صار عشقي لك روايه في يدين الفين قارى

عشقي لك روايه في يدين الفين قاري

جيت واشواقك تسابق لهفتـك والحـب سـاري
وجيت انا والشوق فيني من لهيب الحب يسـري

ياهلابـك كثـر حبـي وكثـر ماهيّجـت نـاري
وكثر ماسالت جروح الحب وبعـادك بصـدري

يعلم الله بأشتياقـي وانـت عـن هالشـوق داري
ويعلم الله لو سهيـت القـاك تفكيـري وفكـري

ويعلم الله موت احبك واعتبـر شوفـك فنـاري
ولو ظروفي في يديني ماتركتك وانـت عمـري

آآآه لو تدري بعادك وش ترك لي فـي مـداري
وآآآه لو تدري غرامك وش حفر لي وسط سطري

ماترك بعدك بدربـي غيـر لوعـات انتظـاري
وماحفر فيني غرامك غير حبـك وانـت تـدري

ياعديل الـروح حبـك صـار بأيامـي شعـاري
وصار بيدينك شعوري وصرت تحكم كل امـري

ايـه احبـك بـس والله مــاأحـبـك بأختـيـاري
صرت كلي فيك هايم واعشقك والعشـق عـذري

صار عشقي لك روايه في يديـن الفيـن قـاري
سطْرها دمي. ودمعي ياحبيـب القلـب حبـري

وصرت اشوفك ف المرايا تنعكس لي في جداري
كـل مالديـت شفتـك ياسنـى ليلـي وفجـري

وصرت اشوفك في منامي حلم وطيوف ومواري
وان صحيت القا خيالـك يحترينـي دوم بـدري

والذي سواك مابه مـن قـدر يوصـل وقـاري
غير حبك هـز روحـي ليـن خلاهـا تهـذري

شوف كيف الحب خلّا غصني من الشوق عـاري

شوف كيف البعد ولّع في عروق القلـب جمـري

الاصيله

الحمد لله ع السلامه



ولي عوده للمداخله على الموضوع

: كلالام فــــــي قمه الروعه والجماال :
ربي يعطيكك الف الف عافيه وسلمت اياديك ع هالكلامات الرائعه

الأصيــــــله
دائما تتحفينا بماهو جديد ورائع
حيث تلقي بنا بين أحرفك الرائعة فنسبح خلالها
وتنتهي بنا الرحلة على شواطيء كلماتك المنتقاة
أبدعتي سيدتي ولا غرابة في ذلك
فأنتي المبدعه دائماً
تحياتي لك