اجمع الشوق وانثر منه شيءٍ قليل
في عيونٍ تشوفك يا حبيبي ملاك
ما دريت إن قلبي في غرامك يميل
لين شفت الصبايا تحترق في سناك
للهوى منك همٍ يا حبيبي طويل
والله اللي رمى قلبي بحومة غلاك
كل ما يفعل أجمل خلق ربي جميل
لا تعذب مودٍ مشفيٍ في هواك

غط صافي جبينٍ يفضح الليل نوره
ضاع زين الصبايا واحترق في سناه
جيدك اللي مثل بدر الدجى في ظهوره
فيه برقٍ مقاديم السحاب اتحداه
الجمال الطبيعي ماخذٍ فيك طوره
وأنبل أخلاق خلق الله خذا بك مداه
تشكي رموش عينك ظلم وضعك وجوره
لاتخلي هجوس الحب تبحث خفاه
واهني من خذا فالحب برضاك دوره
أنت نهرٍ وأنا اللي ميتٍ من ظماه
بين عيني وروحي يرسم الحب صوره
الله اللي نحتها بالغلا في فضاه

سحابة الغرّة كشف حدرها برق
صافي جبينك في سما العين نوَّر
أنت القمر علَّق بمتن السما وارق
ابْلَغْ ورا حدّ العيون وتسوَّر
حاجز جمال الغرب يا همسة الشرق
يكبر سنا حسنه معك ويتطوَّر
بينك وبين مزاعمك منتهى الفرق
فيك الحسن والزين كلّه تصوَّر
سحرك سرق كل النواظر معك سَرْق
وش فيك يا عذب اللّمى ما يدوَّر
زرقتني برماحك القاتلة زَرْق
منها رسيس القلب جض وتعوَّر

بــــــــأعيــــــــش اموت ــــــــ وعاهدهم يوم اموت يكفنوني بعباتك