منتديات سكون القمر - عرض مشاركة واحدة

07-22-2018, 04:41 PM

القاك
القاك طهرٍ يبي غيي .. وافقدك من غيي الطاهر
ليت الرضى بخافقي يعيي .. وليت الزعل يجبر الخاطر

ياليت شمسك غدت فيي .. لا صير في جدبك الماطر
لا شفت زيك ولا زيي .. نغيب بس الهوى حاضر

شيٍ طرى لي مع شيي .. اسهرت ليلي وانا ساهر
هو صدق انا قد طفى ضيي .. وضيك مع الفجر بيسافر

خطوتك تنخا خطاويي .. سبيل انا وانتي العابر
لا يا بعد ميتي وحيي .. يا ليت امسك يجي باكر

كلمات: عبداللطيف ال الشيخ
ألحان: محمد عبده

القلوب اصحاب
البارحة والقلوب أصحاب
كنت القمر وأنت تمدحني
واليوم مدري وش الأسباب
كنك عدوٍ بيفضحني

إنسان ماني قمر وشهاب
ليتك ملاكٍ وتنصحني
كذاب هذا الثناء كذاب
وكذاب ذمٍ يجرحني

أخطيت وأخطيت كافي عتاب
أنطق بحكمي وريحني
ولاني بعد أجمل الأحباب
الأجمل إنك تسامحني

كلمات: بدر بن عبد المحسن
ألحان: محمد شفيق
مقام: بياتي

الله احد (وطني)
ارضي تحت ظل الفهد ..
في يدنا كتاب الله .. وفي يدنا الحسام
إخوان من طاع الله .. في حرب وسلام
الله معك يا بلادي ..

حنا الوفا من طبعنا .. وعادتنا طيب وكرم
حكامنا من شعبنا .. هذا اخو وهذا ابن عم
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي ..

لي ديرةٍ عالي السحاب .. يسكن في شم جبالها
اطهر ثرى .. وأغلى تراب .. تفخر بفعل رجالها
حنا جسد فيه الفهد روح .. حنا بلد للخير نبني صروح
في يدنا كتاب الله .. وفي يدنا الحسام
إخوان من طاع الله في حرب وسلام
الله معك يا بلادي

كلمات: بدر بن عبدالمحسن
ألحان: محمد عبده
تاريخ: 1986

الله اقوى يانصيبي
الله أقوى يانصيبي وانا وش بيدي = كل ما عدلت واحد يميل الثاني

والله إني يا هوى البال في تنكيدي = لى ذكرتك هل دمعي على الأوجاني

كل مادش الهوى قلت له يا سيدي = ما تبيع الورد يا راعي البستاني

ولعوني بالهوى من نهار العيدي = عادت الأعياد تلعب على الشباني

قيدوني يالله انك تحل القيدي = من يحل القيد ومن يرضي الزعلاني

ليتني عبدٍ لكم ملك وانتم سيدي = والثمن مابيه يا مطرق الريحاني

من عثر حظه يصير القريب بعيدي = والصديق اللي تبي يستوي قوماني

حدي على المفارق وانا ما ريدي = والجفا والبعد شيٍ من الحرماني

كلمات: فهد راشد بورسلي

الله اكبر على اللي
الله واكبر على اللي سم حالي فراقه
حبه سباني وليف الروح انا مقدر انساه

مالي نظر في جميع الناس جيته عشاقه
شفقٍ على عشرته بالحيل يا حلو لاماه

لى من بغيته حد الليلات جاني سراقه
همٍ سقاني من اللي بين صافي ثناياه

حسين خلقه وطبعه ما يعرف الحماقه
قلبه سليم عرفت اليوم انا اقصاه و ادناه

ما هو غشيشٍ مثل بعض العرب له رفاقه
سبحان ربٍ خلقه و كمله في حلاياه

الله اكبر يابلد (وطني)

الله وأكبر يابلد ... أنت روح ٍ في جسد
عشت يانبض الوريد ... في قلوبنا أنت الوحيد
ياثرى جدي وابوي ... يافداء نفسي واخوي
لالا وربي ماتهون ... دونك جموع ٍ تصون
كل شبر ٍ من ثراك ... من طمع به في هلاك

الله على قلب ٍ حقود ... لامس أطراف الحدود
مايدري إن ترابنا ... مسقي بدم أسلافنا
ومادرى إنه وطى ... حد ٍ يهين اللي سطى
ياللي تماديت بكبر ... حنا توارثنا الصبر
وأبشر بعزم ٍ من حديد ... شعب ٍ لهم باس ٍ شديد

ياملكنا ياسندنا ... بعد ربي أنت آملنا
آمر وتلقى الجموع ... تمشي لك بشوق ٍ وطوع
تنطق إمان وشهادة ... عزمهم يحمي السيادة
ياللي غررك الغريب ... صرت في طوعه مجيب
الحر يلزمه القصاص ... والحق ماعنه مناص

كلمات: ساري
ألحان: ناصر الصالح
مقام: صبا
تاريخ: 2009

الله البادي (وطني)
الله البادي .. ثم مجد بلادي ..
ديرتي .. غيرتي ..
حبي اللي في العروق ..
جارفٍ .. دافي .. صدوق ..
حالفٍ ما أشرب و أذوق ..
غير حب بلادي ..
و غير عز بلادي ..

(محمد عبده) :
دارنا ماهي في كل الديار ..
شمسها .. تسبق الشمس بنهار ..
و أرضها .. تزهر أمجاد و فخر ..
أهلها اهل الشيم .. عمروها من عدم ..
سطروا فوق العلم .. لا إله الا الله ..

(طلال مداح) :
الرمل .. عانق السهل الهضاب ..
وحدةٍ .. تجمع قلوب و تراب ..
شرعها .. حكمة الله في الكتاب ..
أهلها اهل الشيم .. عمروها من عدم ..
سطروا فوق العلم .. لا إله الا الله ..

كلمات: بدر بن عبدالمحسن
ألحان: محمد شفيق
مقام: سيكاه

الله العالم
وين ياخذنا الهوى.. الله العالم
يا ترى جرح أو دوا.. الله العالم
قلي يا فجر ضوى
وين ياخذنا الهوى

ليه نسأل والسفر.. في بداياته
المهم نبعد كثير.. عن نهاياته
قلبي بالشوق ارتوى
وين يأخذنا الهوى

أنتي أحلامك بحر.. ملحه دموعي
وأنتي جروحك قمر.. ليله ضلوعي
وأنتي يا عمري الهوى
وين ياخذنا الهوى

أنا أحبك ما أبي.. للوله آخر
الحزن يوم مضى.. والفرح باكر
دام أنا وأنتي سوا
حنا يا عمري الهوى

كلمات: بدر بن عبد المحسن
ألحان: محمد شفيق
مقام: حجاز

الله الله ما علينا (وطني)
الله الله ماعلينا .. لى زما العايل زمينا
دقوا طبول الحرايب .. السيوف الها يدينا
الله الله ما علينا .. والعزايم طبع فينا

حربنا بالحيل كايد .. هللوا يا اهل العوايد
مانبي قصر وزايد .. لى رضى الخالق رضينا ..
الله الله ماعلينا .. لى زما العايل زمينا
دقوا طبول الحرايب .. السيوف الها يدينا
الله الله ما علينا .. والعزايم طبع فينا

للنصر معنا عهد .. عهد عهد
دام قايدنا فهد .. فهد فهد
للولى الموقف شهد .. فعلنا دنيا ودينا ..
الله الله ماعلينا .. لى زما العايل زمينا
دقوا طبول الحرايب .. السيوف الها يدينا
الله الله ما علينا .. والعزايم طبع فينا

كلمات: بندر بن فهد بن سعد
ألحان: محمد شفيق
مقام: سيكاه
تاريخ: 1990

الله جابك
الله جابك والا انا قبلك حزين وما بقى
في الارض حزن وما تعلق بعذابك
ولابقى في الكون عطر وما شكى فرقا غيابك
الله جابك اذكر اني كل ما كنت احزن احزن في غيابك
ازهم الدنيا ونركض لين نصل كلنا لاطراف باباك
الله جابك

من رحلتي والليالي السود تشرب من ضلوعي
من رحلتي كل حزن بهالفضاء يسكن دموعي
من رحلتي وانا يابس في ثيابي وكان ما عندي مكان
استبيحه غير بابي
من رحلتي وانا والليل ونجومه في عناد وفي عناد وفي عناد
من هو اللي ثار أول هو انا والا الزناد
من هو اللي غاب أول هو انا والا البعاد
من هو اللي سمع الثاني نحيبه
من هو اللي ضاع من سبة حبيبه
ومن هو اللي عن بكاه ضم جفنه وارتكاه
واحترق لهفه وآه من غيابك

---

قلت لك لاتتركيني قلت لك مليون مره حركي اي شي فيني
وحركي كل شي مابيني وبيني
صدقيني انتي لو حطيتي عينك مره وذابت في عيني
تقدرين تزلزليني
وتقدري تخلي المكان اضيق اضيق من فراق
ضمته راحت يديني
اوهميني وفي وهمك اللي احبه عيشيني
ولا تمليني بكل هذي السهولة
اصبري لي يمكن بحزني كلام
ودي لصدرك اقوله
شايفه هـ الحزن وش كبره وطوله
انا احبك كثر ما كثر اصدافه ولوله
من سنة اولى طفولة
لين ربي اليوم جابك

كلمات: منصور الشادي
ألحان: علي بن محمد
تاريخ: 2013

الله خلق
الله خلق لي نفس تسمو على البوح
ماهيب لى ضاقت من الهم باحت
على كثر ما شفت ضيقات و جروح
لا الوجه متغير و لا العين صاحت
أبشرك بشارة الروح للروح
تبغي تطيحني الليالي و طاحت

هذا أنا و الوجه باسم و مشروح
وجهٍ بروقه لمعظم الناس لاحت
كم محزنٍ بنى على شوفه اصروح
و كم نفس من طارف عطاه استراحت
الله وهبنا عز و أمجاد و طموح
و ذكرٍ على جدران الأيام ناحت

هذي مراجل ماهيب ضحك و امزوح
ما هي شموعي لى ضوى الصبح ساحت
الصفح خصله و الفخر ما له اسطوح
و الحزن لى سيطر على الروح ناحت
بعض الجروح تجي لك شوي و تروح
و بعض الجروح إن جات ما عاد راحت

كلمات: فزاع
ألحان: فايز السعيد

الله يرد خطاك
الله يرد خطاك لدروب خلانك
لعيون ما تنساك لو طال هجرانك ..
دام الأمل موجود فالنفس خضاعه
حق العيون السود السمع والطاعه ..

الله يردك لي يا مطول غيابه
يا معذبي هجري مدري وش أسبابه ..
دام الأمل موجود فالنفس خضاعه
حق العيون السود السمع و الطاعه ..

كانك سمعت الناس صدقت بي عاذل
عني اسأل الإحساس ان كنت بي جاهل
دام الأمل موجود فالنفس خضاعه
حق العيون السود السمع و الطاعه ..

ياللي بعدك اليوم تبكي على باكر
صبري عليك يدوم ما دمت أنا فاكر ..
إن الأمل موجود والنفس خضاعه
حق العيون السود السمع والطاعه ..

كلمات: بدر بن عبدالمحسن
ألحان: سراج عمر

الله يعين الروح
الله يعين الروح كم هي تمنى
شوف الحبايب ساعة عقب حرمان

والله حسيب اللي بلطفه هدنا
وقت تغير وأبدل الوصل هجران

أقفى ربيع الحب وأدهر وطنا
وشوك الثرى دسناه في درب الأحزان

خاط القدر بسلوك حكمه كفنا
وإلى حكم وش ياترى بيد الإنسان

حنا ضحايا الياس نرجي زمنا
ينظر لنا الله لو يوم بإحسان

حنا ليالينا بهوانا رمنا
حنا جنينا ونرجي الله غفران

نقضي ليالي البعد صبرٍ وحنا
ويى الفرج في تالي الصبر شتان

كلمات: بدر بن عبدالمحسن

الله يمسيك بالخير
الله يمسَّيك بالخير قلَّي .. وش علومك
مِن مدَّه ماجاني خبر ..
إيش سوَّا معاك السفر ..
وإنتَ في أيَّ أرض الله تعيش ..
ماودَّعت عيني البُكا من يوم فرقاك ..
الله يجيبك بالسلامه وتِسلم لي ...

ما أوحشك زهر البساتين ..
يوم تِمشي وتناجيني في ضيَّ القمر ..
وأتعطَّرت روحي وروحك بالحنين ..
وكم متَّعنا النَّظر ..
كم لمسةٍ مسَّت على الشعر ..
مِن فوق الجبين تِنفي الخطر ..
كنَّا سوا مايوم فكَّرنا في غدر السَّنين ..
وآه من غدر السَّنين ...

متى ترجع توافيني ..
وتعانقك عيني و يرتاح السَّفر ..
وتعود ليالينا .. وتِفرح أماسينا .. ويحنَّ القدر ..
ونعلِّم النِسمه .. كيف الُّلقاء قِسمه في وقت السَّحر ..
وتقول لي ياحبَّي .. خليك كذا جنبي
وخلاص .. الصبر إنتصر
وآه من غدر السَّنين

كلمات: ابراهيم خفاجي
ألحان: محمد شفيق

اللي يبينا
اللي يبينا عيّت النفس تبغيه
و اللي نبيه عيّا البخت لا يجيبه

حنا نبي لاماه و نحب طاريه
الله لا يقطع نصيبي و نصيبه

من يوم شفّته خاطري مولعٍ فيه
قلت البخت يا سعد من هو يصيبه

أقفى وصد و قال يا من تهاويه
خبرك عتيق و قلت نفسي صعيبه

يا من له الخاطر شفوقٍ يراعيه
أتبع هوانا و غيرنا وش تبي به

اللي يدارينا ترانا نداريه
و اللي تنّكر جعل ربي حسيبه

كلمات: عبدالله الدويش

الليل هود
الليل هوّد واكهف النجـم لغيـاب ... قضى الحديث وودعونـا المساييـر

أحدٍ قفل دون هوجاسـه البـاب ... وأحدٍ غدت جدران بيتـه تفاكيـر
ياساكن الهوجاس ممسـاك ماطـاب ... راحـت مجاهيـم وجتنـا مغاتيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر
الليل هوّد واكهف النجـم لغيـاب ... قضى الحديث وودعونـا المساييـر

ليت الثلاثاء ماكتب يوم في كتـاب ... من غبت ياجبر القلـوب المكاسيـر
كل ماذكرته قمت للوصل طـلاَّب ... وقلت القطاعه في هل الرحم تقصير
وين أنت ياغيثٍ من الجود صبَّـاب ... يمينك أكرم مـن سحـابٍ مزابيـر
وين أنت يامعتق من الحاجه إرقـاب ... ايضا وبك لطفٍ وحكمـه وتقديـر
قالوا مريض وقلت لشفاي لاطـاب ... وقالوا بعيد وقلـت حنَّـا المعاتيـر
والله لو تطوى له بحـور وهضـاب ... ماهو جزا له مير للشـوق تصبيـر
أنا أشهد إن الحب تكتب له أسباب ... وماكل قاعٍ فيـه تنبـت نواويـر
ياشيخنا تكفيك لو ضحكة النـاب ... وشلون وانتَ ماتحسـب المخاسيـر
لا والله الا ضامنا بعـد الاحبـاب ... والشوق ظالـم لاتعـدى المحاذيـر
احبابنا اللي عقبهم كننـا أجنـاب ... لوماجفتنـا الـدَّار دار المناعـيـر
الليل هوّد واكهف النجـم لغيـاب ... قضى الحديث وودعونـا المساييـر

حنَّا مثل غرسٍ سقي ديـن وآداب ... وتاريخ من فعله تعـدى الاساطيـر
وقت الرخا نرجى وفي الحرب ننهاب ... ولاجا لزوم الشيخ حنـا المذاخيـر
كبيرنا في السن نحسب له حسـاب ... وكنَّه مع اللي سابقٍ سنَّـه صغيـر
أنتم عمود العز وحنَّا لـه اطنـاب ... نرسى ولو هبَّت هبوب ومعاصيـر
وأرض الجزيرة مابها ربع وأغـراب ... الاصل واحد والشـرف والمقاديـر
والله فوق الكل والشـرع غـلاَّب ... حب الوطن من حب والي التدابيـر
الليل هوّد واكهف النجـم لغيـاب ... قضى الحديث وودعونـا المساييـر

كلمات: بدر بن عبدالمحسن
ألحان: محمد عبده

الليلة فرح

الليلة الليلة الليلة فرح
وأحلى العمر ليلة .. ليلة فرح
واللي انجرح .. جرحه يطيب
هذا حبيب .. وذا حبيب
واتجمعوا الليلة ..

خلان خلان
ما نطري الاحزان
شوري على الزعلان
لا يقعد الليلة
يسري مع الأشجان ..
أحلى ليالي العمر .. ليلة فرح
ليلة فرح ..

كلمات: بدر بن عبدالمحسن
ألحان: سامي احسان

المرابع والديار

قولوا لأهل ذيك المرابع والدِّيار
مانسينا الودِّ لو حنَّـا بعيـد

ليلنا الذكرى وإذا حلَّ النَّهـار
نقلب الصفحه ونبدأ من جديد

الهوى في القلب باني له عَمـار
مايهدَّه عاذِل الحُـب العَنيـد

نِعشق التَّلويع من لون السَّمار
وإن تغيَّر موعِده وأصبح وعيد

بدرِ ليل الصَّيف بيَّن وإستـدار
وليلِ نجدٍ بالحـلاوه يستزيـد

كلمات: فهد بن محمد
ألحان: محمد شفيق
مقام: بياتي

المعازيم
يوم اقبلت .. صوت لها جرحي القديم
يوم اقبلت .. طرنا لها انا وشوقي والنسيم
وعيونها ..
عين المحتني وشهقت
وعين حضنت عيني وبكت
ويافرحتي
الحظ الليله كريم .. محبوبتي معزومه من ضمن المعازيم
في زحمة الناس صعبه حالتي
فجأه اختلف لوني وضاعت خطوتي ..
مثلي وقفت تلمس جروحي وحيرتي
بعيده وقفت وانا بعيد بلهفتي ..
ماحد عرف اللي حصل
وماحد لمس مثل الامل ..
كل ابتسامه مهاجره جات رجعت لشفتي
وكل الدروب الضايعه مني تنادي خطوتي
ويارحلة الغربه.. وداعا رحلتي
ويافرحتي
الحظ الليله كريم .. محبوبتي معزومه من ضمن المعازيم
ياعيون الكون غضي بالنظر
اتركينا اثتين عين تحكي لعين
اتركينا الشوق ماخلى حذر
بلا خوف بنلتقي .. وبلا حيرة بنلتقي
بالتقي بعيونها .. وعيونها احلى وطن .. وكل الامان
كل ابتسامه مهاجره جات رجعت لشفتي
وكل الدروب الضايعه مني تنادي خطوتي
ويارحلة الغربه .. وداعا رحلتي
ويافرحتي
الحظ الليله كريم .. محبوبتي معزومه من بين المعازيم

كلمات: فائق عبدالجليل
ألحان: عدنان خوج
تاريخ: 1984

المعاناه
يا ليل خبرني عن أمر المعاناة
هي من صميم الذات ولا أجنبية

هي هاجس يسهر عيـونـي ولا بات
أو خفقة تجمح في قلبي عصـية

هي صرخة تـمردت فوق الأصـــوات
أو ونة وسـط الضمايـر خفـية

أو عبرة تعـلـقت بـيــن نظرات
أو الدموع اللي تسابق هميـة

أعاني الساعة و أعاني مسافـات
وأعاني رياح الزمان العتية

وأصور معاناتي حـروف وأبيـات
يلقى بها راعي الولع جاذبية

ولاني بندمان على كـل ما فـات
أخذت من حلو الزمان ورديـه

هذي حياتي عشتها كيف مـا جـات
آخذ من أيامي وأرد العطيـة

كلمات: خالد الفيصل
ألحان: محمد عبده

المها و الريم
المها والريم في حفظ ومصونـه . . . ماعليهن من مديريـن الدوايـر
حطهن سلطان في داخل عيونـه . . . ولفهن بسياج عطفه في السراير

في عيونـه مايشوفـن المهونـه . . . يشربن الريح في رووس الزباير
ياعنود الصيـد ماانـتِ مغبونـه . . . في كنف سلطان ماذيّـرك ذايـر

تبشرين بلمسة العطف الحنونـه . . . كلهـا ياريـم فالـك والسفـايـر
العهد سلطـان لايمكـن يخونـه . . . من رجالٍ مايعرفـون البوايـر

الأمـان اليـا عطـوه يوثقونـه . . . بالوفـاء ويسجلونـه بالضمايـر
ارجهني فـي بـلادك يافتونـه . . . وارعي الريضان من حاير لحاير

مدهلك يوم القنـص ماياصلونـه . . . يفركون كبودهم وجد وحسايـر
أبوخالد من ورا حـدك ودونـه . . . واقفٍ للـي يديـرون الدوايـر

كلمات: خضير البراق
ألحان: محمد عبده

الناس في عيني سوى
الريح هبت والشجر مخضر غصنه مستوي
تأملوا بحساسكم ما قاله الشعر ودعوا
اسماعكم تستخرج بيت الضعيف من القوي
حتى نعرف ان الشعر فكره قبل يصبح لهو
لأن الشعر عندي رساله ساميه
وتحتوي على فكر شاعر قناعاته ماهي تسقط سهو
اكتب هوانا مهتضي والقي هوانا مهتوي
والوزن ماهو ينكسر والنحو ما يبغي نحو
واعز منه قول ربي والحديث النبوي
والإهتداء بسنة اصحاب النبي يوم اهتدوا
والقصه اكبر من بحور الشعر وحروف الروي
القصه احساس يلامسني ويسمو بالسمو

دارت سنين العمر والدنيا في قلب الدنيوي
مهما بلغ به حبها ماهي على كيفه وهو
لو يبلغ نجوم السما لا بد له يومي هوي
لا بد يتعب نفس ناس جربوها وتعبوا
ياناس ياناس ياناس كم واحد من الدنيا جريح ومكتوي
ياناس ياناس كم واحد يذوق المر ويذوق الحلو
ياناس ياناس ياناس كم واحد ذراعه من زمانه ملتوي
ولا شكى ولا شكى من ضيقته لو نص خلق الله شكوا
لو قلت عدوا كم ضحايا هالزمان المأسوي
قدامكم عدادت الايام عدوا واغلطوا
والراحلين من الحياه اذكارهم تدوي دوي
خلودهم بأفعالهم حتى ولو انهم فنوا
اللي رأوا مصائب الدنيا على ما تنطوي
يجب عليهم نقل خبرتهم لناس ما رأوا
الإبن ياخذ خبرته من الشعور الأبوي
قبل يموت الأب ويصير الإبن هو الأبو
وانا خويي لا ضمى من ناس في دمي يرتوي
اصير لعيونه خوي ويصير هو صاحب سمو
ماهو خوي حتى لو ان اسمه مع العالم خوي
اقدره تقدير اخو حتى لو ان ماهو اخو

كلمات: فزاع
ألحان: فايز السعيد
تاريخ: 2013

النصيب
يلَّي تجهل رِقَّة الحب الحقيقي
يلَّي تِتلذَّذ في تحييري وضيقي
لاتظن الصَّمت في عيوني أسى
لاتفكَّرني أنتظر مِنك الوفا
أنا حبيت الهوى فيك لِلهوى
والنَّصيب هوَّ الَّلي جابك في طريقي

رِقة الإحساس عند العاشقين
إبتسامة فرحه في نظرة حنين
التِفاتة شوق في لحظة لقا
إنتعاش الرَّوح من لمس اليدين
ماهي الغضَّ الَّلعوب
في التجنَّي عَالقلوب

زماني يوم جمعني بك زماني
ضحيَّه لِلهوى في حبَّك رماني
ولعيون الهوى برضى وأبصبر
على الحِرمان لو مهما أعاني
ولو إن الَّليالي ساعدتني
شغلت القلب عنَّك بالأماني

كلمات: فهد بن بندر بن خالد
ألحان: محمد عبده
مقام: راست
تاريخ: 1980

الهوى الغايب

إذا التقينا يوم .. ولاعرفتيني
فلا عليك لوم .. شاب الزمن فيني

أنا اللي كان .. ذاك الزمان وقت ومكان
أنا اللي كان .. في نظرة عيونك حنان
ومضه في عتمات المسا .. فرحة فؤادي اللي
بسمة صباحك .. دمعة جراحك
خاطر عبر مرة في حياتك
انا الهوى الغايب

---

في ليله عشتها عمري .. لموعد انتهى بدري
رسمة احلام .. وعشة ايام
عنية الهوى إنغام
وكنت الهوى للقلب .. وكنت الوطن للحب
ولو غيرت وجهي مسافات السنين
ماتختفي في العين نظرات الحنين

أنا اللي كان .. ذاك الزمان وقت ومكان
أنا اللي كان .. في نظرة عيونك حنان
ومضه في عتمات المسا .. فرحة فؤادي اللي
بسمة صباحك .. دمعة جراحك
خاطر عبر مرة في حياتك
انا الهوى الغايب

---

ياللي تركتيني .. وخاواني الغياب
رحتي ونسيتيني .. وتذكريني العذاب
سارت بي الايام في غربة حياه
لاطريق امشيه أو اعرف مداه
زحمة وجوه وعابرين
لاروح فيها او حنين
ولاشبه منك في عيون الناظرين
جيتك على غفلة زمن
هيا قبل يصحى الزمن
انهى عذبات الشجن

أنا اللي كان .. ذاك الزمان وقت ومكان
أنا اللي كان .. في نظرة عيونك حنان
ومضه في عتمات المسا .. فرحة فؤادي اللي
بسمة صباحك .. دمعة جراحك
خاطر عبر مرة في حياتك
انا الهوى الغايب

كلمات: خالد الفيصل
ألحان: محمد عبده

الهوى جنوبي
الهوى جنوبي .. يتبعك محبوبي
ودار خلي داري .. مع خطاه ادروبي

نوري يا السوده .. واحتني بوجوده
غيمها يا ساري .. لا تعدى حدوده

واسعدي يا أبها .. صار ليلك أبها
والنسيم ازهاري .. والعطر فاح ابها

يا جبال تهامه .. ما علي ملامه
هاجسي وافكاري .. شاغلها غرامه

كلمات: نجديه
ألحان: محمد عبده

الود طبعي
والود طبعي غير هو عيا الطبع لا يخرج من الروح
...والحب شلش عليه والحسايف متعبتني
هم علموني بضحك السن حتى صرت مجروح
.... واستقصدو الصد والهجران واولها مزوحي
الله يجازيك يا من هو مفرق بين الاثنين
... فرقت بينهم عقب ما كانوا نياما

كلمات: ابراهيم خفاجي
ألحان: تراث

الورق
كلِّ ما اشقّ الورق واكتب قصيدة
حبرها دمّي وقلبي لك ورق
اشعر بتقصير ودّي بالجديدة
كلِّ حرفٍ في بحر حِبّك غرق

منهو غيري بس يرخِص لك وريدة
الله إللي خالقك والله فرق
من عرفتك يا رِقيقة يا عنيدة
ليه قلبك يا لحبيبة ما يرق

ذكّري قلبي ليالينا السعيدة
العيون أبطت سهر ملّت أرق
نبض قلبي نظرة عيوني بريدة
ليه رعّادك سبق برقٍ برق

اكتب إحساسي على شانِك واعيدة
ردّي إحساسي عليّ إللي إنسرق
ردّي إحساسي عليّ اكتب قصيدة
حبرها دمّي وقلبي لك ورق

كلمات: ساري
ألحان: صالح الشهري
تاريخ: 2011

الوفا طبعي
(موال) :
إذا المرء لم يرعاك إلا تكلفا
فدعه ولا تكثر عليه التأسفا
ففي الناس ابدالٌ وفي الترك راحة
وفي القلب صبرٌ للحبيب وان جفا
ولا خير في الدنيا اذا لم يكن بها
صديق صدوق صادق الوعد منصفا

----

كان الوفا طبعي ترى انتي زرعتيه
وشلون ما اوفي وانتي كل الوفا لي
انتي زرعتي وانتي اللي جنيتيه
وانا جنيت احساسك اللي بقالي
احساس في قلبٍ وفا ما نسيتيه
كنتي انتي فيه وكل عمرك صفالي
درب الوفى بيني وبينك رسمتيه
وش لي بغيرك دام قلبك حلالي
بحساسك انتي كل عمري شريتيه
واللي جمعنا حب غالي لغالي
حبٍ يفوق الوصف مهما عرفتيه
لو اوصفه وصفه يفوق الخيالي

كلمات: احمد العواد
ألحان: محمد عبده
مقام: راست
تاريخ: 2005

الى من يهمها امري
إلى من يهمَّها أمري .. إلى من ..
رجاءً إلى متى صبْري .. رجاءً ..
أنا لن أشتكي همِّي لغيرك .. أنا لنْ ..
ياروحي أشتكي روحي على منْ ..

رِساله .. حِبرها دمَّي ..
رِساله .. تصرخ بهمِّي .. إلى من ..
سألت الرَّيح ودروب القوافل ..
سألت الغيم .. عن لون السنابل ..
سألت النَّاس عن وجهك حبيبي ..
وعن الشَّمس .. ومِتى تِشرق مساءً ..

أحبَّك .. يا الصَّحاري الَّلي
في هجيرك أحترق كلَّي .. وفاءً ..
كتبتْ لواحة عيونك رسايل ..
سراب الدَّمع .. وأنفاس القوايل ..
كتبت وذي ترى آخر رِساله ..
أحبَّك .. وإن هجرتيني .. وِداعاً ...

كلمات: بدر بن عبدالمحسن
ألحان: عبدالرب ادريس
تاريخ: 1989

امجاد الموحد (اوبريت)
وحد الله 00 وحد
وحدالله 00 بعدها ياموحد
وارفع يدينك سما
وادعي للي في سما
ارض الجزيره سما
واذكر امجاده وعدد
ومن هو اللي
يحصي امجاد الموحد
****
عبدالعزيز .. عبدالعزيز
نبتدي من وين يالساس العزيز
بالحسب والا النسب
والا يافخر العرب
عبدالعزيز .. عبدالعزيز
نبتدي من وين يالساس العزيز
بالكرم والا اشيم
والا ياراعي الهمم
عن تاريخ لو تركته مانكتب
والا ياصقر الجزيرة
عن ملاحم عطرت ها الكون سيرة
*****
الله الله يابلدنا 00 الله الله
انتي عزوتنا وسعدنا 00 الله الله
يرحم الله من بناها
ويحفظ الله من رعاها
*****
يامتعب الخيل وارهاف الهنادي
يامعدل الميل باسنان الرماح
لا تكيد ولا تميل ولا تعادي
كلمة التوحيد والهمة سلاح
ياصباح الخير ومحياك بادي
ياصباح الخير ياذاك الصباح
من جمع شملنا حضر وبوادي
في الثناء والمدح في حقه مضاح
ما حدن عن سيرة التوحيد غادي
هذا نور في سماه الشرق لاح
****
سيوف وارماح لها دروع ورجال
وقلوب ما تعرف سوى كلمة الحق
ما بينهم جيش ورجلي وخيال
مثل الصباح الي ظهر نوره وشق
وردوا عليه وبينت بيض الافعال
يانجد عزك تو ما بان واشرق
صبح الرياض الي غدى عج وقتال
تقدمت خيل وخيل بتلحق
يوم ان ابوتركي شهر سيفه وصال
سارت به الركبان بالعلم الاوثق
عبدالعزيز وقالها نعم لا قال
انا اشهد انه لا ثنى العلم يصدق
قصة بطل صارت مضارب للامثال
لو انها عن باقي الامثال تفرق
يوم انتخى عن سيوف الاقبال
والموت رجفه بين الاضلاع يسرق
*****
وابتدى التاريخ
يكتب على رمال الجزيرة
القلم سيف
والاماني كبيرة
من فوق صهوات الجياد
ترسم حوافرها على الرمضاء
وقع الخطى لحظة الميلاد
وقف الزمن وامضا
وابتدى التاريخ
*****
هلا هلا به ياهلا
جينا له واعلنا الولى
حول عليها بجنوده
فارس ما يخطي باروده
وارض الجزيرة وحدها
زال الجهالة واسعدها
حررها من كل اعداها
والراية الخضراء علاها
فارس والفرسان جدوده
وارضه حاميها وحدوده
*****
عبدالعزيز الي حما الدار بالسيف
لين اذعنت بالشرع له واستقلت
من عهده العدوان صاروا مواليف
والخير عم وساعة الشر ولت
لين اصبحت ما تنوصف بالتواصيف
لبست حرير وبالجواهر تحلت
الحضر صاروا من قرايب هل الريف
والناس صدقان البعض وين حلت
طيبه بها الزائر تقل ضيف
ومكة بها الحجاج طافت وصلت
واسم السعودي فوق عالي المشاريف
وارض الجزيرة شمس عز تجلت
ايه ايه ايه ايه .. يالسعودي
******
واجمعتنا من شتات .. واهتنيننا في المبات
وابتدى المجد العظيم .. وانقرى كتاب عظيم
وصار معنى للحياة .. وامتلى المسجد صلاة
وابتدى عصر جديد .. والشقي اصبح سعيد
وصارت العيشة هنيه .. وصار راعي للرعيه
وانسى ذاك الزمان .. واصبحت امن وامان
*****
التقت كل القلوب .. من الشمال الي الجنوب
هيلي يالله
من بحرها الشرقي .. للساحل الي بالغروب
هيلي يالله
شعب واحد .. عقب ماكانت شعوب
صرنا نتهادى الورود .. وكلنا طيبه وجود
نجتمع بالدين اخوة .. نلتقي في كل نخوة
هيلي يالله
بالشهامة والمروة .. اجمتعنا وصرنا قوة
ما يفرقنا احد .. وربنا الله الاحد
وهيلي يالله
******
اتحدنا اتحدنا
كلنا لنهضة بلدنا
صرنا مع ركب الحضارة
نحمد الله نحمد الله
التعب ماهو خسارة ..
وانبنت طوبه وطوبه
وكلها اسنين محسوبه
ومملكتنا بالصدارة
نحمد الله نحمد الله
التعب ماهو خسارة ..
مجدنا فخر العروبة
وعزنا هبت هبوبه
وزعنا نجني ثماره
نحمد الله نحمد الله
التعب ماهو خسارة ..
اسمها طاف الوجود
وكل هالعالم شهود
وصرحنا عالي مناره
نحمد الله نحمد الله
التعب ماهو خسارة ..
*****
الله الله يابلدنا 00 الله الله
انتي عزوتنا وسعدنا 00 الله الله
يرحم الله من بناها
ويحفظ الله من رعاها
*****
البست الخضار .. عقب ماكانت قفار
والتطور صار باين .. بالقرى ويا المداين
يحفظك ياموطني
حيها بالنور حي .. وعن لهيب الشمس في
والبحر اصبح زلال .. تحقق الحلم المحال
يحفظك باموطني
السهل كله مزارع .. وبالجبل شقت شوارع
والزهر ارسل عبيره .. قال انا من ارض الجزيرة
يحفظك ياموطني
من مدينه لمدينه .. الطريق موصلينه
ليلها مثل النهار .. وقائم فيها العمار
يحفظك ياموطني
*****
كلنا اهل الجزيرة من كبير ومن صغير
ولا نبدلها بديرة وحبها حب كبير
كلنا مكة وطيبة حبنا يارض الرسول
نترجي علام غيبه بالدعاء منه القبول
كلنا اهل الرياض وكلنا ربوع لعسير
ماحلا ذيك الفياض لالتقى غصن وعبير
كلنا اهل الشمال ربعنا عرعر وجوف
بالكرم نجر ودلال لا لفوا جمع الضيوف
وكلنا بريدة وحائل بالمحبة والولاء
الوفاء واهل الجمائل يابعد حيي هلا
كلنا نخيل الحسا وشطنا الشرقي الجميل
يسعد الله هالمسا يالسواحل والنخيل
******
واسعدي يارض الامان
دامك انتي بظلنا
ما يغيرنا الزمان
وغير حبك من لنا
وكلمة وحدة 00 انتي وحدة
ولك غلانا كلنا
******
الله الله ياوطنا .. ما حلا جمع القلوب
نجمة فينا تغنى .. وغيمة تضحك طروب
مثل ما كنا نتمنى .. ذكرنا عطر الهبوب
وان حكى التاريخ .. والنعم كل يقول
مرحبا يامرحبا .. طاري الطيب يطول
*****
مملكتنا لها مقدار .. صيتها يلفت الانظار
ارضها ضمت القبلة .. والله ما مثلها بلادي
لافي الاول ولا تالي .. الفهد مجد بسطورة
شمسنا لا طلع نوره .. نحتمي كلنا بضله
والله ما مثل ابوفيصل .. يحفظه ربنا العالي
الشعر بحره ما يتعب .. لا ترنم بابو متعب
زاهي بالشعر كله .. والله ما مثل ابو متعب
يحفظه ربنا العالي .. كفك الجود ياسلطان
وافي وللكرم عنوان .. تعقد الراي وتحله
والله ما مثل ابوخالد .. يحفظه ربنا العالي
*****
الله الله يابلدنا 00 الله الله
انتي عزوتنا وسعدنا 00 الله الله
يرحم الله من بناها
ويحفظ الله من رعاها
*****
انت ذرانا لا هبت هبايبها
وانا اشهد الفهد بقلوبنا غالي
وتشهد له الدار عدت مناسبها
ياخادم البيت ياسور لنا عالي
انت ذرانا الي هبت هبايبها
وانت ربيع الجزيرة غيث همالي
وليث الي منها شبت حرايبها
عبدالله السيف لامن الدهر مالي
سم العداء وان تناجت في طلايبها
والي ذكرنا السخا مع زين الافعالي
سلطان راعي عطايا ما يحسبها
*****
انجلى ليل دامس .. شق نور وشفناه
حامي الدين حارس .. والفهد لاعدمناه
ياحديث المجالس .. كل ديره تناجاه
جامعات ومدارس .. والمصانع مبناه
كل شبر ببلدنا .. للتطور مجالي
شيخنا مع ولدنا .. نبني الصرح عالي
******
ديرتي ماتغيب الشمس عنها
ومن سكنها مايبي الا ثراها
ومن شرب من عذب ماها
لازم يجيبه غلاها ..
يالنخيل الي ثمرها قلوبنا
من يقول المحبة عيوبنا
يالجبال السمر تشبهين اوصافنا
ياسما يارض حدثي اسلافنا
قولي انه كل مجد شافنا
وقولي انه كل عز شافنا
ديرتي ماتغيب الشمس عنها ..
وانثري عطرك على الكون الفسيح
يالخزامى تعشقك مليون ريح
وحنا والله نعشقك
وانتي حنا وحنا انتي
ديرتي ماتغيب الشمس عنها ..
******
التقينا على حب ومودة .. واجتمع شملنا والفرح تم
عقب ماكانت الايام شدة .. الرخاء بارضنا والخير عم
شرعنا من كتاب نستمده .. سنة الحق ماهي بالوهم
عدلنا كلها الدنيا تعده .. ما حدن بيننا يوم انظلم
سيفنا صار منه العدل حده .. شعب واحد وتجمعه القيم
شيخنا ياعريب الساس جده .. لا دعى كلنا قلنا نعم
نحمد الله على جوده ومده .. صرنا امه وتعرفنا الامم
صرنا شعب يدير امره بيده .. امر شورى ورفرف ياعلم
*****
يابلد يلي ترفعين الراس
والسعودي يفتخر بأسمك بعد
في ترابك صفوة الناس
الحرم والبيت قبلة من قصد

كلمات: عبيد دخيل الله الدبيسي
ألحان: صالح الشهري
تاريخ: 2000

اموت واعرف
اموت واعرف بس وش جاك مني
احدٍ على تعذيب قلبي موصيك
ما فيه احد كثرك بقسوة طعني
وانا اللي دوم اقول فيني ولا فيك

قلي انته سامعٍ شي عني
وان كنت مخطي من عيوني اراضيك
لكن بلا سبه حرام التجني
عادي اذا مليتني قول مابيك

منت اول إللى فيهم إيخيب ظني
ما خذ على الصدمات من قبل الاقيك
فيك وبلياك الخفوق امتحني
الله يجازي الحب والله يجازيك

كلمات: خالد المريخي
ألحان: طلال
تاريخ: 2013

اميرة الورد
أميرة الورد ليه الورد مفتونك
ليه بحياته يحاول يشبه ألوانك
كم من فراشة تمنت تلمس غصونك
والورد ياما تمنى يعيش بأغصانك
إذا ابتسمت يذوب السكر بلونك
ويزور شهد الحياة قلوب خلانك
والليل يغفي ويصحى بس في عيونك
والصبح خدك ونور الشمس عنوانك
يا غنوة الحب ليه دايم يغنونك
كل القلوب بغلاها صاغت ألحانك
وأنا بودي أكون السعد في كونك
وأكون غنوة أتغنى بس على شانك
أميرة الورد ليه الورد مفتونك
ليه بحياته يحاول يشبه ألوانك

كلمات: حمد بن سهيل الكتبي
ألحان: موسى محمد