ..
وأرجع على ذكراهـ ..
وينكسر بي شوق ..!!

لاااا , يازمن مو هي ..!!


وأفـزّ له مشتاااق ..
ويردّني قلبي : ( ياهيه .. انت اشـ فيك ؟!!. )

فلان ماهو حي ..!!
فلان ماهو حي !!..

اللهُمَّ ,
إغفر وإرحم لمن إشتاقت إليهم أرواحنا وهم تحت التراب ..
ربي إرحمهم واغسلهم بالثلج والبرد وادخلهم جنتك ..




يارب ,

سارة تقول :
إن المدى ماهو مدى ..
وإن الصدى موت وأفول !!..


سارة تقول :
إن الهوى مثل الهوا ..!!
ماله ملامح أو فصول !!..


سارة تقول :
محتاجه فـ عيونك أنام !..
بقّهر عصافير وحمام ..
ولاجيت ترحل في سلام ..
إرحل .. ولكن ..
لاتقول !!..



سارة وطن للأغنيات ..
لـ الريح .. لـ الما ..
لـ الحياة !..


لـ الحزن في وجهي أنـا !..
لاضمّ أجفاني .. وبات !..



سارة ..
على الحزن السلام ..!!
ماعاد ياسعني حزن ..
مل ّ الشفايف هـ الكلام !..
ملّت صحاريي مزن ..


سارة .. أموت ..
لاجيت بـ احضانك أموت !..
وحدي بـ علّم هالحياة ..
شلون موت يغيظ موت ؟!..






وحدي وأدوّر عن دفا سارة ..
أغانيها معي !..
يمكن اشوف انسان مو مثلي ..
ولايشبه أحد !..
أجي معاي الصمت , ماغيره ..!
وأناديها : اسمعي ..
وتقول : لاتحكي ..
أنا محتاجه أسمع لك بعد !!..


الليل , ليل اليباس وصمته أنواره ..
ياصدر افتح ضلوعك خلّها تهبّك !..
أنفاس سارة ..
مدام إن حـبـّتـك ساره ..

تشعر معاها .. بأن العالم تحبّك ..

,

حين لا أجد ما أكتب عنهُ ,,
ألجأُ لـ أيّ حدث ٍ ماض ٍ ,
وأُفرغ شيطاني الكتابي فيه !!..


الأهم أن لا أبقى هكذا ..
عاجز عن تحريك يدي ببعض أحرف ,
تجعلُني أتنفس من جديد ..!!



.

أكتب ..
عشان أهرب من الهمّ ..
وألقى ..

كل السطور تجرّ حبري إلى الهمّ !..

مُحزن ..
أن تجري إلى النوم مُبكراً كل ليلة ..
لـ كي تهرب من واقع معين ..

والمحزن اكثر ,,
ان تحلم بهذا الواقع اثناء نومك ..!!

يا وجه الأيام ..
واللي فاقد احبابه ..

وشلون يضحك وفيه الحزن متمكن ..!؟