أأخبـرک سرآ ... أخبـرگ سـرآ
 

اخبرك سرا

‏واذا طولت بغيابك
‏وفاضت لك بحور الشِّعر
‏وتهمس بالخفا "نامي"
‏ابي اسهر
‏وابي تهجرني .. مو اكثر
‏ولا تشفق على الهامي
‏.
‏.
‏لليل ، للغربه اللي تسكن سْكوتي
‏لـ وجهك اللي يصبّ النور بـ احلامي ..

‏اسمك ولو مانطقته واضح بصوتي
‏ماكنّه الا دعا وترتيل بـ صيامي ..

اخبرك سرا


‏بين شحّ الكلام وبين زخم الشعور
‏ما لقيت لسؤالي عن جفاك اجوبة

‏كنت احبك لأنك كنت طاغي حضور
‏و صرت احبك وحتى جرحك استعذبه

اخبرك سرا

رجواك و الذكرى و صبري و طرياك
‏و احلام تاكل مع حبيبك و تشرب

‏ضيّعت عمري و الرجا كان ملقاك
‏الحين وين القى عن الحزن مهرب؟

‏قلت لك حسّ لكن منت راعي حس
‏كيف اداوي المشاعر وانت تؤلمها !؟

‏المحبة فعل .. ما هي كلام وبس
‏وانت حافظ أحبك منت فاهمها !!

اخبرك سرا

منزلك في القلب عالي
ورمش عيني لك غطا
ماني عن حبك سالي
احبك ياقليلٍ بالعظا
عنك مانويت ارتحالي
دام حبك بي سطا


ن

اخبرك سرا

‏-

‏كان لك شيٍ وسط صدري عظيم
‏وصار ما لك داخلي اية شعور

‏والله اني غيييير عن كل الحريم
‏لو تحبّ ولو تلف ولو تدور :)

اعتب عليــــك يـــــــــاحبيب
مــــــــــالي مع الــــــوقت عتب

كيف اعتب علـــى الوقت
وانت بـــــــــاحزاني السبب

كيف تـــــــــقيد الـــــــنار
ويصـــيرقلــــبي لك حــــــطب

اخبرك سرا

‏كنت اضحّي واظهر بدور البطوله
‏وكنت اسوّي لك كثير اشياء عكسك
‏.
‏وكل ما تزعل عليّ .. والقلب يوله
‏والله إنّه كان يخدش إذني , همسك
‏.
‏أذكرك بـ أمّي , وبـ الغيم وهطوله
‏وبـ اصدقائي لا دعوو لي ( بيوم عرسك )
‏.
‏وبالرّغم من كل هذا اللي .. اقوله
‏إنت ما حبّيتني .. حبّيت نفسك : )

حبــيبي تـرى في قلبي لك اشياء وشي
في غـيابـــك كـــن ليلي يصيرليلــــتين

وبـــشوفــــتك يــبــرى في قـلبي الـكي
ومن الــفرحه تــهل من عيـني دمعـتين

دمــعه تغسل الحزن ودمعه تزيل الغي
وتكتمل الفرحه يوم نجتمع احناالاثنين

جيتك مواصل ابيك تلمني
‏ما ابي منك كلام ولا سلام
‏ظمني في صمت تكفى ضمني
‏ضمتك ابلغ من حروف الكلام

حبيبي تخيلني جنبك ولصدرك ضمني
وترفق على قلب حبك بداخله غلاك
واذا ضمني صدرك خذني وبعثرني
واجمعني جمر بردان مشتاق دفاك
كل صدرٍ ضمني غير صدرك مايهمني
وكل جفا اتحمله الا ياقلبي جفاك


ن

ي سلام عليك ي نهيان
فنان ي شيخ
صح لسانك ي مبدع

...


يمكن لاني فـ المشاعر تماديت
صرت اتغلى في غيابك وتبطي

انا ليا ارسلت القصايد وغنيت
ماهو على شان اتفنن بخطي

ابيك تدري كثر هالكون حنيت
ياللي معي مازلت تجرح وتخطي

ادمح واضيعها بـ عادي تشاليت
اعطي لو اني ما انتظر منك تعطي

حتى يوم اني جيت لهفه وطليت
ما جات منك غير كلمة تغطي

‏فلا تضيق ي غالي على كل شي صار
‏ترى عااد عيني تنتحي صوب غالييها

‏تباطيت مرسالك وغاب السلام الحار
‏وخذت رجلك دروب المفارق خطاويها

‏كفاك اول المشوار عن آخر المشوار
‏عزومي على فرقاك تشكر مساعييها

‏خلقنا كبار ، وجات كل الجروح كبااار
‏ولا كبّر جروحي ، سوى قدر رااعييها .

حبيبي وانت معي مالي بالهم مهماصار
المهم ماتغيب وتفقد الروح غاليها
اجيك عاني مشتاق لك وللسلام الحار
بودي اجيك طاير واسبق رجلي بخطاويها
تسبقني افكاري لك وتقصر علي المشوار
ياحيها افكاري ومشكوره مساعيها
والله اني احبك من يوم كنا صغار
وان طلبتي الروح جاتك هي وراعيها




ن

ي سلام ي سلام
صح منطوقك ي نهيان

.....

‏والحب فطره نبيله ، والشعوور النبيل
‏يطغى على أهل الغرام و يفضح سكاتها

‏ولا أنت يامن عشقتك جعل عمرك طويل
‏محبتك . . . رفرفت فـ القلب راياتها

‏إن جيتني فأنت غالي وأنت راعي جميل
‏وإن رحت وش خانة الدنييييا و لذاتها !

‏لا تزعلني و تحكم علي إني زعول
‏و إنت تدري مستحيل أزعل إلا من بلا
‏ظ°
‏و العذر في بعض الاحيان ما يلقى قبول
‏في وسع صدرٍ تحمل زعل لين امتلا
‏ظ°
‏مشكلة غلطتك ما تقبل انصاف الحلول
‏و المصيبه لك معزه و تقدير وغلا
‏ظ°
‏قلت سامحني و انا الصدق مدري ويش اقول
‏خايف اسامحك مره و " تاخذها حلا " .

غيابك يخليني من ادنى شي زعول
الف حول نفسي كن فيني مية بلا
طلبتك لاتغيب غيابك ماهو بمقبول
والله امتلا قلبي بحبك تراه امتـــــلا
حبيبي عطني حل من بيــــن الحلول
وعلمني ان كان في قلبك ذرة غلا؟؟
مسامحك بدون ماتعتذر ولاشي تقول
بس لاتكون من طبعك وتــاخذها حلا
حبيبي غيابك هو اللي يخليني زعول
يتعبني ويخليني كن فيني ميــــة بلا


ن

الله عليك
ابدعت كعادتك يا ملك الشعر
صح لسانك

..


بّهت وجه الزعل ما للزعل مله
‏مع حلم الرضا واقف على بابك
‏يسولف لضحكة اهدابك على ظلّه
‏ويضحك ظله وماتضحك اهدابك
‏معك صمت الغضب مدري متى تمله
‏وتغمر مسمعي في عطف ترحابك

وقفي .. خلي عيوني تكتفي من شوفتك
انا خذتني نظرتك .. ودي اشاهد بسمتك
من قبل ما تختفي .. وقفي خلي العيون ترسل سلام
ويتبادلوا احلى كلام .. في لحظه يرعاها الغرام
وتعرفي .. سري الخفي

وقفي .. خلي عيوني تكتفي من شوفتك
في الدنيا صدفه نلتقي .. فينا السعيد وفينا الشقي
يا بخت من يلقى هواه .. قلبي انا فيكي لقاه
في الحب انا وقلبي وفي
وقفي .. خلي عيوني تكتفي من شوفتك



كلمات: محمد العبدالله الفيصل

‏الحزن مثر على شكلي ولوني
‏والجفى بعد الغلا أكبر جريمه

‏يوم اطالع صورتي في تيلفوني
‏أدري إن من داخلي ماني سليمه

‏شاحبٍ لوني .. وذبلانه عيوني
‏والله ان ماني حبيبتك القديمه

حسبي على الحزن اثر على لونك
والله ان فعلته تراها اكبرجريــمه
صورتك بعيني اجمل من تليفونك
ياعسى التعب فيني وانتي سليمه
لومره شحب لونك السحرفي عيونك
ومهما تغيرتي انتي حبيبتي القديمه
ياعسى الفرح دربك ولامره يخونك
وتبقين مثل منتي الحره الكريمه



ن

يا سلام عليك ي نهيان
روعه صراحه
صح لسانك ي المبدع

....

‏
‏ب تلقى لك نآس
‏وتحب نآس !
‏ويمكن يمر آسمي
‏وتجآهلني ؛
‏لكن رغم الجفآ
‏عندي ؛ احسآس
‏كثر مآ ضحكت مع
‏غيري بتفقدني ().

ماكل ناس نسميهم ناس
ولاانتي اي شخصٍ اتجاهله
انتي اعيذك من الناس برب الناس
وانتي اللي ادعي الله ماافقده
هذا وعدي ولايصيبك وسواس
وانتي حلمي اللي بودي احققه


ن

ي سلام عليك
ملك الشعر ابدعت اي بالله
صح منطوقك

...

‏تايب لكن لامرني نفح النسيم
‏على بدايات الطريق يردني

‏تكفا معك ياطاري الشوق القديم
‏ان رحت لحبابي بدربك ودني

‏

ان جيت ابنسى ذكرني فيك النسيم
يجيب عطرك ولطريقك يردني
لاذكرتك ذكرت كل شي قديم
واقول خذني وين ماتبي ودني
والله انك خير صاحب وخير نديم
طلبتك لاتغيب التعب عقبك هدني

ن

الله الله الله
اهنيك ي مبدع
صح بوحك

...

فقدتك وانا .. ماكان ودي ولا ظنيت
‏ولكنّ مقادير ، الليالي غدت ضدي
‏أعد الدقايق .. عقب فرقاك مامليت
‏وانا داريٍ ماهيب .. يومين وتعدّي !

غروك بهرجهم فقدتك ولاظنيت
صدقت فيني كل شي انقال ضدي
تراني عقبك انا حتى الحياه مليت
طاوعت فيني ماقيل بنبرة تحدي!
وانــــا لجل راحتك براحتي ضـــحيت
واليوم تقول اللي حصل ماهو بودي
ماكنك تجنيت ولابهجرك تماديت
طاوعت اللي بالهروج يجيب ويودي
رقم الجفا والقساوه عنك ماتخليت
والله حفظتك بقلبي وحفظت وعدي
ودامك عرفت الحقيقه انت راعي بيت
حيــاك تــــرى مسكنك بداخــــل قلبي


ن

ياسلام عليك ي نهيان
صح بوحك ومنطوقك

...

‏يذبحني غياب حرفك حيل يقتلني
‏وتذبل حروفي حزن فرقاك مقهوره
‏:
‏والحب يشعل فؤادي لين يشعلني
‏كني على الحزن يالايام ماموره
‏؛
‏ وش السبب ليه ناسيني ومهملني
‏تدري غيابك بهذا الشكل له دوره
‏:
‏في وسط قلبي سؤال دوم يسألني
‏وين الغرام الذي يسعدني حضوره؟

لوغاب حرفك غيابه والله يقتلني
وان غبتي انتي كل الدنياتصيرمقهوره
ونور حضورك يشعل الدنياويشعلني
والاوادم تمشي بطوعك تقول مأموره
بس خوفي لورحتي دنياي تهملني
وساعة حياتي تتوقف بها الدوره
في سنين عمري سؤال يسألــــني
وين حبك اللي يبهج الدنيا حضوره؟
ماقلت لك ان غيابك والله يقتلني
لاتخلين احلامي تتلاشا وتصير مقهوره

الله الله الله
صح بوحك ي الغالي

...

قال السلام وقلت مامن سلامه
‏لاشفتك مقبلن فكري تهيض
‏:
‏واليا التفت خجلان ودق ابتسامه
‏من شوق قلبي صار بالحيل ينبض
‏:
‏ماهي على الهندام والا الوسامه
‏له روح جذابه وقلبي مروّض
‏:
‏واليا هرج همسه وبحة كلامه
‏له نغمة "بالاذن " ماتنتعوض

لوتقابلنا وسلمت ردي الســــلام
خلي مشاعرالحب بفكري تهيض
لاتخلين اللقا يضيع بالابتــــــسام
خلي الكفوف تتلامس والحب ينبض
جيتك وعندي للحب اصل الامــــان
وقلبي ماقــــــد حب ولك تــــروض
انتي ياللي لها بحه تذبحني بالكلام
ترى ساعات الحب لوراحت ماتعوض!!


ن

يا سلام عليك
صح لسانك ي نهيان

...

‏كل خاطب لا جا كنّه يغرس الرماح
‏و آتعيجز عن الزينة و لبس الحُلي
‏و كل عرسٍ لا جيته ما أشعر بإنشراح !
‏خوف لا ينكتب لي شخص ماهوب إليّ
‏آتصدّق أبي قربك و قربك فلااااح
‏يا متى همّنا يا روحي بـ ينجلي ؟
‏و ربّي اللي ملا وجهك وقار و صلاح
‏بالفرح و العيال إن بيتنا بـ يمتلي .

انا اللي سمع بالخاطب قام صاح
وان لبستي الحلي زينـتي الحلي
عقبك جافتني الدنياوجافاني الانشراح!
علام الدنيا تاخذ كل شي كان الي
اسهر الين اسمع بالمساجدحياعلى الفلاح
بغيت همي ينجلي ولاهو بمنجلي
عز الله انك غاليه وزينة كل الملاح
وانتي اللي قلبي بحبـــها يمــــتلي
تذبحني فيك الاعين الخضرالصحاح
لونقص حب الناس حبك انتي يعتلي


ن