قطرات قلم من بقايا بوح القلب

أنا بليت بحبكم من هبالي
والا انت ظل مالنا فيه منزال

خيرك لغيري والشقا والعنا لي
والمشكل اني عارف كل الاحوال

ارمي بروحي في بحرك الزلالي
وترميني أمواجك على يابس الجال

اسال افراشي كيف اقضي الليالي
بالليل لي حال ومعكم لي احوال

ومن خوفي العذال تدري بحالي
ويكثر علي من العذل قيل والقال

ابعدت خلاني وجيتك لحالي
وفرشت لك قلبي مقر ومدهال

ويوم ابعدن احبالهم عن احبالي
ودريت انك عندنا غالي المال

ابديت عقب الحب صافي الجفالي
وخليتني محتار في اشهب اللال

وطلبت رب عالم ما جرالي
ماحط دون الخلق حاجب ومرسال

ومنحني السلوان عالي الجلالي
ورد الحياة لسالم ماطلب مال

وابعد خيالك خالقي عن خيالي
وقصر علي الليل من عقب ما طال

واليوم ترسل لي وتبدي الوفا لي
تبدي لي اعذار قصيرات وطوال

تبي تجدد ما نقطع من وصالي
ترضي غرورك بس ياحسن الاقبال

ماعاد تخدعني عقب مابدالي

وان عدت فيما عدت مانيب رجال

بديتي في حياتي وانتهيتي
وأنا ما اخطيت لكنك خطيتي
عطيتك حب واغليتك لحالك
ابي منك الوفا اللي ما عطيتي

لحب بينا اعلنتي نهاية
وحبي لك وتقديري نسيتي
وقلبي كان ما يقوا فراقك
قوا من بعد ما شفتك قويتي

انا من باعني برخيص ابيعه
نويتي بالرجوع او ما نويتي
فمان الله بأعلنها وأقوله
ما عاد يفيد عذرك لو بكيتي

يرحمك الله ياحب كان يجمعنا
مذبوح ومدفون بوسط ثراها
تدري يوم حبك شريناه ولابعنا
انت بعتناوخليت العين يهل ماها
نسيت حتى المكان اللي جمعنا
وقصتنا اللي كل من حولناقراها
يومها بعتنا برخيص واحنامابعنا
والنفس من يومهازايد عناها
واليوم لاتقول جاي الحب تعلمنا
ترى الخيانه ماحد يعيش في ذراها

من خان عفناه ودسنا قلبنا وتجاهلنا
ومن باعنا بعناه لو بقلبه ماسكنا

الحب مثل المطر ينزل هتان

ولاهبت الريح ضاع بشتات ومارحمنا
اكتفي