إلعام الجديد ~







مَدْخًل :-

ياصاحبي [ صرح ] الهوى والوفا طاح
. . . . . والقلب كنه من عراويه مقشوع

كان [ أحسب ] إن لحبنا عشرة أرواح
. . . . . إلين شفت الحبل بيديه مقطوع

يوم العهد به [ حده ] إسبوع لا راح
. . . . . إسبوع ويعوّد علي شوق ودموع

واليوم [ خمس ] سنين والهم مازاح
. . . . . هم الفراق اللى بلا عذر مشروع

أستغفرالله [ تسعة ] شهور ياصاح
. . . في غيبته قمت احسب اليوم بإسبوع !



..

..


علموه إني .. تركته .. بأول العام الجديد
. . . . . وعلموه أن الجروح { بقلب } غاليه موجعه


إيه أحبه كثر .. حبي .. للمعاني والقصيد
. . . . . وكثر ما { هلّت } دموعي يوم حّل إموادعه


أشتاقله .. كثر .. إشتياق الجد لعناق الحفيد
. . . . . وأتحمله كثر إحتمال السد { موجٍ } يدفعه


ذاب قلبي في غيابه مثل .. ماذاب .. الحديد
. . . . . يوم { ولعني } وخلا نار قلبي مولعه


أشهد أنه .. مارحمني .. يوم خلاني وحيد
. . . . . طاوعه قلبه { يغيب } وكيف قلبه طاوعه


ماسمعت ألا شطر .. ويحرّك .. إشعور البليد
. . . . . ضاقت الدنيا { بشاعر } طيب قلبه ضّيعه


آتمناه وأريده .. والله .. يفعل مايريد
. . . . . وكان مكتوب الغياب { شحيلتي } كيف أمنعه


علموه إني تركته وياعسى .. عامه .. سعيد
. . . . . وعلموه أن { القصايد } في غيابه تتبعه





-: مَخٍرْج

وصلك [ يخيط ] الصدر والبعد .. يفريه
ويابري حالي كان صديت . . . . . برياه

ويلي على [ ادري ] حبنا ويش .. تاليه
وويلي على ادري وش ورى الغيب . . . . . ويلاه

عشان [ اشوف ] اذا محبتك .. ترفيه
والله لا اقفي عنّك . . . . . واستغفر الله