جديد من الشاعر للمنتدى مباشرة

من كلمات الشاعر القدير ابو سليمان

البارحه العين هلت دمعها هلي
ادري ولاكني ادري وش مبكينا

معاد نبغى من الدنيا ولاملي
رحنا وجينا في الدنيا وملينا

معاد نبغى يكون نصوم ونصلي
ونرضي الرب اذا صمنا وصلينا

وان زارنا الضيف نفرح فيه ونهلي
والمال لازاد صدقنا وزكينا

عسى يدين البخل والشح تنشلي
وتيبس اطرافها لو كانت ايدينا

ياكل طمعان قلي وش تبي قلي
تبي تعمر وتكبر والكبر شينا

طرد الهوى ياعزيزي خله يولي
ترى حسابي منه بعته بقرشينا

ولاتحسبك فوق الناس متعلي
الي مضى قبلنا لابد يمضينا

الروح ياجي الملك ويتلها تلي
يتلها ثم يعطيها موامينا

هناك لابد تاقف دورة البلِ
وننزل بيوتٍ عمرناها بيادينا

بيوت ماجوفها كهرب ولا زلي
نقعد بها لين رب العرش يدعينا

هناك كل المشاكل جالها حلِ
يارب ترضى علينا ثم ترضينا

الويل لاهل الحسد والحقد والغلي
خابو وعابو فلا دنيا ولادينا