قطرات قلم من بقايا بوح القلب

ليتني عرفت ان الوفا يشوقك حيل
كان غبت ايام وسويت مثل سواتك
ليتني نجمه وليتك قمر ذاك اللـــيل
لك اروي قصتي وترويلي ذكرياتك
اعشقك حب وغنيتك الحان ومواويل
وكتبتك قصيد وضحت بعض صفاتك
ترى فيك ماسمعت القـــــال والقيل
وتمنيت اني اكون واقع في حياتك
طلبتك جود بالوصال لاتكون بخيل
ليتني امنيه من بعـــــض امــــنياتك
ودام الوفا والبعد يشـــــــوقك حيل
والله اني بغيب ايام واسوي سواتك

نهيان

العام عنك كابتن رغبتي كبت
واليوم باح السد مافاد كبتي
عالجت جرح العام لاشك ماطبت
وانتي بدون علاج وشلون طبتي
عاندت انا الأيام.. ما خفت.. ما هبت
وصدقت.. وانتي في وعودك كذبتي
حاولت ابي النسيان.. غبت.. وتغيبت
وانتي بعد.. في زحمة الناس غبتي
ورديت لك.. كلي وفا.. كن ما غبت
تعبت.. وانتي بغيبتي ما تعبتي
صحيح انا اللي في حياتي تعذبت..
واصبحت انا المغلوب.. وانتي غلبتي
لكن عزاي اني تصوبت وأصبت
بقلبك كتبت اللي بقلبي كتبتي

عرفت الحب ماينفع فيه التحدي
الحب يبحر في القلب ويفل شراعه
يوم كنت احسبه بين هزلي وجدي
وماحد ياخذه بسلاحه وبذراعه
غزى كثير قلوب ومحدٍقدر يصدي
ومن غزاه يبدي له السمع والطاعه
شل العقل والقلب وفقدت انا رشدي
عرفت اني للمواجه ماعندي استطاعه


ن

عرفت الحب ماينفع فيه التحدي
الحب يبحر في القلب ويفل شراعه
يوم كنت احسبه بين هزلي وجدي
وماحد ياخذه بسلاحه وبذراعه
غزى كثير قلوب ومحدٍقدر يصدي
ومن غزاه يبدي له السمع والطاعه
شل العقل والقلب وفقدت انا رشدي
عرفت اني للمواجه ماعندي استطاعه


ن

أول معرفة بين عيني وعينها
كلام عين لعين نظرات صايبه
على جبل لبنان بأول مصيفنا
من قبل ابو حمدون تكثر حرايبه
العشق كان لغيرها لين شفتها
ومن شفتها نفسي من البيض طايبه

بالغصب فرت موجة القلب يمها
بالغصب قلبي طاع وانكر حبايبه
قعدت أماري وأفتخر في جمالها
وأقول هذا الزين شوفوا عجايبه
انا اندفعت وعشت في جو عاطفي
أنا بنيت أحلام وآمال خايبه
أنا مع الأيام تكبر مصايبي
هذيك أعدلها وهذيك عايبه
لو كان حرماني على الناس ينشكي
شكيت مير الناس ما هي بثايبه

اليوم صار الوضع فيه اختلافي
عقب المحل ضمايري عودن ريف
قلبي ركد والبارح الجفن غافي
من عقب ما نومي سوات المقاطيف
باسباب خط جا ضحى السبت لافي
من عند(ابو خالد) زعيم العواريف
حتى قال في آخر القصيدة
يا مير لو كان الضمير متعافي
مشكي لكم قلبي كوته الصواديف
بلواي ما صارت لشيمه ووافي
ونيت في كيفان وأوحتني طريف
ما فادني يا مير كثر احترافي
قامت تومي بي هبوب الشفاشيف
من لاهب باقصى حشاي متلافي
أشعل معاليق الضماير ولا شيف

مريت أنا المطلاع والشوق هزني
قبل الظلام وتوها الشمس غايبه
وفيضت في عالي روابيه عبرتي
وكثرت على قلب المعنى مصايبه
تذكرت من نفسي تمنا مودته
لا القلب ساليها ولا النفس طايبه
ولولا غلا ذكراه ما أرخصت دمعتي
لو كان عيني بأزرق الدمع رايبه
هذا المكان اللي جمعنا وضمنا
وهناك حاكتني وهي تقل هايبه
هذاك ما قفها وهناك ما قفي
يوم رشدت بالراس وارخت ذوايبه

عليتي يا بلاد في ذراها يرجم الشيطان
عليتي عن فصايل شرذمة وابليس مغويها
جماعات بلا نفع ولا شفع ولا صفطان
نظرها ما تعدى شبر واحد من مواطيها
المحيا غير تل ابيب يا اللي مضيع العنوان
عقول ناقصة وقلوب فيها الحقد معميها
ورى ما فجروا شارون مراجلهم على الورعان
حقيقة ناس ما تخجل تعض كفوف معطيها
يفجر في قراباته وفي ربعه مع الخلان
مع كل الأسف حرمة بلاده ما يراعيها
لا باس أصحاب لا شك القلوب أسود من الصيحان
عليها وردوا بالسيف ما غيره يداويها

كسر القلوب مثل كسرالزجاجه
من كسرها كيف بالله يعدلها
تعبــــت ادور لقلـــبي عــــلاجه
ولفيت في دنيا كنت خابرها
سمعت وصفات مالي بهاحاجه
ابي وصفة الحبيبه اللي ادورها


ن