 |
منتديات سكون القمر
(https://www.skoon-elqmar.com/vb//index.php)
- ۩۞۩{ مدونات الأعضاء المميزة }۩۞۩
(https://www.skoon-elqmar.com/vb//forumdisplay.php?f=141)
- - ديوااان الشاعر ســــــلطان زمـــانه
(https://www.skoon-elqmar.com/vb//showthread.php?t=357)
دريت ان الوفا أصبح نهار ندفنه باليل ودريت ان الصدق كذبه مثل كذبة مواويلي وعرفت ان الأمل خيط تعلق به ضعيف الحيل وانا أول من تعلق به وانا ادري فيه تضليلي يموت الحلم في عيني وتشيله دمعتي وتسيل ملامح وجهي دموع تعزيها مناديلي غيرك امانه خوف والخوف امانك ماكل من راعـاك تقـدر تراعيـه حتى لو عليت بالقــلب شانـك ابقى يتيم الحـب جرحي اقاسيـه اعــذرك لا حطيت نفسي مكانك لا صرت فاقد شي وشلون تعطيـه وآخـــــــيراً هذي حياتي بين حرف وكلمات ياللي نشدتني وراك انت مغتم ؟ http://imagecache.te3p.com/imgcache/...c94c624a61.jpg في غيابك شكيت = من بعادك بكيت ليتني من عرفتك= في حياتك بقيت أنت حلمي قتلته= بعد ما أنا بديت غيركم ما أريده= بس ليتك رضيت لا أطالب بهدنة= لا تقول انتهيت أنت والله عندي= في فؤادي سميت مبلغ الروح مني= أنت وحدك وليت بعتني يا حبيبي= وأنا حبك شريت ليتني بس اعرف= تهمتي وش جنيت ليش يا خل تنسى= صفحتي قد طويت خاف ربك وارجع= حوه يا كم بكيت عهدي اللي نسيته= عادني ما نسيت كلما قلت وينك= قلت لي وش بغيت كيف تقوى لهجري= لو أنا ما قويت لاتجادل وتنكر= بعد ما انته سخيت في حياتي هويتك= وأنت ليتك وفيت ما يفيدك لموتي= دمع مهما بكيت http://i155.photobucket.com/albums/s...o0/tears-1.jpg |
وفــيت لك لكن الايام خانتنا واعتذر ياقلبي على تقصيري ما كنت اظن هذي نهايتنا اصير ليغيرك وانتا لغيـــــري
قبـــــــــــــــــــــــــــــــــل لا تروح وتنساني ابي تذوب باحضانــــــــــــــــي تعال حس بقلبي وبس اب اتنفس هـــــــــــــــــــــــــــــــــــــواك ثاني والله تنداس الدنيا اذا اخذت حبي مني حتى الظروف تتسلى بضيقتنا بلا رحمه تنهيك وتنهينى حبيبي تعبنا وهذي نهايتنا |
كئيب من الشقا ولا جريح من الجفا ياليل دخيل النجمتين إللي بصدرك لا تعنيٌني دخيلك ما دخلت ألا لغيرك والدخيل دخيل وأنا ما عاد إللي غيرك في هالدنيا يخاويني يكفيني من الدنيا أشوفك للظلام تميل معك ضو القمر ولا النجوم إللي تكفيني عقب هاك الوليف إللي تركني للعنا والويل ياليته ما تركني للغثا والليل ممسيني ألا ياليل لا منك نويت مع الظلام تخيل أخذني من تحت جنح الظلام ولا تخليني تراني ما تحملت العقايب من كثر ما أشيل عذابي مع عذابك يا عذابي لي عذابيني علامك يابعد حيّ القوافي والقمر وسهيل علامك كل ما شفتك تقول أنك تعزيٌني ! علامك تترك العبره من عيون السحاب تسيل تنٌشدني عن الغايب ويردفها دمع عيني إذا غيابه مّكدر خاطرك يا صاحبي بالحيل ترى غيابه مخلي صاحبك مثل المجانيني مغير أسولف لحالي تقول إني غديت أخبيل وأقول إن السوالف ما تزين إلا مع الزيني أنشهد ما هقيت إنه عن ربوع الخفوق يحيل عزاي لقلبي إللي ماخذه من صدري سنيني ياليت أنه يقدر ما أقوله مّير صار بخيل أمدله اليدين ويقصٌر إيدينه عن يديني أمانه لا تشٌره لا عدمتك من بعض هالقيل تجٌمل وأترك الشرهات للي ما يدانيني ما دام أني خليل(ن) ما تخلا عن عيون الخيل أجل تستاهل الفنجال لا سقته باليميني يذكرني سوادك في عيون مجدلات الذيل عساني ما أعدمك يا هالعيون اللي تناديني نعم دوك القوافي ثم تذٌوقها بطعم الهيل الين أنك تقول أرجوك تكفى لا تبكيني كريم(ن) وأنت تستاهل ولا من عٌودت حلحيل واظنك عارف ٍ طبعي قبل لا جيك وتجيني ياليت أني عرفتك في زمان ٍ غير عن هالجيل ما دام أنك تحس بلوعتي والهم طاويني خلاص أرجوك لا تبكي وأنا عنيت لي منديل خلاص أرجوك خل الحزن من بينك ومن بيني http://rebal1.nireblog.com/blogs1/re...1187537432.jpg |
قلـت الصراحـه .. قـالـو الـنـاس كــذاب كـذبــت .. وسـمـونـي أمـيــر الـحـبـايـب واجهـتـهـم .. لكـنـهـا ثـــارت أعـصــاب جاملتهـم .. وأصبـحـت عـاقـل وصـايـب عاندتهـم .. وأنفتـحـت بوجـهـي أسـبـاب سايرتـهـم .. وأقـفـت هـذيــك السـبـايـب فضحتهـم .. وأصبحـت مـذنـب ونـصـاب ستـرتـهـم .. شـنــوا عــلــيّ الـحـرايــب طلبتهـم .. وأنصـك فــي وجـهـي الـبـاب عطيتهـم .. قالـو لـي يــا ابــو الوهـايـب رفعتهـم .. وأرتفـعـت أرقــاب وأشـنـاب نزلتهـم .. صـار أســود الــراس شـايـب بنيتـهـم .. حـطـو لــي أســوار وحـجـاب هدمـتـهـم .. قــالــو حــــرام الـخـرايــب شديـت .. وصـار كلهـم ربـع وأصـحـاب وأرخيـت .. وخـلـو حـبـل الأيــام سـايـب أقبلـت .. وصـارو كلهـم دونــي أحــزاب وأقفـيـت .. وصـــارو كلـبـوهـم قـرايــب داويتهـم .. قالـو لـي الـجـرح مــا طــاب جرحتـهـم .. قـالـو لــي الـجـرح طـايــب حبيـتـهـم .. قـالــو لـــي الـحــب غـــلاب كرهـتـهـم .. هـلــت دمـــوع وسـحـايــب واصلـتـهـم .. لقيـتـهـم مـثــل الأجــنــاب هجرتـهـم .. قـالـو لــك ايـــام غـايــب !! رفعـت صوتـي .. كلـهـم صــارو أذنــاب قـصـرت صـوتـي .. وابـتـدوا بالطـلايـب غـيـرت شكـلـي .. قـالـو رائــع وجــذاب رديــت شكـلـي .. قـالـو إنـسـان خـايــب يـاقـلــب لاتــشــره ولاتــبـــدي عــتـــاب خـــل الـعـتـب عـنــك وخــــل الـنـشـايـب مافـيـهـم الـلــي يستـحـقـون الإعـجــاب لــو شفتـهـم كتـلـة غـمـوض وعجـايـب مــن لا أفتـهـم درس الليـالـي ولا تـــاب يــمــوت مــــا يـفـهــم ولاهــــو بـتـايــب ومادمت ساري والقمـر عنـك مـا غـاب لاعـــاد تـوقــف لــــو تــثــور الـهـبـايـب ما انت الوحيد اللي مشى الدرب مرتاب غـريـب وتمـشـي فــي زمــان الغـرايـب http://www.alarab.co.il/pics/1/sad261107a.jpg |
حبيبي نام ياعمري على صدري وصارحني وفض الصمت باحساسك وخل الحب لي يجري وفضفض لي بعد عمري وعاتبني وفهمني أنا أطري على بالك كثر ما أنته علي تطري؟! تعال أقرب من أحضاني ترى خدك مواعدني يبي يلامس شغف روحي ويقطف بوحي من شعري تعال أنثر هنا ليلك وخل ويلك يولعني أنا أحبك وأبي قربك.. ترى مني قضى صبري أنا نبضك زهر أرضك وأنت؟! ايه تملكني بنحل خصرك ..جمر ثغرك وزود بلونك الخمري تتوهني .. تغرقني.. ومن بردك تدثرني وتبكي لي وتشكي لي وله قلبك ومن سحري أبي دموعك مع أنفاسك بصدق الود تحرقني وأبي عطرك مع سحرك وآهك بالحشا تسري أبي همسك يبعثرني غلا ولمسك يلملمني وأبي عيونك من عيوني تذوب من الولع كثري وأبي عهدك مع وعدك وأبي كلك تسلمني أبي أيدك تسافر بي وزهر قدك يلحفني وأهيم بعالمك عاشق جنوني أنت .. وانت بي تدري تشوف الجمر بعيوني؟! تشوف الشوق جنني؟! أجل تدري مثل ما أدري بأنك حلمي يابدري حبيبي قوم وصارحني عن احساسك وعلّمني أنا أطري على بالك ؟! كثر ما أنته علي تطري؟! http://healthinmotion.files.wordpres...007/05/sad.jpg |
يازحمة الشوق خفّي السير لـ أشعاري لا يْبين صبح الغلااا وانا على أعذارك ! من مبطي الناس تنشدني عن اخباري ولو هم يدرون اخباري : هي اخبارك ، ! نفس الشوارع تعيد اليوم تذكاري نفس الأغاني تزيد بـ قلبي تذكارك نفس الأماكن تغيّبني عن افكاااري نفس الهبايب تهبّ بـ وجهي أشعارك ! الحلم بدري .. يفوح بـ طيب أزهاري والصوت حدري .. يغنّي لـ أعذب انهارك والليل صبري .. يجول ويسهر فـ داري والدرب فقري .. يضيّع في غلااا أسعارك ! والعشق مدري .. ولكنّه من " أوزاري " والتوت نذري .. أذوقه في وسط دارك والوقت قبري .. ترابه داااااافن أقداري والموت خبري .. [ عليك أو منك أو جارك ] ! ما ذعذع الصبح الا فوق اسواري وما ساح عذق النهار الا على اسوارك هامت بك الروح واسترسلت مشواري ويا غربة الروح كان اخطيت مشوارك كنّي أشوف اللقاا فـ عيونك يداري .. واخااف منّي ؛ اجيبك لاسوأ اقدااارك !! على كثرْ ما احبّك .. أجهل اعذااري ولا لي بك إلاّ أحبّك زوووود واختااارك ..! تااايه . .. مشتّت فقير.. مشقّق ستاري لكنّي املك كثيير الحُب وأزهااااارك لو تسمع الريح عن مَ تقول أشجاري ؟! امداك تعرف في جوفي كبر مقدارك ولو تسأل فـ بالي : هو كم جابك الطاري !؟ يطلع لك آكثر .. من اللي جاك فـ افكارك ! يا جنّة الروح .. قربك ~ غاية امطاري ويا لذّة العين .. شوفك" عيد يتباارك " تعال وإشعل في احضاني حطب ناااري .. مدامك انت السُحب بـ استبشر امطارك !! اسكبني من ماء طهرك وإغسل احجاري واكتبني ذنوب .. وانا اتحمّل اوزارك ! تعال واقطف فؤادي , وبعثر أعماري خذني إليك .. الغريق بـ لجّة ابحارك ! الكاس خمره بـ نشوة حبناا " عاري " فديت روحك - تعآال أدمنت إسكاارك ! ’ http://vb.arabseyes.com/uploaded/5_1201985399.jpg |
وش يهمك؟ليه غبت ؟! ووين غبت ؟! وليه جيت ؟!..
دام ما هزّك غيابي وش يهزك.. لا لفيت ؟! ~~~ ما تعوضني دموعك .. عن صدودك .. والجحود.. ليتني ما قلت أحبك .. ليتني لك.. ماحكيت ! ~~~ ليتني ما جبت طاري.. ليتني.. ريحت بالي وليتني في مثل حبك .. بالمحبه.. ما وفيت ! ~~~ كنت ما افهم بالخيانه.. كثر ما اسمع.. بالخيانه! وكنت وافي بالمحبه.. كثر ما عني.. سليت ! ~~~ وكنت أشوف الناس مثلي .. غلطتي وأكبرذنوبي ايه لاني بالمحبه .. في هواك انت .. ابتليت .!! ~~~ ايه لاني في عيوني كنت أشوفك شي ثاني .. وش أشوفك شي ثاني ؟! كنت ملكك ! ما حييت.. ~~~ كنت أردد في غيابك.. أجمل بيوت القصايد.. كنت أررد (من يقول اني بنسيانك.. نويت؟) ~~~ ثم أردد (وان قويت أنساك ؟ نسيانك صعب!) وكنت أرددها بصوتي في غيابك.. بيت.. بيت.. ~~~ وطحت من عيني حسايف من مكان(ن) كنت فيه ما رقا به شخص غيرك..!! لا ولاغيرك.. رضيت ! ~~~ لأنك أول شخص عندي وآخر انسان(ن) أبيه ولأنك انت اللي ملكني ولأنك انت اللي قويت .. ~~~ يسكن بوسط الحنايا وان جرح قلبي يمون .. ساكن(ن) وسط الخفوق وفي عيوني له مبيت.. ~~~ جفني الأول فراشه وجفني الثاني غطاه.. ولو عطيته كل عمري أعتبرني ما عطيت ..!! ~~~ كنت مفرط في حناني .. وكنت مفرط بالغرام.. لين صرت انسان عادي.. في عيونك لو بكيت .! ~~~ من غلاتك ,, من قساتك ,, من جحودك للوفا .. من ضياع سنين عمري.. وأروع أحلام(ن) بنيت.. ~~~ أصبحت مثل الحطام اللي تطاير في هبوب ..! ودي أستدرك شتاتي.. لا ضميت.. ولارويت ..!! ~~~ غير حبك.. يوم حبك .. ضيّع سنيني معاه..!! حسبي الله..ان صدفتك .. وحسبي الله ان طريت.. ~~~ وين ما لديت وجهي.. ألمحك تضحك علي ألمحك تضحك علي ..!! وغير ربي ما شكيت ..!!! ~~~ مات قلبي وش بقى بي؟ أسألك بالله حي؟!!! والخفوق اللي رميته في هواك اليوم ميت ؟!!! ~~~ كيف أنسى؟!..وكيف أسلا؟!..أسألك بالله كيف؟؟!! ولو اقول اني نسيتك .. يعلم الله ما نسيت ..!!! ~~~ طعنت(ن) أدمت جروحي .. من كفوف اللي عطيته.. كل شي(ن) في حياتي... وإعتبرني ما عطيت .!!!!!!! ~~~ أكرهك ؟!! وأكره حياتي ؟!! وأكره سنيني معاك..!! وأوعدك ما احب ثاني .. طول عمري ما حييت ..!!! ~~~ وش يهمك؟! ليه غبت ؟! و وين غبت؟! وليه جيت؟!.. دام ما هزّك غيابي؟!! .. وش يهزك.. لا لفيت؟!!!! ~... |
مالي حل غير اني اقفل قلبي وبابي واشوف وش يقدر يسوي إذا طولت بغيابي مالك حل تلقى ناس ييسلونك مالك حل ولكن ما يحبونك ولو تضيق بالدنيا صدقني يملونك مدري ليه في قربه احس البعد في قلبه واذا حبه على كيفه شكرآ ما نبي حبه بكره الفرحة ينساها وعينه تمتلي بماها يجي يدور عيوني وما ظني بيلقاها |
ياخلي كان دمعي ذا اليوم يسليك وحزني تعده لك افراح ومسرات لا تلوم قلبــي إذا عزم يخليــك وش خذ منك غير جر الأهااات ابعد عسى ربي اليوم يجازيـك وأشوفك بالقهر عقب الملذات سهرت الليالي تعبت و اناديـك اسمع صدى صوتي بكل الجهات جفت عرووق قلبي من تغليك وحتى الأهداب منك ماتبااااات عيشتني الحزن والهم بيديـك الغريب اليوم تاتي بالوصات عقب ما كاان قلبي شاريـــك و ودك أسامح وانسى مافات أنسى جروحي لأجل معاليك لا والله ماحزرت بس هيهات بنسى وجودك ماعدت ابيك وبركنك مع زاوية الذكريات لك الله يادرب الحب وش فيك جيتك احب واثر الحب مات ..؟ |
مات الصبر واستوطنت فيني أوجاع والقلب أهدى للشرايين وده.. والروح ملت تشتكي غدر الأضلاع عايش ضحية جزر حبي ومده.. مركب هوايا مبحر ن ما به شراع وأمواج هجرك يا حبيبي تصده.. ليل الجفا أهدى لحسراتي شعاع وعذق الهوى قد حان وقتي أجده.. لمت البخت من بعد تعضيض الاصباع ليت الهوى وادي وانا كنت سده.. وارد قلبي عن رديات الاطباع وانهاه عن حبك وبابي أشده.. احنا الوفا فينا ترى دم ونخاع ماهو كلام الليل والصبح يرده.. فينا شهامة قوم ورجولة سباع وفينا كرامة حاتم الطائي وجده.. ان كان وصلك شبر حن وصلنا باع وان مت في حصر العطا ما تعده.. ان كنت ناوي بالهجر تنشر شراع انشر شراعك يا حبيبي ومده.. من باعنا بالرخص بالرخص ينباع والحر تكفيه الاشارة وتسده.. اول نهيت القلب عنكم ولا طاع مسكين قلبي ما حسبها مكدة.. واليوم والله لو عصى القلب ينصاع عهد ن علي والحر ما يخون عهده.. لأنزع فؤادي من وسط كل الاضلاع وأعلن وفاتي عالملا دون رده.. دامي جسد ميت وشلي بالاوجاع و وش لي انا بالحب جزره ومده.. http://rebal1.nireblog.com/blogs1/re...ormal_fifa.jpg |
| الساعة الآن 08:15 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.