منتديات سكون القمر - المشاعر الإيجابية هي سر النجاح

المشاعر الإيجابية هي سر النجاح

كثير سمعنا عن شي اسمه قانون الجذب
ولقيت فئة من الناس عم تكذب وفئة تصدق

نحنا فعلياً مافينا نكذب علوم الطاقة أو التخاطر الروحي
أو جميع القوانين يلي بترتبط بعلم إن كان فيزيائياً ومغناطيسياً..
أو غيره وأنت بالأصل جاهل عنو
طبعاً بعيداً عن الخزعبلات يلي انتشرت بالفترة الأخيرة

والأساليب يلي حولت هاد القانون لنوع من الكوميديا والضحك
بس فعلياً هو حقيقي

المشاعر موجودة ورا الأفكار تماماً
يعني فيك تعتبر إنو مشاعرك هي سبب تغير مزاجك
وسبب حدوث كل الإشيا بحياتك

إنت لما عم تفكر بالحب والمسامحة والنجاح
حتى لو بأسوء ظروفك بس

صدقني رح تنجذبلك ولو بسابع أرض
بعمرو التفاؤل ما كان نوع من (شخص عم يواسي حالو)

ورح تلاقي كمية حب كبيرة من الأشخاص والحظ وكلشي بتتمناه قدامك
أهم خطوة هي الثقة بالنفس والتصديق
وأنك مؤمن تماماً بالشي يلي عم تفكر فيه

وكمان لازم نتذكر
إنو أفكار الانتقام والكراهية والأذى والإحباط
رح ترجعلك وتنجذبلك لو بينك وبينا حدود الدنيا

حتى الشخص يلي بتحبو مثلاً ومو قادر توصلو
أو كبريائك مو سامحلك تتواصل معو
إنت بتقدر توصل رسالة روحية
إعتماداً على التخيل

المهم تكون مصدق تماماً إنو رح توصلو
وهون بتقعد لحالك وبتركز وبتحكيلو كل الإشيا لبقلبك
وبتبعتلو ياهن بعقلك وكتير عالم فعلياً ظبطت معا

وقسم منن فشلو طبعاً لأنو تمرين ذهني والناس قدراتا مختلفة
بس مع التمرين وصفاء الذهن رح توصل للبدك يا

ورح يصير شي سهل بالنسبة إلك
منشان هيك دايماً أبقو حلوين
واجذبو الشغلات الحلوة
أبقو الاحلى والأنقى والأطهر...

الدنيا مو مستاهلة تنزعوها بالسواد والحقد والكره
وهيي أصغر بكتير من إنو تسمحو لشي يمحي إبتسامتكن
مافي شي بهالدنيا خلق عن عبث
إن كانت دراستك أو شغلك أو حلمك أو احوالك المادية
كلو بيتصلح وكلو بيبقى أحسن
لما أنت تكون نيتك طيبة

خليك حنون
ومحبة الناس مرافقتك..
منقول