السلام عليكم .. اسمحوا لي ان اشارك معكم في هذا الموضوع الجديد والذي يحمل عنوان قصائد من الماضي , حيث انني احببت ان اعيد كتابة قصائد قديمة لشعراء معروفين واحيي ذكراها وذلك للاستفاده مما تحمله هذي القصائد من نصائح ومعان كثيرة ..وايضا لكي يستمتع بها من لم يقرءها من قبل من الاخوة اعضاء المنتدى وضيوفه .. علما بان هذه القصائد سوف تكون على فترات متقاربه لكي اعطي الفرصه لاكثر عدد لقرائتها والتمتع بها ... يا مرقب بالصبح نطيت راقيك // ما واحد قبلي خبرته تعلاك وليت يا ذا الزمن مكثر بلاويك // الله يزودنا السلامه من اتلاك ياللي على العربان عمت شكاويك// وليت يا دهر الشقا ول ما اقواك واليوم هالكانون غادي شبابيك // تلعب به الارياح من كل شباك يا مالك اسمع جابتي يوم اوصيك // واعرف ترى يا بوك باامرك وانهاك وصية من والد طامع فيك // تسبق على الساقه السانه لعلياك اوصيك بالتقوى عسى الله يهديك // الها وتدركها بتوفيق مولاك الله بحق اجدادك الغر يعطيك // ارضاه مع كل ما تمنى من امناك احفظ حلالك اللي عن الناس مغنيك // اللي اليا بان الخلل فيك يرفاك واعرف ترى مكه ولاها بناخيك // لو تطلبه خمسة ملاليم منطاك اجعل دروب المرجله من معاليك // وادراج سيسها على العز مرقاك لا تنسدح عنها وتبغيني اعطيك // جميع ما يكفيك ما حاصل ذاك احذر امر ليعات ابيها لتاليك // ايضا ويرخص عندها قدر ماواك ادب ولدك ان كان تبغيه يشفيك // واستسعفه من بعد مرباه بالاك اما سمج واستسمجك عند شانيك // ويفر من فعله صديقك وشرواك والا بعد جهله ترى هو بياذيك // لو زعلت امه لا تخليه يالاك واحذر تضيع كل منهو ذخر فيك // معروفه لا تنساه واوفه لعرفاك ترى الصنايع بين الاجواد تشريك // اليا طمعت بركزها لا تعداك واحذر سرور بغبة البحر يرميك // ولا عنده افلس من تجزعك وابكاك اوف الرجال احقوقها قبل تعنيك // لا تعتمد بالعفو فالحق يقفاك وهرج النميمه والقفا لا يجي فيك// واياك عرض الغافل اياني واياك تبدي حديث للناس فيه تشكيك // وتهيم عند الناس بالكذب واشراك واليا نويت احذر تعلم بطاريك // كم واحد تبغي به العرف واغواك واحذر شماتة صاحبة لك مصافيك // واليا جرى لك جاري قلت لولاك ولا تحسبن الله قطوع يخليك // ولا تفرح ان الله على الخلق بداك ان اشتهى حط الطمع في تواليك // لو ما لقيته يا فتى الجود يلقاك والضيف قوم له حين يلفيك // مما تنوشه يا فتى الجود يمناك اكرم اقباله فانها من شواديك // وابذل له المجهود ما دام يعناك احذر تلاقي الضيف مقرن علابيك // خله محب لك صديق اذا جاك واوصيك زلات الصديق ان عثا فيك// ما زال يغطاها الشعر فاحتمل ذاك راعه لو ما شفت انه يراعيك // عساك تكسر نيته عن معاداك واحذر عدوك لو بقى بي يصافيك // عود الجنا واطعنه حين ما جاك لا تامنه فاطلب من الله ينجيك // ويكفيك ربك شر ذولا وذولاك شفني انا يا بوك بامرك وانهيك // عن التعرض بين الاثنين حذراك اليا حظرت طلايب مع شرابيك // اسع لهم بالصلح واللاش يفداك ابذل لهم بالطيب ربك ينجيك // لا تجضع الميزان مع ذا ولا ذاك اما الشهاده ادها ان دعوا فيك // بين عمود الدين لا عميت ارياك بالك تماشي واحد لك يرديك // طالع بني جنسك وفكر بممشاك رابع اصيل في زمانك يشاكيك // لا شاف خملاتك عن الناس غطاك واحذر عن طرد المقفي حذاريك // عليك بالمقبل وخل من تعداك ثم العن الشيطان لياه يغويك // ترى ان تبعته للشرابيك وداك واوصيك لا تشكي علينا بلاويك // انت السبب اخذك عيونك بيمناك واعرف ترى اللي وطى الفهر واطيك// ولا انت اعز من الجماعه هذولاك المسك ياراسي عن الذل واخطيك // واحذر يكلم يا لساني حذاراك والطف بجارك ثم قم دون عانيك // وافطن لما يعنيك عن ربعة اخواك ياذيب وان جتك الغنم في مفاليك // فاكمن الى حيث الرعايا تعداك من اول يا ذيب تفرس باياديك // واليوم جا ذيب على الفرس عداك يا ذيب عاهدني واعاهدك ما ارميك // ما ارميك انا ياذيب لو زان مرماك النفس خالف رايها قبل ترميك // ترى لها الشيطان يرمي بالادراك ومن بعد ذا لا تصحب النذل يعديك // وعن صحبة الانذال حاشاك حاشاك ترى العشير النذل يخلف طواريك // وانا ارجي انك ما تجي دون اباك والهقوة انك ما تجي دون اهاليك // ولا ذكر عود الورد يثمر بتنباك والحر مثلك يستحي يصحب الديك // وان صاحبه عاعا معاعاة الادياك لا تستمع قول الطرف يوم يلفيك // بالكذب يقضي حاجته كل ما جاك من نم لك نم بك ولا فيه تشكيك // والاّه قد ازرى رفيقك وازراك عندك حكى فينا وعندي حكى فيك // واصبحت كارهنا وحنا كرهناك اخطاك ما صابك ولو كان راميك // يصيبك لو تتقيت ما اخطاك مير استمع مني عسى الله يهديك // النصح يا مالك لك الله المولاك عندي مظنة ما تمثلتها فيك // واطلب لك التوفيق من عند مولاك وسلامتكم