ليتني طفل تسليني لعبتي
كان مازلت بحضن امي
ليتني طفل اروح واجي
بس ماسك (ن) يد امي
هذا كل اللي ارتجي
هذا بعض فيض وحنان امي
تسقيني الماي واقول اشربي
بودي اشرب بعدك امي
كل عطر يجي يمي ويغدي
الا عطر صابني من ضمة امي
لاقلت يمه قالت وشتبي
فداك ياوليدي روحي ودمي
قلت يمه تكفين اسكتي
ماقدرت اوفيك حقك امي
يمه تكفين قولي واطلبي
خليني اوفيك بعض حقك امي
يمه لو جــــار الزمان بي
راحتي الاقيها بحضنك امي
يمه اسمك هو زادي ومشربي
وهو غناتي عن خالي وعمي
ياللي امك يمك ايش ترتجي
اطلب الله لها وعليها سمي


نــ هيانــ