حب طرف واحد...

تجامل حبي الطاهر وتهواني غصب يا فلان
يسمونه طرف واحد حبيب يجامل الثاني
وانا ادري نهايتنا واغامر لو انا خسران
واعرف اني بقول انته نسيت وحبك الجاني
وانا والله يا حبي اعرف اني انا غلطان
ولكن سنة الدنيا، تحب، ولازم اتعاني
انا عايش مع نفسي وشوقي يحترق عطشان
وامني نفسي بحبك ويمكن تصدق اشجاني
انا ما اندم على وقتي فكيف بحبكم ندمان
كفاية شوقتك يا خل تبدد كامل احزاني
تبين اكذب على نفسي واقول احنا ترانا اخوان
صعب والله يا خلي اعدك باقي اخواني
انا يمكن علشان الحب ابقى للفجر سهران
احس اني انا منفي وساكن داخل اوطاني
شعور الضد وسط الضد وسط الحب والهجران
شعور العاجز القادر شعوري دون وجداني
ولكن خلني ببقى شخص قد عافته الاحزان
واكمل قصتي وياك وراضي بالذي جاني
ترى هذا الغرام الي نعيشه للاسف يا فلان
يسمونه طرف واحد، حبيب يجامل الثاني

اهلين اخ شاعر الكلمة
والله منووور وشكرا لمرورك
تحياااتي لك

الله يهون عليك
اخوي ريان ارضى بماكتب الله لك
ولاتخلي الدنيا توقف بطريقك ..
مبدع بطرحك يالغلا..

لا اله الا الله
منورة يا غالية (كلام العين)بمرورك
تحياتي لكي