قطرات قلم من بقايا بوح القلب

اروح لاحبابي والاقي الفرح ساكن عينهم
ابتسم لافراحهم وانا من الهم احترق
واسأل جروحي من ترى حس بعذابي منهم
وبالحقيقه انصدم محدن معه همي فرق

دورت في كل الوجيه حسيت غربه بينهم
مع الأسف محدن ابد حس بعذاباتي ورق
جيت اتعثر بالتعب ابي اشوف يدينهم
ماكنت ابي الا احد يحس بي لو مانطق
وحز فيني اني رجعت لكن رجعت بدونهم
يحز في نفسي بأنه ماسوى جرحي صدق

دمي اى منه نزف اكيد ماهم دمهم
وقلبي الى منه غرق محدن سواه اللي غرق
حسبت بحلامي اكون شمعه تنور ليلهم
يبست عروقي ما ظهر نو في سما ليلي برق
راحوا وخلوني اقاسي نزف قلبي كلهم
ومحدن حضن جرحي وعانق لوعتي غير الارق

الوفا بالحب من خير المبادي
به يصير الحب افــــراح واعياد
ان جيت عندي تحكــم فؤادي
وياحلوها جيه من غير ميعاد
كل بلاد تمشي فيـها بلادي
تخدمك عبيد وانت من الاسياد


نهيان

حبيبتي غيابك هو سبة شحوبي
خلك من غفلتك وقابليني بانتباهه!
اشم عطرك ان مشيتي في دروبي
اتبع ريح عطرك واضيع كني في متاهه


نهيان

‏يا طير خذ مني سلام و تحايا ..
‏و اقصد بها ناس على العز رابيين

‏ناس لهم طبع المحبـّـه سجايا ..
‏و فيهم من أصناف الكرامة عناوين

‏ما قول فيهم شعر أبغي جزايا ..
‏لأنهم عن الأشعار يا ناس عاليين

‏مساء الخيــــر

ماكل ناس نسميهم ناس
ولاانتي اي شخصٍ اتجاهله
انتي اعيذك من الناس برب الناس
وانتي اللي ادعي الله ماافقده
هذا وعدي ولايصيبك وسواس
وانتي حلمي اللي بودي احققه

نهيان

جاني سلامٍ مع الطير واجمل تحايا
من ناس على العز رابين وغاليـــين
ناس آسريني بطيبه وحلو السجايا
كرمهم حاتمي والاخلاق لهم عناوين
هم اللي من الله اتمناهم جزايــــا
وعسى منزلتهم بقلبي دوم عاليين

يامساء الانوار
على الناس الطيبين

ان جيت ابنسى ذكرني فيك النسيم
يجيب عطرك ولطريقك يردني
لاذكرتك ذكرت كل شي قديم
واقول خذني وين ماتبي ودني
والله انك خير صاحب وخير نديم
طلبتك لاتغيب التعب عقبك هدني


نهيان

غروك بهرجهم فقدتك ولاظنيت
صدقت فيني كل شي انقال ضدي
تراني عقبك انا حتى الحياه مليت
طاوعت فيني ماقيل بنبرة تحدي!
وانــــا لجل راحتك براحتي ضـــحيت
واليوم تقول اللي حصل ماهو بودي
ماكنك تجنيت ولابهجرك تماديت
طاوعت اللي بالهروج يجيب ويودي
رقم الجفا والقساوه منك ماتخليت
والله حفظتك بقلبي وحفظت وعدي
ودامك عرفت الحقيقه انت راعي بيت
حيــاك تــــرى مسكنك بداخــــل قلبي



نهيان