ترى مايجرح العاقل من الدنيا..سوى المعقول

(صعب أسهل ) بدايات الرجوع لسكة المجهول
بعيني والرجوع (اصعب) بداياتي من (اسهلها)

من اول رحلتي فيني ,, طعن زهر الشباب ,ذبول
وش آخرها .؟ مدام اقسى طعوني جت , من اولها!!

(خيالي , واقعي) شفته يحيّر في فضاه عقول
من المعقول يرسم لي حقايق.. ما تخيلها

ترى ما يجرح العاقل من الدنيا ,, سوى المعقول!!
وانا المجروح من دنياي ,,لو ما كنت عاقلها

ورى مستقبلي الماضي إلى الحاضر , وش المحصول
إذا الماضي من ايامي أشوف الظلم باعدلها

هنا.. ضمّتني احزاني ,,بعد ما غبت لي كم حول
هنا.. سكّين لمعانق شرايين الفرح ولها

هنا.. علّقت دمعاتي على اقدام الليال ,, حجول!!
هنا .. ما حنّت البسمة علي وقلت ازعلّها

هنا.. والا (هنا).. يكفي , عجزت اوصف , عجزت آقول
عجزت اجمع ألم بابل ,, حزن دجله واموّّلها

عجزت آروّض بصدري صدى جرح وجموح خيول
أنا مدري غضب والا بقلبي تلعب وتلهى

وقفت ..وما وقفت الا .. ادوّر للحلول ..حلول
ابعثر ما ورى نفسي ..إلين اثقلت كاهلها

(( تعبت احمل من الذكرى على المتن النحيل .. حمول
وانا نفسي وهي نفسي وربي ..ما تحملها ))

لأني كل ما أقرب , اشوف ان الطريق يطول
وهو صعبٍ علي ارجع ,, والاصعب كيف اكمّلها؟!!

أخاف ارجع والاقيني على هاك ال(هنا) مقتول!!
واخاف امشي لآخرها واشوفه ,, يشبه اولها.

صح لسانك أخوي
وسلِم بنانك
ويعطيك العافيه على ما نثرت
شكراً لك , وتقبل خالص
تحياتي

سلمت يداك على ما ابدعت لنا حفظك المولى من كل سوء

الله يسلمكم والعفو تسلمون على احضور الاكثر من رائع

يسلمووووووووووووووووو

يـع’ـــطــيكالع’ــاأإأفــيه ..
.. بنتظـأإأإأر ج’ـــديــــدك ..
كل أإألــــ ود وباأإأإقــة ورد
.. تقــبل م’ـــروري ..
طائر الرومنسية/
مر من هنا