اهلا وسهلا صباح النور من نورك

محلى صباحى مدامك من يصبحني

كثـير قالو صباح الخير بحضورك

بس انت منك صباح الخير تذبحني

شباكك اللي يغني فيه عصفورك

فــرحو بقـــعـــدتك مثل ماتفرحـــني

مسرحك يشتاق في طلتك وظهـــورك

عطني يدك وسدل السترح وصارحني

يامـــــبدع بالدلع ارفــــق بجمهورك

بسمتك بالذات تجمعني وتطرحني

سبقتـــني بزيــــاره قـــــبل مـــــازورك

بغيت اداعب عيونك قبل تذبحني

اكتبني العاشق اللي زين السطورك

اي بالله استاهلك من غير ممدحني

انا الوحيد اللي يرضى على جورك

وزعل وصالحك قبل انك تصالحني

الصبح مفتون بشوفتك وعطورك

والورد مجنون قال العطر يجرحني

والجو بارد وجيت وجى هنا دورك

بردان وارجوك قلي بيش تنصحني

ادفى على ضمتكك ولا على شعورك

المشكله ذي على هاذيك تفضحني

اخاف من شوقي اطلعك من طورك

وتهـــــب خصلاتك اســـــودا وتلفحني

وانا لو اطيع شورك وارضي غرورك

يمــكن تمـــــر الليـــــالي ماتسامحني