نفسى أرسمك فوق السحاب!!! مجدي الحفناوي

نفسى أرسمك فوق السحاب
نسمة طايرة
نفسى أكتبك بدمع العيون
موجة حايرة
نفسى أندهك بشوق يساوى
جرح الليالى
تغيبى يزيد انشغالى
يلى اخترتى فراقى
وبعتى كل الحنين
نسيتى كلمة بحبك
كنا نحلم بالتلاقى
كان ياخدنا الحنين
جوه نار البعد نكتب
أحلام سرقها الأنين
حبنا أكبر دليل
عمر الخوف ما سكن قلوبنا
كنا نرسم لحظات حياتنا
كان إصرارنا أكيد
نتخطى كل الحواجز
ونعيش جوه السنين
كان النسيم غنوة
يرددها معايا الطير
كنت أحس بفرحتك
كنت أحضن لهفتك
ولمسه أيديا تحضنك

كنت أتخيلك
زى موج عنيد
حالف تكونى شطى
مرسى لعمرى
حياة بنبنيها من جديد
يا بسمة رسمها خيالى
يا حب مالى كيانى
مهما تبعدك الليالى
ويموت جواكى الحنين
يبقى نبض قلبى
عاشق الليل الحزين
كنت أحسك
والقلب يبكى
كنت أشتاق لك
ودموعى تكتب
كان الامل ساكن ملامحك
دلوقتى سراب جوه منك
ما تخافيش أنا ما تغيرتش
أنا لسه بحبك
لسه الحلم جوايا بيكبر
رغم البعد حالف أعيش
ماتهربيش
مهما الهجر يكون عنوانك
مهما البعد يكون إصرارك
حالف أعيش
لو الشمس غابت عن حياتنا
لو القمر خاصم سمانا
لو الحياة طال انتظارها
لو النجوم بعدت بعيد
ماتهربيش
أنا لسه بحبك
الحياة مكتوبة علينا
زى شمس النهار
ما تختفيش
حلم عشناه
تاهت خطاه
ماتهربيش
رسمت ضحكتك جوه العيون
حالف أكون
نهر عطشان جوه الجفون
بقلمي
الشاعر
مجدي الحفناوي

مجدي الحفناوي
كل الشكر على بوحك العذب
استمتعت بما قرأته
دمت للابداع والتميز عنوان

شكرا لك اخي علي مرور قلم ارائع هاب حتطرتي
دمت بسعاده بالغه لاتنتهي ابدا

حرؤف تنآثرت مثل قطرآت آلمطر

ؤتفتحت ؤرؤد حدآئقك بآلؤآن آلجمآل

آلله يعطيك آلعآفيه

تحيتي ؤتقديري

آكليل من آلياسمين لمرورك العطر ..،
كل الشكر لتواجـدك آلرآئـــع ..,
ودي لـــروحــك ,,~

مشكور ويعطيك العافية