رشــة شعر .. لمن تهديها .. ؟

إشتقت لك وقت مضى وأرجع أشتاق
وأقول معقولة حبيبي جفاني
أسهر بليلي وأنتظر وقت الإشــراق

علميني هو انا نظرعينك
علميني هو انا ساكن بقلبك
ان قلتي ايه البارحه وينك
يوم غبتي وجزيتيني بصدك

اجسامنا تصبر على لاهب الصيف
وقلوبنا من لاهب الشوق ذابت
لاماحصل لك من توده على الكيف
فاعرف ترا دنياك في الحب خابت
بوحي

استغفرالمولى عن الذنب كله
وقت الغروب وعند حزات الافطار
وارفع يدينك في خشوع وذله
دام الدعاء مقبول في وقت الأسحار
يارب سامحنا على كل زله
واعتق رقاب الي يعبدك من النار

بوحي

وش لك بدنيا زايله عشان تتبعها
ليه ماتحضر للي بعدها يدوم
والنفس الامره ليه ماتمنعها
هي تغويك وتصير من الجنه محروم

بقى هالصمت ياروح تذوب وتمتلي بالآه
وسط ليل تعزوا بالظلام وفل جنحانه
عجزيحكي عن همومه ومن حوله ضجيج افواه
دفن شكواه في صدره وخلا الصمت بيبانه
كذا اريح من صدور تبوح ويختلف معناه
وشخص يحترم ذاته يخلي الصمت عنوانه

بوحي

ان كثر مالك صرت للكون مالك
وان قـــل مالك لابد لابد هالك

ماعاد بالدنيا رفيق يصافي
ذاك الرفيق الي يصافيك ماعاد
حتى الوعد راعية ماصار وافي
يخلف مواعيده على كل ميعاد
صارالزمن هذا زمان التجافي
لامن فرحت بواحد راح ماعاد

بوحي

احبك وادميت عيوني من كثر السهر
وضاع قلبي معاك بين قساوه ولين
تقول قسيت عليك يوم وانت قسيت دهر
ليتك تشوف الشحوب اللي بوجهي يبين

عسى ماباس ياقلب جريح وخاطره حساس
عسى ماجورياصدر كفيف احلامنا قده
كتبناها لذيذ احلامنا في صفحة الكراس
على بيض الورق نكتب وحبر آمالنا مده
على القرطاس نبنيها آمانينا على قرطاس
وهبات الهوى دايم تهز الحلم وتهده
ولوطاحت امانينامن اوراق الرجالاباس
تزودنا محطات الرخافي ساعة الشده
ولوطالت مسافات الأماني مالحقناياس
نقول الخير والخيرة بها لوطالت المده
بوحي