العتب جايز وخلّه باختصار
بس ما أقوى منك نظرات الشمات
البكا لك يا نظر عيني وقار
عزَّل الدمع الرموش الواقفات
مثل طلّ ٍفي زهور الورد حار
حار ما ساير دموع ٍ نازلات
إن مسحته راح بكفوفٍ تغار
منه لا عانق ورودٍ ناعمات
كلّما ترخي عليها بالخمار
تجدف أطرافه دموع ٍ حايرات
وغرّةٍ مفلولها حرِّك وطار
وطار معها عاشق ٍ يقوى الثبات
اتجاهه وجّهَهْ لك واستدار
هام في حبك على كل الجهات
الليالي حكمها قاسي وجار
والعذر فيه المعاني قاصرات

منا الوفى يا وفي الروح يتعلــــم
كل التعابير تبحر من شواطينــــا


وأن كان جدت جدايد حبنا أقــدم
لا عاش رأس على الدنيا يبكينـــا