تقووول 💔
جاني بعد غيبتي ينشد عن احوالي
يقول هات العذر وش هي سبايبها

قلت الله اعلم وروّح ياهوى بالـي
لا تسأل اليوم عنها وانت خابرهـا

وين انت يومي اجيكم متعب حالي
يوم الرسايل تجيك ومـا تعبرهـا

من زود شوقي لكم اتعبت مرسالي
كف(ن) تعدالدقايق وكـف اقلبهـا

ازريت اردد قصيدي وانت موالـي
واسمع صدى صوتي برده يعذبهـا

بالله ياصاحبي وش ردكـم تالـي
خل السوالف ترى فعلـك يكذبهـا

ان كان قصدك تجيني تحيي آمالي
ابشر تراها تجلـت مـع هبايبهـا

القلب عن شوفتك يامعذبي سالـي
لا توقض اجروح قلبي من غياهبها

راحت حياتي معاكم هم وغربالـي
تليت روحي بيمينك لأجل تقتلهـا

مرتاح انا بعدكم ترا العنـا زالـي
دور لنفسك بديل(ن)لي يسامرهـا

‏مَليحَةٌ لا يَفيها حَرف ، ولو قلتُ
قصيدةً فيها بعد الألف ...!