منتديات سكون القمر - عرض مشاركة واحدة

07-25-2018, 10:59 PM

حرف ( و )

وادعيني

وادعيني .. لا تردين الملامة
وادعيني .. لاتخافين الندامة
وادعيني يا حبيبة .. وسامحيني ياغريبة
ان جرحتك في اللي فات .. ذا ترى طبع الحياة
يا عسى اللقيا قريبة

لا تظنين الوداع .. بيننا هذي الدقيقة
من زمان الحب ضاع .. وما درينا بالحقيقة
كلنا نطرد سراب.. حظنا منه العذاب ..
وادعيني يا حبيبه.. وسامحيني ياغريبة..
لوجرحتك في اللي فات .. ذا ترى طبع الحياة..
يا عسى اللقيا قريبة

وادعيني بابتسامه .. نورها ينفي الشجون
واتركيني بالسلامة .. .يا عسى دربك حنون
واوعديني لو نسيتي .. قصة الماضي اللي راح
زي ما تنسي الاماني .. حاولي تنسي الجراح
وادعيني يا حبيبة.. وسامحيني ياغريبة..
ان جرحتك في اللي فات.. ذا ترى طبع الحياة
يا عسى اللقيا قريبة

كلمات: بدر بن عبدالمحسن
ألحان: سراج عمر
---------------------------------------------

واضحكت لي

واضحكت لي بشفة مثل الشفق
حسها قلبي وحن إلها وخفق
واسلبت لي طرف ذوبني غشيت
في شديد البرد نضحني عرق
ما دريت إن قلبي إنسرق
من يصدق ان عمريس ذاب من بسمة امل
من يصدق ان قلبي يسلبه طرف جل
جيت ابا اقله استحيت .. خفت يضربي المثل
من شكا جرح الهوى كيف يا ربعي يلام؟!
من بكى طول النوى كيف يقولوا له حرام؟!
والفؤاد يرف من سهم العيون .. ساهر بالليل ما يقدر ينام
يمكن الصدفه تكون .. جات من غير الوعود
لقيت قليب الأمان .. اللي يسأل عن حنان

كلمات: الشريف منصور
ألحان: طلال مداح
-----------------------------------------

وداعة الله يا مسافر

وداعة الله يامسافر وناوي الفراق .. ماقدر الله يكون
البارحه ياحبيبي هاجت علي الشجون .. قلبي انجرح وانكوى
من يوم قالوا السفر قلبي تمنع وذاب .. ياخل ماله لزوم
البارحه زارني محبوبي شايل له كادي .. عنبر ورمان وتفاح
يقول عبده اليماني الحب قطع فؤادي .. مُحب واهوى الملاح
وداعة الله يامسافر وناوي الفراق .. ماقدر الله يكون

كلمات: تراث
ألحان: تراث

ودعتك الله يا حبي

الليلة وباكر خايفٍ من التواليع ..
من بيوقف دمعي ويلقى لها المعاذير ..

قرة عيني بترحل وتكثر بي المواديع ..
ودعتك الله يا حبي يا سيد كل المعاشير ..

اشكي همي وعلة فرقاك على ربك خلاق الجميع ..
يبري علتي من حبي لك حتى لو بالتصابير ..

يجعل عنادٍ ما ينسي قلبك ويتركني اضيع ..
ودعتك الله بالسلامة والمحبة والتحذير ..

عودي بالسلامة ولا تكثري في دنيتي المواجيع ..
وتخليني مثل تايهٍ بالخلا وده برشفة من الغدير ..

ودي تكون لي

ودي تكون لي .. يا حياتي كل شي
ودي تكون لي .. حب نادر ما يخون
ودي معاني كثيره .. بس احلامي كبيره
وحبي ما تتصوره .. فوق انك توصله
يا حياتي انت عندي كل شي

عندي لك ابعاد كثيره .. والشجن فوق الضنون
منتهى الحيره في قلبي .. حيره تفضحها العيون
وحبي ما تصوره .. فوق إنك توصله
يا حياتي انت عندي كل شي

ودي تفهم دى المعاني .. ورعشتى بين السطور
واهتزاز الحرف بيدي .. وعجزى عن وصف الشعور
وحبي ما تتصوره فوق إنك توصله
يا حياتي انت عندي كل شي

كلمات: فوزي محسون
ألحان: طلال مداح
--------------------------------------------

ورا كلامك كلام

ورا كلامك كلام .. ورا ابتسامك هموم
لا تخفي عني حرام .. ابوح وانت كتوم

لو كنت تغليني قول .. خلي غيومي تزول
لأجلي انا والغرام ..يا عل عمرك يطول

سيدي ترى ما يجوز .. توهتني بالرموز
ضيعتني في ظلام .. من هالطبع ما تجوز

كلمات: تركي
ألحان: طلال مداح
تاريخ: 1999
-----------------------------------------

وردك يا زارع الورد

وردك يا زارع الورد فتح ومال ع العود
كلك ربيـع الورد منك الجمال موعود
وردك يا زارع الورد

وردك جميل محلاه فتح على غصنه
لما الندى حياه نور وبان حسنه
ومال يمين وشمال .. وردك يا زارع الورد
جميل وماله مثال .. وردك يا زارع الورد
وردك يا زارع الورد

وردك يميل ويقول مين في الجمال قـدي
دي سلوة المشغول في عيني وفي خدي
بيفرح المشتاق .. وردك يا زارع الورد
وهدية للعشاق .. وردك يا زارع الورد
وردك يا زارع الورد

صبح صباح الخير من غير ما يتكلم
ولما غنى الطير ضحك لنا وسلم
بيطمن الحيران .. وردك يا زارع الورد
على الجمال سلطان .. وردك يا زارع الورد
وردك يا زارع الورد

كلمات: عبدالكريم خزام
ألحان: طلال مداح
----------------------------------------

وطني الحبيب

روحي وما ملكت يداي فداهُ
وطني الحبيب وهل أحب سواهُ ..
وطني الذي قد عشت تحت سمائهِ
وهو الذي قد عشت فوق ثراهُ
منذ الطفولة قد عشقت ربوعه
إني أحب سهوله ورباهُ
وطني الحبيب .. وطني الحبيب .. وهل احب سواهُ ؟

وطني الحبيب وأنت مؤول عزةٍ
ومنار إشعاعٍ أضاء سناهُ ..
في كل لمحة بارقٍ أدعو لهُ
في ظل حامٍ عطرت ذكراهُ
وطني الحبيب .. وطني الحبيب .. وهل احب سواهُ ؟

في موطني بزغت نجوم نبيهِ
والمخلصون استشهدوا في حماهُ
في ظل أرضك قد ترعرع أحمد
ومشى منيب داعً مولاهُ ..
يدعو إلى الدين الحنيف بهديه
زال الظلام وعززت دعواهُ ..

@ في مكةٍ حرم الهدى وبطيبةٍ
بيت الرسول ونوره وهداه .. بيت الرسول ونوره وهداه
وطني الحبيب .. وطني الحبيب .. وهل احب سواهُ ؟

كلمات: عبدالرزاق مصطفي بليله
ألحان: طلال مداح
---------------------------------------------

وعد

وعد يا حبيبي في ليله ما تهجر .. وعد
وعد يا حبيبي في ليله ما تغدر .. وعد
ابأطفي قمرنا .. وامحي صورنا .. وانكر بعد هوانا
بشوفك تبتعد في عتمة طريق
وتوقد ما بيني وبينك حريق
يا عمر الهنا .. نساني انا .. لا تنسى ابد
حبيبي ابتسامي .. ويكفي آلامي .. تشوف التعب
حبيبي يا حبيبي

كلمات: بدر بن عبدالمحسن
ألحان: طلال مداح
مقام: عجم
----------------------------------------------

وعدتيني

وعدتيني .. بنجم الضي .. بالقمرا
تركتيني لجرح الماضي .. للذكرى
وليتك ما وعدتيني

رسمتي لي الهوى بسمه .. بتشرق في ظلام الأمس
وقلتي لي مراكبنا .. بتوصل لو مواني الشمس
وانا من فرحتي باحلم .. واصدق حلم ايامي
خذاني الحب ما اعلم .. عن الدرب اللي قدامي
كفايه .. انك وعدتيني

وعدتيني حبيبة عمر .. تقاسمني الهنا والجرح
تركتيني لحيرة عمر .. خذت مني المنى والفرح
حبيبه ما ابي لأجلي .. ولا حتى قمر ليلك
فقدت في غربتي إسمي .. وقلت أنسى أنادي لك
نسيت إنك نسيتني

كلمات: بدر بن عبدالمحسن
ألحان: سراج عمر
---------------------------------------

وعدك متى

وعدك متى ؟
الصيف ولى والشتاء ..
وانا على الوعد القديم ..
على رصيف الوقت ..
ولهان يتيم ..
لا قلت باكر صار امس ..
وتمر بي شمس و شمس ..

ارعى قمر ..
ليل وقمر ..
شط البحر ..
اكتب حروفي نثر ..
اكتب حروفي شعر ..
يقبل ولا راح ..
راح البحر يمحي السطر ..
بانشدك علمني متى وعدك متى ؟

هذي الليالي زغردت ..
حتى ورق زهر الخريف توردت ..
اتخيلك لا جاء الوعد واحنا جميع ..
خصلات شعرك بس يوم تمردت ..
الصيف هو ويا الشتاء ..
وفصل الخريف صاروا ربيع ..

ارعى قمر ..
ليل وقمر ..
شط البحر ..
اكتب حروفي نثر ..
اكتب حروفي شعر ..
يقبل ولا راح ..
راح البحر يمحي السطر ..
بانشدك علمني متى وعدك متى ؟

الدمع اللي بالصدف ..
مثل اللآلئ بالصدف ..
نادر تشوف الدمعة ..
اللي تنتظر موعد حبيب ..
فيها فرح مع خوف ..
فيها شوق مع موقف غريب ..
اتخيلك في الموعد المقبل ..
ولا ادري بس متى ..
فيها اريج الورد ..
اذا غنى وعزف ..
والموج لا طرز خزف ..
فوق الشطوط اليانعة ..

ارعى قمر ..
ليل وقمر ..
شط البحر ..
اكتب حروفي نثر ..
اكتب حروفي شعر ..
يقبل ولا راح ..
راح البحر يمحي السطر ..
بانشدك علمني متى وعدك متى ؟

كلمات: خالد بن يزيد
ألحان: طلال مداح
---------------------------------

وفقك الله

وفقك الله ياحبيبي .. سافر والقلب معاك
بس لا تنسي المكاتيب .. هي زادي لحين القاك

ياليالي الغربه ..لا تقسي في الوحده عليه
مالي في الدنيا سواه ..راعي حاله وأحظنيه

أذكر الله فكل خطوه.. وانت في الغربه هناك
عمره ما راح تلقي شكوه ..والنجا حيكون خطاك

لاتعتبني لو ما جيت ..فيني عادي عادي اودعك
ما اقدر اتحمل آهات .. قلبي لما لمّا يودعك

كلمات: توفيق فريد
ألحان: توفيق فريد
تاريخ: 1994
---------------------------------------

وقت اللقاء

وقت اللقاء قرب وحان .. ياشوق عطر ذا المكان
قل للزمن .. قل للزمن .. لحظه توقف يازمان
دقات قلبي تنتظر
حلم العمر .. حلم العمر .. اللي انتظرته من زمان

قرب تعال ياحلى غدير .. اطفي الظما في خافقي
قرب تعال خايف اطير .. قبل العيون ماتلتقي
احسب واعد .. كم عدى من وقت ومضى
لا الارض وسعتني .. ولا جو الفضا
دقات قلبي تنتظر ..
حلم العمر .. حلم العمر .. اللي انتظرته من زمان

ياموعدي .. ياموعد الحب الندي
عمري معاك .. توه نعيمه يبتدي
ياما انتظرتك فوق حد الانتظار
ياما عذرتك ليما هدني الاعتذار
طاير معا شوق الوعد .. ما في مجال اصبر بعد
دقات قلبي تنتظر ..
حلم العمر .. حلم العمر .. اللي انتظرته من زمان

كلمات: يوسف ناصر
ألحان: طلال مداح
مقام: كرد
تاريخ: 1991
-------------------------------------------

وقفة حق (اوبريت)

للجزيرة .. بردها وسمومها ..
للصحاري .. رملها وحزومها ..
للجبال .. اللي سقتنى غيومها ..
لليالي .. اللي عشقنى نجومها ..
للمآذن .. رددت .. الله أكبر ..
لكل من كافح في هالصحراء .. وعمر ..
للنخيل .. للهديل .. للمواني .. والاصيل ..
لكل ما في المملكة .. وطني الجميل ..
لك يا ابو تركي غنانا .. والقصيد ..
ولـ هل التوحيد .. والفهد ..

---

منا لابو فيصل كثر رمل النفود ..
وكثر النجوم وسحبها وابراجها ..
سلام .. من قلبٍ وفي بلا حدود ..
زيزوم هذي المملكة وسياجها ..
يا شيخنا حنا تحت أمرك جنود ..
وانت .. إمام الناس وانت سراجها ..
انت اللذي أعطيت معنى للصمود ..
لا شبة القتنة.. عرفت علاجها ..
ومنا لابو متعب .. مواثيق وعهود ..
ولا ثارت الهيجا .. نخوض امواجها ..
والله ما يفرح عدو .. ولا حسود ..
ما دام به حيٍ .. بخفض حجاجها ..

---

في ليل ما به قمر ..
في ليل ما به نجوم ..
ليلٍ مثل قلب الغدر .. وجه الهموم
جتنا غيوم ٍ من شمال ..
زادت ليالينا ليال ..
صار الحزن في كل بيت ..
جيش الغزو فـ أرض الكويت ..
كيف الاخو يقتل إخوه ..
كيف الاخو يشرد اخوه ..
اخوانه اللي ساعدوه .. ووقفوا معه ..

---

قام الفهد .. فهد العرب ..
قال الكويت ترجع لنا .. لو ما رضيت ترجع لنا ..
ضاق الفضاء .. باللي حرب.. ذاق الهزيمة .. وانسحب ..
قام الفهد .. فهد العرب ..
قال الخليج .. ارضٍ لنا ..اهل الخليج .. هم اهلنا ..
ضاق الفضا باللي حرب .. ذاق الهزيمة .. وانسحب

---

ليلٍ على الخفجي تشقق نهاره
في عيوننا صبحٍ وفي عيوننا ليل
الله على مبتدينا بغاره ..
هو ما درى اننا للملاقى مغاليل
جوكم هل التوحيد وهل الجساره
وجوك النشاما .. صدق .. ما هي تهاويل
ومن الحرس والجيش .. ذقتوا المراره ..
خلوا جنايزكم .. جدوعٍ بعد سيل ..
يا طالبين الحرب .. ما هي عياره ..
دارٍ الى شبت حطبها .. رجاجيل ..
حنا عمار الخصم .. وحنا دماره ..
وحنا الى ضاقت .. نحل المشاكيل ..
بارك الله غرسنا .. ربنا المعبود ..
يظهر الله شمسنا .. في الليالي السود ..
والمعارك عرسنا .. وعطرنا البارود ..
يالعدو مالك طريق .. والله ترابي حريق ..
والاخو والا الصديق .. ما يخون عهود ..
ارضنا ارض الوفا .. هو جزا الطيب الجفا ..
ياعدو والله كفا .. لكل صبر حدود ..

---

تشرق الشمس .. من جروح الامس .. من دموع الامس
ينتهي الليل الطويل .. يرجع الظالم ذليل
انتصرنا بقوة الله .. ربنا الفرد الصمد
انتصرنا .. بقدرة الله ثم بإيمانك فهد
وانتهى الليل الطويل وهذي الشمس

---

ياليت ابو تركي يشوف .. فـ الحرب كيف افعالنا
الشيخ ورث لها سيوف .. ونعمٍ بكل ابطالنا
للحمل اركينا الكتوف .. لو هي ثقيلة أحمالنا
حنا على الصاحب نروف .. وقبر العدو برمالنا

---

يا رافع الجبهه .. جعل الردي يفداك ..
لا ما على الجبهه .. ما دامها في حماك ..
انت يالجندي السعودي .. صخرةٍ تحمي حدودي
وللبطل اهدي ورودي .. والقهر لعداك
سيفنا وقت الحرايب .. درعنا لا جا السلام
عزنا هذي الكتايب .. نورنا وسط الظلام
انتم احفاد الصحابة .. وانتم جنود الامام
كلكم عزم وصلابة .. دون هالبيت الحرام

---

هذي يدي .. ممدوةٍ لاجل السلام
هذي يدي .. لاجل التأخي .. والوئام
مديتها عبر الزمن .. مديتها وكان الثمن
ادموا يدي بأشواكهم
ادموا يدي بشراكهم
ليه الخليج مثل الشجر .. كل ما عطى يرمي بحجر
هذا الخليج يا ضيوفنا .. مد اليدين .. بالحب شدوا كفوفنا يا الطيبين ..
وادعوا معي لاجل السلام
لاجل التأخي والوئام
وتالي الكلام

---

ما لاحد منه الله اللي عزنا ..
روحنا كتاب الله وقلبنا السنه ..
وان طمع فينا العدو ما عليه منه ..
ابشري يادار نا .. السعد فالك
وافرحي ياارنا .. بوقفة رجالك ..
انت بين ضلوعنا رملك جبالك ..
من ظهر فـ أرض العرب واعلن جهاد ..
من توحد قبلنا وحرر بلاده
من بنى هذا الوطن .. حنا يا ساده ..

كلمات: بدر بن عبدالمحسن
ألحان: محمد شفيق
تاريخ: 1992
-----------------------------------------

وقفي

وقفي .. خلي عيوني تكتفي من شوفتك
انا خذتني نظرتك .. ودي اشاهد بسمتك
من قبل ما تختفي .. وقفي خلي العيون ترسل سلام
ويتبادلوا احلى كلام .. في لحظه يرعاها الغرام
وتعرفي .. سري الخفي

وقفي .. خلي عيوني تكتفي من شوفتك
في الدنيا صدفه نلتقي .. فينا السعيد وفينا الشقي
يا بخت من يلقى هواه .. قلبي انا فيكي لقاه
في الحب انا وقلبي وفي
وقفي .. خلي عيوني تكتفي من شوفتك

كلمات: محمد العبدالله الفيصل
ألحان: سامي احسان
مقام: صبا
-----------------------------------------------

وينك انتي

وينك أنتي..؟!
والله أني لو دريت..
وين في الدنيا سكنتي..
لأترك الماضي وباكر..
وأحزم آمالي وأسافر..
وأقصدك مهما بعدتي..
وينك أنتي..؟!

وينك أنتي..؟!
دوّروكِ الحبايب والقرايب مالقوكِ..
جابو اخبار وصور..
جابو أحلام العذارى والخفر..
دورو ماقصروا..
بس النظر غير النظر!!
وينك أنتي..؟!

وينك أنتي..؟!
مايكفيني خيالي..
ذابت شموع الليالي..
طال مشواري في هالدنيا لحالي..
عندك أحلامي..
عندك أيامي..
عندك العمر الجديد..
ياللي نفسي ماتريد..
خوفي يابسمة حياتي..
أنك أبعد من بعيد..!!
وينك أنتي..؟!

كلمات: سعود بن بندر
ألحان: طلال مداح
تاريخ: 1993