ولو ماعلى قلبك أمر ..
جبّ لي ( عمر )
وخل الحزن لحظه يمر ..
وأحسّ به مر .. بـ سلام ..

وجب لي معك طعم ( الفرح )
وإحساس .. ولسان ..
وكلام !..


الليلة ياشمعه ( أنا )
من دون ضيّك .. مو أنا !..
من دون غيّك ماأحس ..
إني هنا .. وإني هنا ..
الليلة محتاجك سما .. بـ طيّر أنفاسي حمام !..


الليلة محتاجك ( دعا أمي )
وطفلة وأغنيّة ..
محتاجك أكثر ..
من ( لقا أحباب ) غابوا ..
وأمنيّة ..

الليلة محتاجك ( حزن ) يشبه ( حزن ) فيني ينام ..


الليلة محتاجك ..
( ملامح ناس ) غيّبهم زمن ..
ودي اعرف لـ مين هم راحوا ؟..
وأنا باقي لـ من ؟!!..
ودي اعرف شلون مـ إرتاحوا .. وأنا جرحي ثمن ؟!!..
ودي اعرف شلون ماصبّوا ..
وبـ ايديهم غمام ..!؟



غنّي .. يقولون الأغاني ..
هي أماني من دموع !!..
غنّي .. مُحال نموت مثل الصوت ..
مثل أيّة شموع ..
غنّي انا ماعاد عندي صوت ..
وإحساس ..
وكلام ..!!