بسم الله الرحمن الرحيم الدجاج الحار بالسمسم دجاج حار بالسمسم ::: بالبداية صدور دجاج بنقطعها وبنغسلها وبنحط شوية زيت بمقلاية واسعة عالنار وبنحط الدجاج وفوقه رشة ملح ورشة فلفل أسود ورشة نشا وبنقلبهم وبنضل نقلب ليستوي الدجاج بس يستوي بنحطه على جنب بنفس المقلاية - بعد الجلي بنحط كمان شوية زيت وبنقلّي بصلة مقطعة على شكل هلال لنحسها صار لونها دهبي بنضيف شوي توم مهروس و بهارات ( ملعقة صغيرة كركم - كمان فلفل أسود - فلفل أحمر بودره حار - الأكلة لازم تكون بتحرق شوي ) و 3 ملاعق كبار صلصة طماطم وفنجان قهوة ونص صويا صوص ومقدار فنجان كمان شطة حارة - الشطة العادية السائلة وبعدها بنضيف جزر مقطع بشكل طولي و مكعبات بطاطا مقلية أو مسلوقة المهم تكون مستوية وبنقلب شوي وبالأخير بنضيف الدجاج اللي عملناه من قبل بنتركها عالنار شي ربع ساعة بعد هيك مع التقليب المستمر عشان ما يلزق عالوجه رح نرش مقدار منيح من السمسم وشوية بصل أخضر مفروم وممكن يعمل جنبها رزا بيض سادة