منتديات سكون القمر - عرض مشاركة واحدة - آزريـــت مــن تكــآت صــدريً لـــيآ ضــآقً

11-27-2020, 01:58 PM

انت الأماني كلها دون تشكيك

وبلسم شفا للروح يانور عيني

يسعد صباحك كل ماحل طاريك

ويسعد مساك أعداد ماتحتريني

صوت الحنان اللي بشعري يناديك

يفداك عمــــــري بالغـــــــــلا مــــــع سنيني

أن جيت شوقي بالمحبه يناجيك

وأن رحت كل الهم بعدك يجيني

لو غبت عني ماتناسيت ماضيك

والعــــــــهد وافي .. ياغـــــــــــلاي وحـــــــنيني

ياما ذكرتك وأزرق الدمع يبكيك

وفيض المشاعر تحتظر في كنيني

جزل القصيد يسامرك في لياليك

يحــــــــكي لك اللي بالخفــــــا يعـــــــتريني

أسمع صدى صوتن تضمه محانيك

اللي .. بقــــــــــى في خافقــــــك .. يرتجـــــــــــيني

حروف مكتوبه من أحساس غاليك

فيها الغــــــــــلا .. مـــــابين .. قلبك وبيـــــــــــني

قلـــــــب يحبك تملـــــــكه بين اياديـــــــــك

تسري بشريانه إلى اقصى الوتيني

وعيني بعد فرقاك وشلون ترثيك

يوم أتذكــــــــر مامـــــضى من سنـــــــيني

جعل السعاده تتبعك في خطاويك

ومــــــن وين ماوجـــــــهت قلبك يبـــــيني