بنت الحمايل كلها دم وإحساس
لا عاش راس الجاهل اللي دفنها

هي درة ماجابها كل غطاس
ومن لايعرف الدر يرخص ثمنها

منهو يساومني عليها من الناس
منهو بسجنه قد تجرأ وسجنها؟

حرةً أصيلة مرهفة طيبة ساس
عقل وجنون الكون كله سكنها


لا تظن تشريها بحبرٍ وقرطاس؟!
لا والذي بعيون خلقه فتنها


هذي تراها اللي حمى صعب ينداس
اللي مشارف نجد أصلاً وطنها


بنت العروبة رمز فخرٍ ونوماس
بمليون راس وراس لو تمتحنها ..