شربتني العلقم جرعه ورى جرعه
وكل يوم تزيد لي من جرعاتك
كنت نويت على موتي بكل سرعه
وكنك بعذابي تزين لك ساعاتك

ماتغير شي بدينا اغراب
واحساسي يقول بننتهي اغراب
مسكين ذاك الحب بسرعه ذاب
والزمن مايعترف بوجود احباب

عديت في مرقب ٍ و الليل ممسينـي
بديار غرب ٍ لعل السيـل مـا جاهـا
اضحك مع اللي ضحك و الهم طاويني
طية شنون العرب لا قطـروا ماهـا
و راك ما تزعجين الدمـع ياعينـي
على هنوف ٍ جديد اللبـس يزهاهـا
هبت هبوب الشمال و بردها شينـيِ
ما تدفي النـار لـو حنـا شعمناهـا
ما يدفي الا حضن مريوشة العينـي
و الى ظمينا شربنـا مـن ثناياهـا
ياشبه و ضحى فتـاة ٍ دلهـا زينـيِ
داجت على عقلة ٍ و الورد ما جاهـا
ياعل من شار بالفرقى عمى العينـيِ
مخباط صمعا جليل الفخـذ يشظاهـا
جعله حسير ٍ كسير و راكبـه دينـي
و اتلى حلالـه ذلـول ٍ راح يطلاهـا

بلاني بالمحبه كيف ابصبر .. وانا مجروح واعيوني شقيه

جلست ومرني وانا اتفكر .. مع الشارع ولا سلم عليه

صبرت وقلت انا الله اكبر .. دخيلك لا يجي منك خطيه

ترى الدنيا لها (حوضاء) ومنكر .. وانا برضيك لاتزعل عليه

ولولا لك حاجة عندي تحضر .. تحضر لووقف دونه سريه

انا ياصاحبي ماجيت منكر .. تجيني اللوم منك والخطيه

يقول المبتلي هذا مقدر .. تقاديراً من المولى عليه

تدفعني أشواقي ويرهبني البوح .. ماغير ألمح لك عن الحال تلميح
ويضيع رجع الصوت واقول مسموح .. كم حيرة فيها عن النفس ترويح
خطاي محسوب وخطا الوقت مدموح .. والنفس تجزع والعواذل مشافيح
أصعب سؤال أواجهه وين ماروح .. به ينبني قصر للاحلام ويطيح
الصدفه اللي ساقت الروح للروح .. وش منتهاها بالقلوب المجاريح
ظنيتها مبدأ تباشير وفروح .. وحد للوعات الضنا والتباريح
مدري صدق ظني وانا صرت مشفوح .. أستعجل الأيام للحيرة تزيح
أعيش خالي البال والصدر مشروح .. مابيني وبين السعادة سواميح
أونها لي زود تعذيب وجروح .. مادري ولاني طالب منك توضيح
أستعذب الحرمان عن رهبة البوح .. أخاف تحصل قصة السفن والريح

ياعطاشا عطاشا..والموارد بعيده
والثريا حداها سهيل يم المغيب

واليا غابت من يرجي قلبي انه تعيده
قلبي اللي تولع ردى حظ ونصيب

ويل قلبي تراه في هوآها تبيدة
واتركتني وقلبي فالهوى مستصيب

طال مشوار حبك والليالي عنيده
جف غصن المحبه عقب ماهو رطيب

ياعطاشا عطشكم في صخورٍ جليدة
مالهــا ماطرٍ هـــامي ولابه ســريب

حف فيها علي الحب وقطع وريد
ياعطاشا حذاري من بعيدٍ قريــــــــب

من رمى سهم حبٍ في عيونٍ صديده
يقضي باقي حياته فالمحبه غريـــب

من طلع عالي يلقى رياضٍ مـديــده
ومن وطا ..في مطامنها فأمره مريب

فضفض وزيده سيل من الحروف
وارسل اشواقك له الفين مره
ودام القوافي هداياك له بمعزوف
لايهمك زيده احساس ونظره

خليتني بقايا جروح عيت تطيب
اطببها ولالي في شفاها امل
عجز عن علاجي الفين طبيب
تجي اليوم تقول نعيد بيننا الوصل

انا زعلان منك ولك في قلبي كثير من عتاب
عاتبتك وزعلت وتبيني اليوم اسمع منك عتابك

اناصريح وانت خليتني عايش من دون اعصاب
وفوقها تشره وتقول انك فاقد كل اعصابك

دخلتني في بحر المحبه واخترتك وصرنا احباب
وتفاجئني يوم قلت انهم كثير هم احبابك

تغيرت فجئه بس ليتك تعلمني وش هي الاسباب
اقنعني باني غلطان وراح اقبل كل اسبابك

يوم جيت اعاتبك قفلت في وجهي الباب
واليوم تقول مفتوحه لي كل ابوابك

القلب المعذب@متهم رسمي
حرم عليه مااحل لهم@فعل غيرعادل