منتديات سكون القمر - عرض مشاركة واحدة

08-19-2019, 01:12 PM

وردة الجزائرية
أغنية حبك صالحني
***
حبك صالحني على الدنيا كل الدنيا
وخلّى نظرتي وردية وغيّر فيّ
من بعد ما تعودت زمان على الخصام وعلى الأحزان
من كتر ظلم الناس ليّ
حبك في يوم جه وقابلني رجعلي قلبي وحببني
في كل حاجة حواليّ
حبك صالحني على الدنيا

حبك ربيع وحنان وأمان.. أجمل هدية من قدري
ورّاني أحلى ما عاش إنسان.. خلّاني تاني أعيش عمري
وأنا اللي قلت لقلبي خلاص مفيش يا قلبي خير في الناس
أتاري كل ده وهم وكدب وأنا اللي عايشة من غير قلب
ده اللي ما حبش عمره ما عاش حتى النعمة ما بيشفهاش
واللي يحب يا روحي عليه يحب كل اللي حواليه
حبك صالحني على الدنيا

قبل ما يرضى زماني وأقابلك اتهيألي إني هويت قبلك
أتاريني ما حبتش في عمري وتاريك عمري وحبي وقدري
قبل ما تيجي قلبي بيسبق روحي عليك
قبل ما شوفك عيني بتلمح ضي عينيك
ولما تقرب روحي بتهرب وتروح فيك
ولما تسلم ايدي بتحلم جوا ايديك
حبيتك وبقولها وأقولها وأفضل أقول فيها وأطولها
حبيتك وأنا لما بقولها برجع أعيدها من أولها
حبيتك.. ياه ده أنا حبيتك
ده اللي ما حبش عمره ما عاش حتى النعمة ما بيشفهاش
واللي يحب يا روحي عليه يحب كل اللي حواليه
حبك صالحني على الدنيا