رشــة شعر .. لمن تهديها .. ؟

‏يا أنيق المشاعر مابقى لي شعر
كل حرف كتبته فيك مايحتويك

أنت فايق غلاك كيف فيك أختصر
فيك كل الحروف تقول يصعب عليك

يسعد صباح العيون اللي صحت بدري
أصحى حرام الصباح يمر من دونك
جتك القصيدة على غفله وأنا مدري
حتى القصايد تبي تصبح على عيونك

حـلاوة الشـوق مثل الشعر ما مله
‏وانت غلاك مثل شعر الغزل راقي
‏'
‏إن غبت يومين أو غبت العمر كله
‏يبقى الولاء للمحبه داخل أعماقي .

الصبح ماهو بس شمس وعصافير
الصبح : بسماتك ، وصوتك ، ونورك
يعني صباح الورد والنور ، والخير
مفروض ماتنقال .. غير بـ حضورك

قلبك وطن وانا تعودت اللجوء
سولف وانا اللي من عيونك يسمعك
'
انا اقدّس كل لحظات الهدوء
بالذات لحظات الهدوء .. اللي معك

بعلمك وش داخل الصدر وأهديك
بيتٍ على بحر الأحاسيس موزون
يومي اليا منه بدا وانتها فيك
إي والله إني أسعد إنسان فالكون

مشتاق لِك ونبض قلبي يناديك
والعين تــــــــرمش لشـــوفتك يــــــــاغلاها

اسعد الأوقات ســــــاعة الآقيك
تشفي جــــــــروحي بنظرتك يــــــــــادواها

لا تظن بغيبتي عنك نـــاسيك
كيف انسى ساكن القلب والـــــــروح هواها

ليه اشوفك في السوالف والقصص
وليه احسك في الاغاني و القصيد
ليه حب الناس في قلبي نقص
وانت حبك مانقص .. دايم يزيد

يفداك عمري بس تضــحــــــك لياليك ..
ولا أشوف في عينك للأحزان دمعـــه ..

غــلاك عندي ما يجي فيه تشكيــــــــك ..
لو بجمعه ,, يصعب على الروح جمعه ..

متعلي قدرك ولا أحد يوازييـــــــــك ..
ولا هــــــــــمني غيرك ولو سال دمعه

حاولت اصبح على كل شخص أحبه
بس المشاعر خصتك إنت بالذات
صباح الخير يا كل الغلا و المحبه
يا شوق يحتويني في كل الأوقات