خلّي أكبر من قصيدة صغتها بأقسى الظـروف

ان بغيت أوصف حبيبي بالشعر أنسى الحروف
وإن بغيت أنصف حبيبي بالحكي ضاع الكلام

لو رسمته في خيالي لوحة ٍ صعب الوصـوف
يعجز الرسام يكمّـل لوحتـه فمليـون عـام

خلّي أكبر من قصيدة صغتها بأقسى الظـروف
وخلّي أكبر من وصوف ٍ رسمهـا ودّ وهيـام

العرب تحكي وتحكي فسيرة ٍ تغني السيـوف
بسمته تكفي وتكفي نظرتـه تحمـل سـلام

طيفه اللي من عرفته مختلف بيـن الطيـوف
ولالمحته هام فينـي خافـق ٍ عـاش فغـرام

أيه أحبه وليت قلبـه لوتكـرّم بـس يشـوف
كيف حبه صار فيني والغـلا أصبـح وسـام

وليت قلبه في غيابي يقتنـع مـرّة ويـروف
دام خلّه عاف غيـره وشـال حبـه بإهتمـام

لانثرت سطور شعري صابني رهبه وخـوف
خوف قلبي لـو يقصـر والصراحـة مايـلام

هذا حبر العاشق يكتب سيرة ٍ تنقش حـروف
في صدر من هو أحبه ولابعد يكفي الكـلام

صح الله السان شاعرها وناقلها
سلمتي ياذوق على اختيارك الذوق
فصيده بالف قصيده
تحاكي الحب والغرام ووصف جماليات الحبيب

سامحك ربي

ابدعتي وتميزتي في اختيارك الراقي
ننتظر كل ماتجودين به عليتا
فلاتجعلينا نطيل الانتظار
دمتي بسعاده لاتفارقك ماحييتي

اعجابي+نجووم+تقييم+يرفع للتنبيهات

دوما أنيقة في كل اطروحاتك
رقيقة بكل احاسيسك
رائعة بحضورك وتواجدك
اختيار موفق غاليتي
دمتي رمزا للحب والنقاء
والذوق الراقي
تحيتي واعجابي بكل ما تنتقينه يا طهر
لا حرمنا الاطلالات العطرة
محبتي ومودتي الدائمتين
كوني بخير لنكون يا جميلة.

سلمت الانامل الذهبيه
لما خطته لنا من عبارات
وحروف قمه في الجمال
وروعة الاحساس الصادق
تحياتي لك