|
https://g.top4top.net/m_1287raoow1.mp3
الله يجزاه الف خير وصح الله لسانه صديق اخوي كتب هالابيات واخوي شالها عند منشد ابداع وربي هالقصيده بابوي والضابط معرسنا ههههه الله يسعده يكفي حضوره وتشريفه |
بيوم زواج اخوي طاحت علي شنطة المكياج
وتوها تصحى تعورني وتنتفخ :( |
ًصباح اليوم يقول ..
كل يوم بدون نظره من حبيبك لا تعدّه يوم من عمرك ابدا . |
المود مش تمام
والنوم ما وده يشرف والحل :( |
اقتباس:
سلامتك وماتشوفين شر ياغاليه وين الشنطه هذي معقوله ماكسرتيها ههههه طيب هاتيها عشان اتفاهم معاها بالرشاش ايش رايك هههه |
الله يسلمك يارب
وما يجيك ان شاء الله ههههههههههههه وين اكسرها هذي تكسرني ولا تنكسر كفو والله قدام خذ حقي منها بس الله الله بالتفاهم |
ولا نحكي ولا نشكي ولو شفنا جفا وعثور
عزيز النَّفس دايم حاجته بالنفس يتركها . |
[youtube]https://youtu.be/SQ7A7ok4UVA[/youtube]
اخخ ي قلبي ابدع الشاعر بالكلمات وابدع فلاح بصوته انا هنا ما اقدر اوصف شعوري لما اسمعها اعيش معها اروح لدنيا ثانيه |
ماجور ياقلب عن الوصل بقيود
ناحيك عن لاما الحبايب بلايا ماجتني الدنيا على حسن مقصود مسكين انا مانلت فيها هوايا عيا العوج لا يعتدل يابس العود مكر النوى متناهيٍ في عنايا يخطي الخطا غيري وانا فيه مقيود وش زلتي ياوقت شنهو خطايا لحول ياقلب على الشين محدود منصوب نيشان لضرب الرمايا لي وين وانت بعلتي تعطي الزود ياوقت آه من العنا واشقايا حولين والثالث وانا عنه ملدود نور النظير وريف روحي حيايا لا ناشدٍ عني ولا عنه منشود خوف الحسود وخوف زود الحكايا حاشا وكلا لا ويونس مع هود ماغاب عني ساعة في نيايا كم واحدٍ مثلي على ماش محسود مغبوط بات عدول بطنه خلايا مادري متاي بمتلفي نايلٍ فود مااظن عقب نعود عريا حفايا من عقب مايدبي على راسي الدود واقوم فزعٍ عند كشف الغطايا ياعونة الله يوم شاهد ومشهود هذاك يوم فيه نشر الخفايا كلمات:محمدعبدالوهاب الفيحاني |
كل بيت اقوى من البيت الي قبله
صح لسانه وصح يمناك ع هالاختيار نورت مكانك ي نهيان لا خلا ولا عدم من هالوجود |
جاني سلامٍ مع الطير واجمل تحايا
من ناس على العز رابين وغاليـــين ناس آسريني بطيبه وحلو السجايا كرمهم حاتمي والاخلاق لهم عناوين هم اللي من الله اتمناهم جزايــــا وعسى منزلتهم بقلبي دوم عاليين يامساء الانوار على الناس الطيبين |
ي نهيان
وش اقول وش اخلي متميز ومتفرد بابياتك سعيده جدا بمعرفتك كثير ربي يسعدك تسلم ي الغالي منبعك انشهد عقبال ما اسمع اسمك بين الشعراء في مواقع التواصل |
وانا اسعد بمعرفتك
والله يسعدك ويحفظك ويرعاك وان شاء الله بفضل دعواتك يكون شعري المتواضع معروف بين الناس |
توني متقهويه ومخلصه قهوه
مع امي وابوي وهاللحين رايحه انام مافيه اي ذره احترام عندي لهيبة القهوه صراحه لا تعليق ي انا ههههههه |
متقهويه قهوه ورايحه تنامين
بالله كيف تجي هذا هههههههه انا اشرب فنجال قهوه وبيالة شاي اجلس عشر ساعاتي ادور النوم في الحواري واذا لقيته لازم ساعه اعاني حددي بيتكم على الخارطه بسكن قريب منكم عشان يصير لي نصيب من النوم اللي مرابط عندك هههههههههه نوم العوافي الله لايغير عليك كانك تحبين النوم |
هههههههههههههههه
والله ي نهيان اني ما ادري شنو السبب انا اشوف الي حولي عندي كذا قبل النوم بساعتين مايشربون انا ما ياثر علي شي لا قهوه ولا غيرها ممكن لاني متعوده ع شرب القهوه كثير هههههههههه ابد حياك تعال بس ي خوفي تشفطه كله وانا اكلها بعدين ادوره ما القاه ههههههههه الله يعافيك بس انا ما احبه هو يحبني ومسبب لي ازمه مع اهلي يهاوشوني واخذ محاضرات عشان النوم وانا مالي ذنب بريئه انا منه :( |
الله يهنيك بالنوم
والله يعين اهلك عليك ويعينك على اهلك ويخليلك النوم اللي ماخذك من الناس كلها هههه |
هههههههههههههه
امين يارب |
أنا شخصية جداً أحب الدّلال :)
بمعنى لو زعلت شويتين ضروري نوقّف العالم .. وتقوم الدنيا :x3x: |
لما ودك بشي بس ماتبي يجي من طرفك
وتتفاجى ان الشخص هذا طلبه وينرفض من قبل والدينك يعني والله ع كثر ما كنت ابغى هالشي ومبسوطه انه جاء من طرفه ماهو مني وانصدم من امي وابوي انهم رافضين هالشي بتاتا اقول خيره الحمدالله واحاول اني ما ازعل بس والله غصب عني زعلت وبكيت يعني شي ودك فيه وتبيه يصير بس مايجي منك انت الحمدالله على كل حال بالامر خيره نجهلها |
آشين شي إذاجتني الصيحه
وَ أنا أهاوش أحد :( أحس ودي أمسك نفسي على جنب وأقولها يا حيوانه أصبري باقي كلمتين بقولها و بعدين صيحي :no: ي كثر ما تصير لي ههههههههه |
سامحك ربي هنا
يامرحبا يامرحبا وانا اقول ليش المنتدى زايد النور فيه اثاريك موجوده عساك دوم موجوده لك وحشه ياغاليه الله يسعدك واهم شي انك بخير ان شاء الله |
ياهلا ياهلا بـ شيخ الشباب
الله يسعدك يارب انشغلت مع العريس والعروس جايين نستغل هاليومين الي بيكونون فيه قبل يمشون والنور نوركم ي الغالي وانا اكثر والله هالمكان صار بيتي وراحتي ما اقدر استغني عنكم حتى لو انشغلت ادام الله هالصرح الجميل بمن فيه |
عندنا اليوم عشاء كبير للعريس والعروسه
راح يكون يوم متعب شوي لان الضيوف كثير من اهلنا واهل العروسه بحكم انها ماهي من عايلتنا بيكون يوم تعارف للعائلتين زين توني اخلص شغل وبنام وراح اقوم ع 3 عشان اتجهز بدري قبل وصول الضيوف . |
الله يبارك لكم جميعا
والله يعينكم على ماتقومون به وان شاء الله ايامكم كلها افراح لاتنقطع |
اللهم امين نهيان
تسلم والله على هالدعوه الجميله ربي يسعدك اضعافه ي الغالي |
اقتباس:
اتجهز بدري اها حلو والله ي الجوهره شي طيب انها كانت بالك طبعا لا احكي لكم صراحه اول من تجهز وخلص انا :( هههههههههه صراحه امس عشت فتره انهيار كلي اول ماصحيت وضيت وصليت حلو شفت ان يمدي ازيت شعري قبل ما اتسبح واتجهز هذا الساعه كم 3 وربع زيته وخليته ساعه ونص بس طبعا هذا الزيت كانه ماسك واول مره اجربه اخذته على مدح وحده من خواتي يعني ما جاء في بالي ولا واحد بالميه اني بروح فستين داهيه ههههههههه المهم بعد ساعه ونص غسلته الله وكيلكم مو راضي شعري ينظف من الزيت انا هنا خلاص منهاره واحاول اتماسك واختي وامي عندي يهدوني يعني خلاص كيف اطلع مستحيل اصلن اطلع للضيوف كذا وغير كذا الحل ايش مافي وتدور اختي بالنت ولقت وحده كاتبه ان الحناء يخفف من زيت الشعر واحط حناء لمده ساعه واغسله ولا راح لسى باقي زيت هنا انهرت جلست اصيح وحالتي حاله وتدق اختي صدفه تبي تسال شنو نبي قبل تجي لبيتنا وتقولها امي عني وان ماندري وش السواه قالت فيري خل تغسل شعرها فيه انا حسبالي تطقطق يعني وش فيري سلامات واقعد اصيح زياده وتحالف بالله ان صديقتها مثلي صار لها كذا وماراح الا بفيري بدا الامل بشويش يخيم علي وتركض اختي تجيب لي فيري واجرب الا فعلن راح حسيت الدنيا تضحك لي والحياه حلوه مو الي قبل شوي بغت تموت وسوت مناحه هههههههههه صح ان يوم طلعت ريحتي كلها فيري وما راحت الا يوم بخرت شعري وعطرته بس الحمدالله انها فرحت وطلعت للناس وسلمت وانبسطت معهم الي يستفاد لاتغيرين زيتك الي متعوده عليه واذا بتغيرينه على كلام احد جربي قبل المناسبه بشهر لاتصيرين مثلي ههههههههههههه طبعا يوم جتنا اختي خميتها من الفرحه لان لو مادقت وارسلها الله لي بهذاك الوقت كان انا بحال ما يعلم فيه الا الله الحمدالله ياربي ههههه |
متوجهين الان الى الجنوب مع ابوي
انا واختي الصغيره واخوي الي اصغر مني بسنه ابوي اجتماع اصدقائه هالسنه فـ ابها ولنا اسبوع نحن فوق راسه نبي نروح معه والحمدالله وافق طبعا من شروط الموافقه مانفتح فمنا ان نبي السوق وان شاء الله ينحذف الشرط اذا وصلنا ههههههه |
الحمدلله على السلامه
ومفروض تعطين اختك 1000ريال لانها انقذتك وبالنسبه للشروط اللي وافقتوا عليها مع ابوك لازم تطبقينها ولا تراني بتصل عليه وبقول رجعهم هههههههه |
اقتباس:
هههههههههههههه الله يسلمك يارب تستاهل والله بس خلها تقوم بالسلامه وتبشر بالخير ليش تضيق على اخيك المسلم ي نهيان هذي من ابسط سعاداتنا ي البنات ههههههههه ابشرك يوم راح اجتماع لخوياه عطانا السياره وقال روحوا لسوق اخوي يناظر ابوي بعين تكفى لا ههههههه |
ههههههههههه
تستاهلين الخير وان شاء الله انها تقوم بالسلامه هههههههه ماضيقت على اخوي المسلم بس الشرط لابدالالتزام فيه هههههه زين انه عطاكم السياره اهم شي رجعتوا سالمين والحمدلله على سلامة رجوعكم |
هههههههههههههه
ابد ما ضيقت وانت لو عليك ماتبينا نروح يعني عطونا شرط معقول وصدقني ماراح نفتح فمنا هههههه الله يسلمك ي الغالي انا خلاص قررت اني اقدم ع وظايف الجنوب ع الاقل اداوم باجواء حلوه بالغربه هههههه |
قررتي خلاص يعني ماراح تتراجعين
إذا لقيتي لي معك وظيفه لاتنسيني هههههههه |
اختنا الغاليه
سامحك ربي نتمنى من الله ان تكوني بخير وفي صحه وعافيه وسعاده وان تعودي الينا فالكل مشتاق لك |
|
| الساعة الآن 11:29 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir
new notificatio by 9adq_ala7sas
User Alert System provided by
Advanced User Tagging (Lite) -
vBulletin Mods & Addons Copyright © 2024 DragonByte Technologies Ltd.