مراحل تطور البصر عند الطفل

#مراحل_تطور_حاسة_النظر_عند_الرضع

#الشهر_الأول

👈 الرؤية فيه بتكون أبيض و أسود والطفل مش بيقدر يشوف الا من مسافة قريبة وأقصي مسافة ممكن يشوفها هي المسافة بينك وبينه و انت بترضعيه

👈 الطفل في الشهر الأول مش حساس للضوء عشان كده مش هيفرق معاه لو ضلمتي أو نورتي الغرفة و هو نايم

#الشهر_الثاني_للشهر_الرابع

👈 الطفل في أول المرحلة دي بيقدر يحرك عينه ورأسه مع بعض علشان يشوف حاجه بتتحرك قدامه من يمينه او شماله ومش بيعرف يتابعها لحد ما توصل للناحية التانية

👈 على آخر المرحلة دي بيقدر يحرك عينه بس (من غير راسه )يمين وشمال وفوق وتحت عشان يتابع حاجه بتتحرك

👈 كمان يبقى حساس للضوء أكتر

👈 كمان يقدر يشوف إيده ويبدأ يمصها

#الشهر_الرابع_للشهر_السادس

👈 يقدر يشوف إيد ورجله ويمصمصهم الاتنين ويقدر يتابع
الألعاب بتاعته وهي بتتحرك

👈 من أول الولادة لحد ٥ شهور الطفل بيشوف أي حاجه ثنائية الأبعاد يعني مسطحة بس من بعد الشهر الخامس بيبدأ يشوفها ثلاثية الأبعاد ويقدر يحدد الحاجة بعيدة عنه و الا قريبة منه وقدرته على رؤية الألوان بتتحسن

👈 أول ٥ شهور ممكن تشوفي حول في عيون الطفل لفترات قصيرة و دا طبيعي في السن دا لإن عضلات العين بتبقى ضعيفة و الموضوع دا بيتصلح من سن ٥ : ٨ شهور

#الشهر_السابع_للشهر_العاشر

👈 يقدر يتفرج على صور ملونة ويقدر يميز الأشياء الصغيره على الأرض

#الشهرين_الحادي_عشر_والثاني_عشر

👈 يقدر يتعرف على الناس كويس حتى لو شافهم من مسافة
👈 وبيعرف كل حاجه في البيت من ناحية الشكل عشان هو في المرحلة دي بيكون أخيراً بدأ يشوف زي الكبار والألوان بقت واضحة تماماً بالنسبة له