مـــدخــــل ,,~
القلب قلبك .. والمشاعر مشاعرك
اجرح وعذب يا حبيبي حلالك..
غالي ولوتخطي على القلب عاذرك
سو الذي يرضيك واللي في بالك !!
خابرني ميت في غرامك.. وخابرك
تموت في حب التملك .. وانا لك
هـــذا وهـو مـا قــالـهــا مـيـت فـيــه
وشلـون اجـــل لـو قـالـهـــــا لي بـفـمـــه
لـبـيــه يـسـتــاهـــل إذا قلت : لـبـيـه
وأهـتـــم له يالله عـســــــاني أهــمـــــه
يا حــــظ قلبي أبـيـض القلـب مـالـيــه
دواه في قــربـــــه وفـرقــــــاه سـمـــــه
كلـه على بعضـــه انا اهــــواه واغليــه
شيــخ الحـســـن والـزيــن وابـوه وامــــه
يـامـــر علي كـلـي وانـا كلـي افـــديــه
سبحــــان مـن كمــــل جمــالـه وتـمــــه
زايــد حـنـانــه والحنـونــة هي يـديـــه
عسى الحــــزن ما يـعـــرفـــه أو يـلـمـــه
والله مـا أصــــدق إذا قــلــت : مـابـيـه
متـأكــــــــد وواثـق ولا هــي بـخـمـــــة
قلبي على كيفــه مـن يـكـــون غاليـــه
حـتـى ولـو بـيـجـيـبـهـــا لي مـطـمــــة
لامن عـشـق قلبك فــلا تقــول له : ليـه
وحـــــده يقـــرر من نـوى يميـل لــمـــه
بان الغــــلا حتـى ولو جـيـت باخفيــه
للـي سـكـــن قلبــي وهــو كــل هــمـــه
بالمختصــــــر كـلــه انـا مـيـت فـيـــه
....تـسـلــم عـيـونــه بسـمتـه لـي وفـمـــه
مـــخرج ,,~
سبحان من كمل وصوفك وصورك
وخلا مجالي يندمج في مجالك !!
إن غبت عني قمت اهوجس وادورك
وأنشد عن ديارك .. واجي وآعنالك!!
وإن جيتني برضاك .. ماجيت مجبرك
يا مرحبا ... والقلب فز ودعالك !!