منتديات سكون القمر - عرض مشاركة واحدة

04-16-2024, 04:00 AM

اليوم مميز عندي
تاريخ 16/4
نولد فيه أجمل مخلوق بالكون كله
.
.
.
( أمي ) ويابختي بأمي
.
.
عصبيه بس حنونه
قوية صبوره .. متسرعه أحياناً
تززززززززززعل بسسسسرعه بس هم ترضى بسرعه
مافي مثل قلبها << يمكن كل واحد فينا يقول هل كلمة عن امه
بس كل انسان فينا عاش ظروف مختلفه
وحسب هذي الظروف أنا قيمتها ما خلتنا بحاجة أحد دايما كانت لي
الأخت , الصديقة , السند , العون
أهيه أول من يشجعني على كل شي أحبه
حبيت الفوتوشوب من كان عمري 13 سنه تقريبا
يابتلي كمبيوتر بو دبه ههههه وكروت من البقاله وأشبك على واير تلفون البيت
كل أهلنا انصدموا شلووون !!
بنية وصغيرة شلون تخلين بايدها هالجهاز
كانت تراقبني 24 ساعه وانا أجابل دروس التصميم وأطبق
كان تصميمي فلللللم هندي مع هذا شافت فيني الطموح واني راح اوصل هدفي
بعدها حبيت الأشغال اليدوية راحت يابت لي كل العده اللي ابيها
من فخار من ادوات حياكه من تنسيقات التوزيعات اللي اركبها
بعدها حبيت القراية يابتلي مكتب وكبتات ارفف وكتتتتتتتتتتتتتب ما اقدر اعدهم جم كتاب
وكلما أخلص كتاب تسألني اختصري لي شنو محتوى الكتاب واقعد وياها
3 ساعات أسولف عن الكتاب اخر شي أتقولي
3 ساعات جذي يعني اختصرتي هههههههههه
بعدها صارت لي مشكلة أيام الثانوي خلتني أوقف دراستي وأشتغل
وعلى فكره صح عمري 28 بس للحين أخاف أسوق
لا ومنحشة 4 مدربين سواقه هههههههههههههه
فقامت اهيه توديني وتييبني كل يوووووم بعدها كملت دراستي مسائي ومازلت على
وظيفتي قامت توديني الدوام وتردني من الدوام وتوديني المدرسة وتردني من المدرسة
على هالحال 4 سنين خلصت مشكلتي ودخلت الجامعه لله الحمد والمنه للحين توديني وتييبني
بعد ما دخلت الجامعه ومع ان عندي اعانه جامعية من الحكومة الا انها ما قصرت معاي
بعدها حبيت مشروع الأظافر تركيب ( هارد جل ) ( بولي جل ) ( اكريلك ) والبريس اون
يابتلي كللللللللل الاغراض ودرجات الالوان كلهاااااا اللي تخطر على بالكم واللي ما تخطر
وسويت مكتبه ثانية وحده كتب وحده ورشة أظافر ههههه غرفتي بتنبط
بــيييييييييييييييه شقول لكم لو بقعد لي اسبوع جدام ما أخلص كل هذا وأكثر
.
.
.
ف بهاليوم أحب أقولها
.
.

.
.
للهمَّ أطل عمر أمي بالطاعات، واجعل عمرها مديدًا مملوءً برضاك، ويسرها للخير الذي تنال به رضاك، واكتب لها الجنة ورؤية وجهك الكريم. يا رحمن يا رحيم، أرزق أمي طولة العمر، وراحة البال، وارضَ عن كلِّ أعمالها، ويسر لها كل خلقك، واجعل آخر أعمالها طاعة، وآخر كلامها ذكرٌ لك. اللهمَّ يا مالك الملك، تؤتي الملك من تشاء، وتنزع الملك ممَّن تشاء، بيدك الخير، اجعل عمر أمي مديدًا، واملأهُ بالطاعة، اللهمَّ أحيها على طاعتك وأمتها على طاعتك. اللهمَّ احفظ لي أمي، وأدِمها تاجًا فوق رؤوسنا، وتولَّ أمرها، وأبعد عنها الشر والحسد والسوء، ويسر لها الخير من حيث لا تحتسب، يا قدوس يا سلام. اللهمَّ إن أمي ربتنا على طاعتك، وعلمتنا القرآن، احفظها لنا واجعل عمرها طويلا في طاعتك، لا مانع لما أعطيت، ولا معطي لما منعت، بيدك الخير، إنك على كل شيء قدير. اللهم اجعل عمر أمي مديداً في طاعتك، وبيِّض وجهها وارزقها العمل الصالح الذي يُرضيك، إنك تقدر ولا يُقدر عليك، أنت الغني ونحن الفقراء إليك.