منتديات سكون القمر

منتديات سكون القمر (https://www.skoon-elqmar.com/vb//index.php)
-   ۩۞۩{ الشعر والقصائد}۩۞۩ (https://www.skoon-elqmar.com/vb//forumdisplay.php?f=137)
-   -   لابغيت أوصف غرامك (https://www.skoon-elqmar.com/vb//showthread.php?t=177817)

ملكة الحنان 11-06-2016 10:30 PM
لابغيت أوصف غرامك
 

لابغيت اوصف غرامك ماتكفيني الحروف
لابغيت اوصف غرامك ماتكفيني الحروف
ولابغيت اوصف غلاتك خان باحساسي الكلام
حبي لك يانور عيني فاق بالحب الوصوف
حبي لك اكبر من اني اوصفه بشوق و غرام..
شفت لو مجنون ليلى يرجع و حبي يشوف
اشهد انه يعترف لي حبه من حبي ظلام
لو انا بسايقه بالحب والله اني اطوف
هذا لو انه تحدى ادري بيطلب سلام
لانه عارف ان حبي ماسكن في وسط جوف
لابشر لاجن قبلي ولابعد مليون عام
لو روحي في هواك تروح ماجاني حسوف
ولا يجيني احساس ان حبي على مثلك حرام
طيفك اللي لالفاني قلت ياحي الطيوف
يابعد ربعي و خلاني وبعد كل الانام
انت ساكن وسط قلبي و البشر كلهم ضيوف
انت في عيني وربي احلى من بدر التمام
احلف بخالق جبل..وادي .. سهل..ويا كهوف
اني والله كل ماشفتك عيوني ماتنام
اسهر اتخيل عيونك وارتجف ماهو بخوف
ولا هو برد ان ياحبيبي رجفتي حب و هيام
واقضي كل الليل اناظر صوره و عيني تحوف
ليتك انت اللي بجنبي ماهي صوره و السلام
تدري لو الناس كلهم وقفوا ضدي وقوف
والله اني ماتركتك يوم ولو زاد الملام
جيت برتب غرامي وصفت اشواقي وصوف
من كثرها ياحبيبي فيني اختل النظام
روف في قلب (ن) يحبك يابعد خلاني روف
تكفى لاتقسى على قلبي انا بعدك حطام
واعرف اني لو رحلت بيوم من سبة ظروف
يعني برجع مثل مايرجع الى البيت الحمام
في النهايه لي كلمة وكلها اربع حروف
بس والله انه معانيها ماتعدي أي كلام
ايه "أحبـــك" دام عندي انتهت كل الوصوف
مالقيت الا أحبــــك شفتها احلى ختام..

نهيان 11-07-2016 07:51 PM
الله الله الله
صح الله السان شاعرها وناقلها
سلمتي على جلبك الراقي
يعطيك العافيه ياغاليه
ننتظرجديدك فلاتبخلي

ملكة الحنان 11-07-2016 10:20 PM

نهيان
شكرا لمرورك الرائع
والذي اسعدني كثير
لاخلا ولا عدم
لك جزيل الشكر والتقدير
دمت يالغالي بسعاده ماتفارك يارب أبد


الساعة الآن 01:28 PM

Powered by vBulletin® Copyright ©2000 - 2024, Jelsoft Enterprises Ltd. TranZ By Almuhajir
new notificatio by 9adq_ala7sas
User Alert System provided by Advanced User Tagging (Lite) - vBulletin Mods & Addons Copyright © 2024 DragonByte Technologies Ltd.

 ملاحظة: كل مايكتب في هذا المنتدى لا يعبر عن رأي إدارة الموقع أو الأعضاء بل يعبر عن رأي كاتبه فقط

دعم وتطوير نواف كلك غلا