قطرات قلم من بقايا بوح القلب

قصري بعد المسافة ... لا تطول
وارحمي قلبٍ يعذبه الحنين
تعرف عيوني عيونك وش تقول
اصدق الاقوال ... مصدره العيون
وما تبينه... من عيوني ... بس قولي وش تبين
كل غالي تطلبينه ... في موازيني يهون

ادري انك تستحين .. واعرف انك تخجليين
وما فتنّي غير هذا .. والا هنه واجدين
وما تبينه... من عيوني ... بس قولي وش تبين
كل غالي تطلبينه ... في موازيني يهون

إيه يا نجمة سما ... وضحت درب الغريب
إيه يا شفة ضما ... بردت لفح اللهيب
اسمعي صوتي وردي ... لا تضيعنا السنين
وما تبينه... من عيوني ... بس قولي وش تبين
كل غالي تطلبينه ... في موازيني يهون

1- قصيدة ما أوعدك
ما أوعدك من يضمن اظروف
الزمان لا تصدقي من قال للدنيا امان
ميعادنا خليه في كف الظروف
لا تحرجيني بالزمان وبالمكان
محدن عن احبابه بيختار البعاد
لولا الحياء اطلقت للرجل العنان
اسري بليلة ضيق لشموس الفرج
وركبت موج الخوف للشاطي الامان
كثر الليال اشتاق لك كثر السنين
انتي حنان العمر ما غيرك حنان
لمعانقك شوقي كثر شوق الرمال
لمعانقة غيمة لها عنه زمان

2- قصيدة رسالة حب
ابكتب لك رسالة حب تعبر عن عذاب القلب
قصيده شعر تحكي لي ألم روحي تناديلك
نسيتيني تركتيني في ليل الياس واقفيتي
اهيم بعالم الأحلام ادور للهنا قدام
يصير أو ما يصير القاك ما دامي ما قدرت أنساك
والى انتي ذكرتيني وفي هجرتك تماديتي
امان العمر يا اغلا الناس كان انتي
عذاب وصبر وشوق وياس تجاهلتي
نسيتيني تركتيني في ليل الياس واقفيتي
جرح مشتاق لقيا بعد غيبتنا
ألم وفراق سميتيني نهايتها
انادي لك ولكنك سمعتيني وصديتي

3- قصيدة فمان الجرح
فمان الجرح يا ذيك السوالف
بعد ماخانت ظنوني ظنوني
عرفت الغدر هو كذب الولايف
جروحك علموك وعلموني
نزل دمعي وبعض الدمع واقف
سأل عن باقي طيوفك عيوني
انا كل المشاعر حيل خايف
ابسدل هالستار وساعدوني
وداع وكلمه التوديع اسف
واذا باقي لكم غدر اعذروني
حبيب الكذب فيني الصدق حالف
اموت الصادق الى يعرفوني
سألتك هو بقى للناي عازف
يغنى للحزن مره بدوني
واذا صار الحكي كله حسايف
بعد مااروح يكفي تذكروني

4- قصيدة مرت سنة
مرت سنه مالك على البال طاري
لا جاد لك حظ ولا سولفوا فيك
وينك بلم من الجروح الذواري
طال الهبوب وطال مسراه ساريك
لا مانتظرتك بس طال انتظاري
لا ما ذكرتك .. بس لا تقول ناسيك
اشتاق لك مثلك .. وتشتاق داري
احتاج لك دايم ولو قلت مابيك
لا تطري الفرقا ولا تقول ساري
تو الوصل ما بلل اعروق مغليك
ما فيه غيري وانت والليل عاري
والنجم غاب ويا عسى القلب يكفيك
بهديك خفقه من خفوق المساري
وعطني عيونك لجل اشوف العمر فيك

5- قصيدة قالو لي عنك
قالوا لي عنك البارحه
غلطت مره قلتني
قالوا لي إنك من الخجل
السالفه راحت هدر
أخاف تاخذك الدموع
إذا حبيبي لمتني
واجط كفي لا تطيح
واغضب على دمعك حذر
اقول بنساك وعبرت
مدري قدرت وخذتني
واصد عن كل النجوم
واقول ما شفتوا بدر
مريتك البارح سهر
مدري حبيبي شفتني
مريت وفلسانك سكنت
ما بين قولين وصدر
هذا الحديث اللي تبي
أدري بحبك نلتني
بس البدايات بقدر
حتى النهايات بقدر

6- قصيدة أحبك كذبة بيضاء
أحبك كذبة بيضا عشقتك عشق بعد وقرب
وغنت صوت قلبي لك اشفاه تجهل اسبابه
اموت بنظرة منك وينبت في دروبي عشب
إلا منه شربني صوتك الفتان واحيابه
عظيمه هالقلوب اللي تحب وخافق ماحب
حياته وش حياته لو يموت فراقه اولابه
أدورلك كلام أجمل ولا اجمل من كلام القلب
وعمر القلب مايكذب نهار يحدث احبابه
اطير لك حمام البال وافقد كل ليله سرب
يمسيه الورق في حضنه الدافي ويدفابه
شعوري لو نثرته للهبايب كل جرح هب
وعنيت الهوى واهل الهوى والحب متشابه
حنين وشوق واحلام كثيرة والحقيقه عذبه

7- قصيدة العنا
العنا وشهو العنا ؟
غيرانتي واجروحك أنا
ابجرحك بظما وارضي علي مره
دامك حياة الماء
يا بنت منهو غاب
ضحك و حكي و أحباب
و انتي و أنا و قلوبنا صرنا
حديث أغراب
أثر المفارق صعب
غيمة سواد وليل
أنساك هذا صعب لا مابقى بي حيل
يا عيونك الظلما مافي الجفا كلمه
ومال الغياب اللسان
اتصوري
مره نسيتك وابتسمت
واتصدقي
اني على البسمه ندمت
و الأكيد اني بكيت ما ابتسمت
أبسألك
وشهو الشبه ؟
بين النهايه والأخير
كلها نفس المصير
وأبسألك
من قال لك ان الهوى جرحه عذاب
وأجمل أيامه غياب
عمر الحزن ما يلبس اثياب جداد
مثل الهجير ما يعرف أنفاس البراد
العنا وشهو العنا ؟
ابجرحك بظما وارضي علي مره
دامك حياة الماء

8- قصيدة يا صاحبي
ياصاحبي لايسري الليل بدري
خلك بوسط الدار لاتجرح الليل
الليل توه وان تجليت يسري
ولليل ناس ماتمل التعاليل
خلك على تجريح الأحباب حذري
ماتدري إن الليل ستر المواصيل
ياحبي اللي بين عيني وصدري
يافرحة الماضي وخوف المقابيل
شوفك هناي وانت والله تدري
والله انا مشتاق ياصاح بالحيل
للقلب عين وانت للعين مغري
يامجرح القمرا بسود المظاليل
الدم يجري في عروقي وتجري
انا الصحاري وانت معشوقها السيل
يضيع في وصفك كلامي وشعري
اشبهك بالريم واوصفك بالخيل

9- قصيدة تدري
تدري إنك غير كل الناس والله
وتدري إن الحب مخلوقٍ عشانك
ياحبيب الروح خذت القلب كله
و الحنان اللي بهالدنيا حنانك
كل دربٍ في معاليقي تدله
في خفوقٍ قد حلف مايوم خانك
يحمد الله قلبك إنك صرت خلّه
وله عيون ماتشوف إلا زمانك
في هواك اللي يظللني بظله
وكل كلمه حب تفرق من لسانك
كان لك شك في هوى قلبي فخلّه
او تعال وشوف في قلبي مكانك