ـــــــــــــــــــــــ حرف ( ب) ـــــــــــــــــــــــــــ


باركي يا كويت
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت

آل الصباح .. لاح الصباح .. واكتسى عند المساء ياكويتنا افراح
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت

أرض السلام .. انتي السلام .. صوتك المسموع في صمت وكلام
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت

اليوم عيد .. عيدٍ وعيد .. ديم الرخاء والغز ياربي وزيد
باركي ياكويت ولا احنا نبارك .. باركي باركي ياكويت
نجدد الميثاق في العيد ونشارك .. باركي باركي ياكويت


كلمات: سعود سالم
مقام: راست

بالله عليك يا موزع

بالله عليك يا موزّع شل معانا بريد
بريد من عند خلّي و قلب خلّي حديد

يا ريح يا ريح يا اللي باتمر البيوت
قولي لمحبوب قلبي صاحبك بايموت

لا يشرب الماء و لا ياكل من الزاد قوت
ما ياكل إلا زبيبه تقوّيه لا يموت

يا ليت خلي دريول و انا بجنبه دليل
الناس تصرف ريالات و انا بصرف جنيه

بحر العيون
تقول اللي طرف عينك أنا مدري هدب أو عود
أحس أني من اللي صابها ما شوف قدامي
همست وقلت لا تخافي على بحر العيون السود
على شط الكحل مريت وهذا موضع أقدامي

أدوّر عن ذهب عمري بقايا كنزي المفقود
وأشوف الموج يطوي الموج ويبحر مركب أيامي
عيوني بسمة أعيونك ولو صارت مطر ورعود
أبشرب من ظما دمعك وابغسل جرحي الدامي

عطيني عيونك الليلة وباكر يا عساه صدود
أمانة لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم وهم الدنيا قدامي


كلمات: بدر بن عبدالمحسن
ألحان: محمد شفيق
مقام: بياتي

بحق الحب سيري
بحق الحب سيري يا حمامه
لطيق الروح وهاتي لي كلامه
وودي له تحيات الموده
على الطاير وهاتي لي سلامه

وقولي له ترى هجره سطى بي
وفي قلبي من الهجران شامه
وانا اللي في هواه اتعبت روحي
ومن شانه تعرضت الملامه

نسى عهد الموده والتصافي
علامه يا حمامه وعلامه
وانا والله ما انسى اللي مضى لي
ولا انسى اللي غرامي من غرامه

دهاني ما دهى مجنون ليلى
على فرقاه صابتني ندامه
رعا الله من سقاني من وداده
بصوت الوجد نوحي يا حمامه


كلمات: محمد السديري
ألحان: محمد عبده

بس لحظه
بس لحظة قبل ما عني تغيب
خذني نبضه
خذني نبضه خذني لك اوفاء حبيب
خذني كل احساس عمرك يا حبيبي
وانا لك كلك و بعضك
وقبل ما عني تغيب
بس لحظة بس لحظة
لو تسافر
لو تسافر يعني تتركني لمين
لسهى او للضناء او للحنين
ولا لليل الحزين
الي بعدك ماله اخر
غربتي غربة سنين
ودمعتي دمعة مهاجر
يعني تتركني لمين ؟
ولا عندك مالي خاطر
خذني كل احساس عمرك يا حبيبي
وانا لك كلك و بعضك
وقبل ما عني تغيب
بس لحظة بس لحظة
خذني لعيونك صباح
خذني يالقلب الكبير
خذني لـ حلامك جناح
وطير فيني طير
للسماء و لي ابعد نجوم
كل لحظة وكل يوم
انت اول حب في عمري
يا عمري
وانت الاول و الاخير
وفي عيونك احلى دنيا
وانت لي احلى مصير
خذني كل احساس عمرك يا حبيبي
وانا لك كلك و بعضك
وقبل ما عني تغيب
بس لحظة بس لحظة


كلمات: تركي آل الشيخ
ألحان: عبدالرب ادريس
تاريخ: 2013

بسافر واترك الديرة
بشوفك ساعةٍ وحده وأسافر وأترك الدَّيره
وأقول آسف حَبيب العُمر بنِلقى موعدٍ ثاني

أنا أرجوك لاتزعل حبيبي وأتـرك الحيـره
يجي يومٍ بلا موعِد بصدفه كـود تلقانـي

يضيع اليوم موعِدنا ونِلقى موعـدٍ غيـره
وأشوفك رغم كلِّ الِّلي نخافه والعُمر فاني

حبيبي كثر ما أحبَّك بربَّك تتـرك الغيـره
مادام إنك في قلبي غير فأصبر لو على شاني

يتعِّبنا الهَـوى دايـم وتتعِبنـا مِشاويـره
ويجيك من الهَوى ظُلمٍ كثيرٍ كثر ماجانـي

حبيبي باكر بتفرج حبيبـي علَّهـا خيـره
حبيبي للوفا بذكرك ولى من خنت فإنساني

ترى ما لِلفراق أسباب ترى ما لِلهوى ديره
ولكن غابت عيونك بربك كيف تلقانـي


كلمات: سعود بن عبدالله
ألحان: محمد شفيق
تاريخ: 1999

بعلن عليها الحب
بقولها الليله.. بقولها
واهدم جدار الخوف .. بيني وبينها
عدا عليّ الوقت ..
بين انتظار وصمت ..
بعلن عليها الحب
واسمع ردها
يالطيف .. الطف عليّ بردها..

حبيبتي آخر محطه بسكتي
حبيبتي آخر محطه بدنيتي
انا عندي احساس انك تستشفين المعاني
انا عندي احساس انك تعرفين شلون اعاني..
في زياراتي في سلامي في كلامي في ضياعي..
في ارتعاش الكف.. وانتي في وداعي
حالتي ميئوس منها
وانتي مسئوله عنها..
عدا عليّ الوقت ..
بين انتظار وصمت ..
بعلن عليها الحب
واسمع ردها
يالطيف .. الطف عليّ بردها..

باقولها وبأي ثمن..
بعلنها في سمع الزمن
واكشف لك السر اللي
في عمري اندفن..
مجبور مالي اختيار
باسدل على صمتي الستار
في زياراتي في سلامي في كلامي في ضياعي..
في ارتعاش الكف.. وانتي في وداعي
حالتي ميئوس منها
وانتي مسئوله عنها..
عدا عليّ الوقت ..
بين انتظار وصمت ..
بعلن عليها الحب
واسمع ردها
يالطيف .. الطف عليّ بردها..


كلمات: فائق عبدالجليل
ألحان: طلال
تاريخ: 2013

بكيت الحب

بكيت الحب طول عمري
لقيت الدمع لي راحه
ما دام أمرك غلب أمري
يهون القلب و جراحه

شبكت القلب من بسمه
و كنت إنتَ منى بالي
رضيت بالحظ و القسمه
يا خالي البال يا غالي
حعيش لهواك .. حعيش للقاك
و لو طالت سيرة هواك

تسبني ليه أتمنى
و روحي عليك ملهوفه
عسى الأيام تجمعنا
بحبيبٍ فاقدٍ شوفه
حعيش لهواك .. حعيش للقاك
و لو طالت سيرة هواك

تشوف الدمع في عيوني
و لا ترحم و لو مره
كواني الدمع في جفوني
و بات القلب في حسره
حعيش لهواك .. حعيش للقاك
و لو طالت سيرة هواك

بلاني
بلاني بلاها الذي به بلاني
و انا قبل اعرفه حياتي هنيّه

بغاني و جيته على ما بغاني
دعاني على مارد ٍ للمنيّه

ولاني بحبه و حسنه ولاني
و هو ما تهيّا و حالي رديّه

جفاني عقب ما ملكني جفاني
ألا حسبي الله نواني بنيّه

غواني و ذي عادة ٍ للغواني
يخطّون من لا يعرف الخطيّه


كلمات: خالد الفيصل
ألحان: محمد عبده

بنات المملكة
أحلى مساء .. و أحلى صباح
بعد التعب نلتوا النجاح
الصعب من هو يسلكه
إلا بنات المملكه

مستقبل الأمه بكم
أبداً غنى ما عنكم
الفرح طرّز وردتين
دمعة نجاح و بسمتين
مبروك يا مرج الزهور
نوّار أزهاره و نور

يا موجعٍ خد الدفوف
يا معذّب الناي الأصيل
حنّا بنوقف لك صفوف
و نغني لك صبحٍ و ليل
مبروك يا مرج الزهور
نوّار أزهاره و نور


كلمات: خالد بن يزيد

بنت الخيال
قالوا إنك تحب وقلت ليه السؤال ؟
كل شخص ٍ يحب وكل شخص ٍ يميل
والهوى ديرة ٍ ما بين صد ووصال
دوم فيها نزول ودوم فيها رحيل

_____

يا عرب والقلوب أشوفها بألف حال
بين قلب جريح وبين قلب ٍ قتيل
والا أنا لو احب أحب بنت الخيال
نادره ما لها بالناس شكل ومثيل ..
فاتنة ناعمه فيها هدوء ودلال
حاوية كل زين وكل طبع ٍ أصيل
من يعرف الجمال يقول هيّ الجمال
وصفها في قصيدي يشبه المستحيل ..

كن في وجهها صبح ٍ ضحك لي وقال
يا صباح المحبة من خليل لخليل
وكن في عينها رمش ٍ ينادي تعال
واعذابي من الرمش الكسول الكحيل ..
وشعرها ليل ٍ أسود فيه صمت وجدال
وإن تحرك يضيع الصبح بأطراف ليل
وإن تناثر شعرها من يمين وشمال
ليتني يا بياض الصدر تحت الجديل ..
من يعرف الجمال يقول هيّ الجمال
وصفها في قصيدي يشبه المستحيل ..

إن مشت كنها غصن ٍ مع الريح مال
هزّه الشوق من فوق خصر ٍ نحيل
كن فيها رسوخ ٍ علّمته الجبال
وكن فيها شموخ ٍ علّمته النخيل ..
الله اللي عطاها من جمال الخصال
بنت قلب ٍ رشيد وبنت عقل ٍ ثقيل
كامله والله اللي يستحق الكمال
صورة ٍ كل ما فيها فريد وجميل ..
يعجز الشعر عنها حتى لو في الخيال
كنه يقول يا ناصر ترى مستحيل ..


كلمات: ناصر بن حمد ال خليفة
تاريخ: 2011

بنت النور
أنا عيوني على سورك يا بنت النور
يا عطر الليل وهمس الليل
أنا فيني الأماني سيل
أبي تعذرين إحساسي إذا قصرت
وابي تعذرين لو قصرت في حقك
أو قصر كلامي وما وصفك شعور
يا بنت النور يا عقد من الوله منثور

يا دانة بعين بحارك ترى الأحساس ربانك
وانا ربان هالمركب وأفني رحلتي عندك وحطيت الأمل عندك
بس الموج ما يساعد ولا الأقدار بتساعد
ولا الخطوة قربت مني ولا هدت
احس انها قريبة ويمك تباعد
يا بنت النور يا عقد من الوله منثور

أنا لك يا بريق الماس .. أنا الألماس
وانت لمعة الماسة وحساسة
وقلبك موطن الأزهار وأنا اللي يعشق الأزهار
وغيري يقطف احساسه
ولكن ما يهم اللي تولع في غرام الورد
إلا ما نسيته وردة سقاها بلهفة أنفاسه
أنا يا وردة العشاق ونار الحب والأشواق
أنا أول من عرف قلبك
وأول من سمع نبضك
وأول شخص لك إشتاق
يا بنت النور يا عقد من الوله منثور


كلمات: فيصل بن تركي
ألحان: ناصر الصالح