كلمات اغاني محمد عبده

ـــــــــــــــــــــــ حرف (ج) ـــــــــــــــــــــــــــ


جاني كلام

جاني كلام إني معك كنت كذاب .. واني محملك الشقى والأسية
واني ابيع الود وابيع الأحباب .. وش باقي ما قلته حبيبي عليّه

ظالم واخاف عليك من يوم وحساب .. ياخي حرام اللي تسويه فيّه
ارفع إيديني طالبٍ رب الأرباب .. واتذكر العشرة وانزل إيديّه

شمت فينا اغراب وابعاد واقراب .. خليت ذا يحكي وهاذي وذيّه
اهديلك البسمة وتهديني انياب .. ليش الوفا في شرع مثلك خطيّه

الله بلاك بناس تفرش لك اهداب .. والله بلاني بناس ماهي وفيّه
ياليت عندي شوي من غدر الأصحاب .. ياليت عندك من وفايا شويّه


كلمات: منصور الشادي
ألحان: علي بن محمد
تاريخ: 2011


جرح العيون


الله أكــبر كـــيف يـــجرحن العيون
كيف ما يبرى صويب العين ابد

احسب ان الرمش لا سلهم حنون
اثـر رمش العين مــا ياوي لحد

يـــــوم روّح لــي نــظر عــينه بـهون
فــزّ لــه قــلبي وصفّق وارتعد

لــفّني مـــثل السحايب والمـــزون
في عيوني برق وبقلبي رعــد

نــقّض جــروحي وجــدّد بي طعون
قلت يكفي قالت عيونه بـــعد

وانــعطف هـاك الشعر فوق المتون
وانثنى عـــوده وقفى وابــتعد

اشـــغلتني نـــظرة الـــعين الـفتون
حـــيّرتــني بالـــتوعد والـوعـد

هي تــمون الـــعين ولاّ مــا تـــمون
لى خذت قلبي وقفّت يا سعد


كلمات: خالد الفيصل
ألحان: محمد عبده

جرح المودة

رحت يم الطبيب اللي يداوي الجروحي
قال جرح المودّة ما يسر الدوا به
قلت قلبي تكلّف يا الطبيب النصوحي
قال طبّه مع اللي ولّعه وإشتقى به

قلت بالله تجمّل دلّني وين أروحي
وين أبلقى علاجي و الأداوي تشابه
أوّل الليل أهوجس و آخر الليل أنوحي
وا عذاب المولّع بالهوى وا عذابه

صابني بالعيون والحجاج الذبوحي
و أحمر المبسم اللي ما يعالج صوابه
منك روحي خطيرة يا حبيبي تروحي
الهوى يذبح العاشق وهو ما درابه

ليت عينك تشوف وليت مسمعك يوحي
يوم انادي ودمعي مثل وبل السحابه
اه من واهج اه بأقصى الضماير يفوحي
كل ماشرب عليه الماء يزيد التهابه

ياحبيبي علامك بالمواصل شحوحي
ارحم الي معاك ما جابه الورق جابه
جاك علم الصحيح و راح هرج المزوحي
كل شي الا التّفرق ماحسبنا حسابه


كلمات: فالح
ألحان: طارق عبدالحكيم
مقام: كرد

جرحي برى
جرحي برى يا مطفّي النار بالنار
شمسك بعيني باديه للمغيبِ
عالجت نفسي بين تطمين و اصرار
و انا احمد الله طاب جرحٍ عطيبِ
حبي لشخصك ما تصوّر و لا صار
حبٍ مع العشاق شكله عجيبِ
وافي بحبك ما على حبي غبار
و مع الأسف ما فاد وياك نصيبي
حبٍ بليّا ساس ملزوم ينهار
يبدا غريب و في النهايه غريبِ
أول تقول إنك تحدّيت الاقدار
ترجع تقول اليوم قصّر نصيبي
راعي الهوى لى عاف ما يقبل اعذار
ما عندي لك محتاج ما انتَ حبيبي


كلمات: المشتاق


جل من نفس الصباح


جل من نفس الصباح .. وبسط ظله المديد
ألهم القمري النياح .. يشتي النزح البعيد
أه لو كان لي جناح .. كنت مثله وعاد أزيد
ربة القرط والوشاح .. واللمى الحالي البديد (2)
قتلتني بلا سلاح .. ودعتني لها شهيد

ربة القرط والوشاح .. واللمى الحالي البديد
قتلتني بلا سلاح .. ودعتني لها شهيد
والذي ارسل الرياح .. مبدء الانفس المعيد
ما أقول في الغرام أح .. ينقص العمر او يزيد (2)
قد علمنا بما يباح .. في المحب وما يفيد

قد علمنا بما يباح .. في المحب وما يفيد
جدها مثلما المزاح .. وعدها مثلما الوعيد
والضحك يتبعه نياح .. وقريب الهوى بعيد
ودم العاشقين مباح .. وقتيل الهوى شهيد (2)
هكذا طبع الملاح .. تفعل الغيد ما تريد

هكذا طبع الملاح .. تفعل الغيد ما تريد
وانت يا حامل السلاح .. ما معك تحمل الحديد
أحذر الاعين الصحاح .. ما على فعلها مزيد
تأخذ الانفس الصحاح .. والملوك عندها عبيد
وانت ياطاوي البطاح .. وامسافر الى زبيد (2)
السلام السلام صفاح .. ربما انها تعيد


كلمات: احمد عبدالرحمن الانسي
ألحان: محمد حمود الحارثي
تاريخ: 1979

جمرة غضى
جمرة غضى .. أضمها بكفي
أضمها حيل . .
أبي الدفا .. لو تحترق كفي
وأبي سفر لليل
بردان أنا تكفى .. أبي احترق بدفا
لعيونك التحنان .. فعيونك المنفى
جيتك من الإعصار .. جفني المطر .. والنار
جمرة غضى
والله الجفا برد .. وقل الوفا برد
والموعد المهجور ما ينبت الورد

ياحبي المغرور .. ياللي دفاك اشعور
رد القمر للنور .. واحلى العمر .. في وعد
بردان .. بردان أنا تكفى.. أبي احترق بدفا
يا أول الحب .. شفتك أنا مره
واهديت لك قلب
ورديت لي جمرة
ومن يومها كان الرحيل
وليل الشتا .. القاسي الطويل
وآه يا الحنين
لليل باب له حارسين
برد وسحاب


كلمات: بدر بن عبدالمحسن
ألحان: محمد عبده

جيب لي شاهد

جب لي شاهد .. أيَّ واحد
قال على الحب الَّلي بينا .. وإنَّي كلَّمته عليه
وإلاَّ شاف العين تبكي .. وإلاَّ في غيابك شكيت
وإلاَّ دريوا النَّاس عنّا .. عن فرحنا .. عن خصامنا
خلِّ مابينك وبيني .. سر أشواقي وحنيني
كلِّ سرٍ ياحبيبي .. جاوز الإثنين شاع

كِلمه منَّك وإلا منَّي .. ردَّدوها ألف كلمه بالتجني
هوَّ ذا فعل العواذل .. شغلهم تحصيل حاصل
خلَّوا ماضينا الجميل .. كلَّه في قالٍ وقيل

قالوا عنَّك ... وقالوا عنَّي
وأستغلَّوا ياحياتي .. حسن ظنَّي
شوَّهوا فيك الحقايق .. لمَّا شافوا الجو رايق
كانوا بيعدِّوا الدَّقايق .. لمَّا شافوا الجو رايق
كلِّ ذا من غير دليل .. كذب مايشفي الغليل
والَّلي عدَّى من سنيني .. أغلى من روحي وعيني
بس خايف ياحبيبي .. على المودَّه من الضياع


كلمات: ابراهيم خفاجي
ألحان: عمر كدرس
تاريخ: الستينات

جيت والحمد السخي
جيت والحمد السخي والشكر للرحمن
ياهلا بك ياهلا يالوافي الأوفى
التهاني لخادم البيتين للأوطان
عاد سلطان الغلا وتو الجفن يغفى

سيدي دارك تهلي وقلبها شفقان
وكل صدر ٍ صار بك يوم اللقا مرفا
الشعب كله بطلّة شمسكم طربان
والله إن الكون ساعة جيتك يدفا ..
جيت والحمد السخي والشكر للرحمن
ياهلا بك ياهلا يالوافي الأوفى

من زمان وبسمة ايام الوطن سلطان
في حضوره تزدهي وبغيبته تخفى
الحبيب اللي سرى حبه مع الشريان
والطبيب اللي صواب الشوق به يشفا ..
جيت والحمد السخي والشكر للرحمن
ياهلا بك ياهلا يالوافي الأوفى

عاد والدنيا غدت عيد وفرح والوان
وانطفى جمر انتظاره والسهاد اقفا
يا إلهي يا ملاذي صاحب العرفان
احفظ اغلا انسان يسكن داخلي تكفى ..
جيت والحمد السخي والشكر للرحمن
ياهلا بك ياهلا يالوافي الأوفى



كلمات: نواف بن فيصل

جيته ينوحي (اه يا سلمان(



جيته ينوحي .. فوق السطوحي
عقلي و روحي .. آه يا سلمان

جيته يتوضّى .. بابريق من فضّه
بوسه و عضّه .. آه يا سلمان

جيته في الديوان .. و الحوش مليان
من كل الألوان .. آه يا سلمان

جيته بداره .. ينقش بظفاره
ضبي الزباره .. آه يا سلمان

شفته في الطاقه .. و عيني عشّاقه
شوفه اشفاقه .. آه يا سلمان

حبه فضحني .. و بعده جرحني
ليته منحني .. آه يا سلمان